Takabalu 4:14 - Fanawbuid tagsibaliwas Fakayabian

¹⁴ Ay katsi kanya fagayu gfantedan way lang sa sangay dalan kata sik ngay yud glag. Ay at ngay lanbung gatagukun wan, nu katanya, we mananted ya anya fagayu.

Takabalu 4:14 Referans Kwoze

Eremyas 2:34

Ay ngay lanbung gatagukun ngay taw at yud e asalanan ay at yud e kwa at taguk. Nafabul am anya fagayu deyud am batang glag nu gsakbo sa ay ngay bale. Ay dewa kaksvn nya ay nafakamulun,

Isayas 56:10

Ngay taw Israel nangus at ngay tagfangguna gulit tua. Ay aroro mangaro, kanya fagayu kata way at yud glag ay at yud e fagsafulun, ay kata yangay tagulit fag ngay idu at yud gsubang ya. Kanya fagayu gtaygilidan way gugat gtiug ay gtaginfan.

Isayas 1:15

Dewa ngap am gdarangin gugat, kwa kasalag ayu. Ay dewa malayun nu gdarangin am, kwa gdungugan ayu, aroro ngayu wan ay nafabul taw.

Tap 19:16

“Tuyani te, masuya kaduge fituk menit, nusnga sinu fag taw at nasas day fagmafulan nu nated way at kinbul ay dewa sik taw at kinbul maugali. Katanya yangay nusnga sinu fag taw at nated sik fagfolian ay mannga sik taw at bini, tuyani anya te, masuya.

Efesu 4:18

Kanya wa natogdungug, aroro siginan at fagyudun mamatanganan ay fakamaogatunun, takatanya fag taw we afud Dius at famonun fag leleg.

Mateu 15:14

Fabayani wa anya, aroro kafag ngay taw takata way sik taw yud glag tagtabanan sik taw at yud yangay glag. Ay fagdua ro kabulsu way sasad lusung.”

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Tap 35:33

Lag gfauri ay fagbanwanan fag talun, aroro nu nafabul wayam sik taw katanya gfauri wayam ay talun, ay we famasine ya ay talun, nu bunway siginan at nafamabul at leleg.

Eremyas 26:8

Ay Eremyas nu ntabu garingang, ngay tagfon fanggalangun, ay ngay taglong, ay ngay taw naligung anya, ay nalong te, “Masine nu kabul wo!

Esekyel 23:45

Dewa katanya, at matuyan ban fag ngay taw gfaurianan duksay tagalvngvdan sat nafamatugtug ay sat nafamabul.

Sefanias 1:17

Yawi nalong te, “Namae fagidapun au ngay taw, ay kanya ban fagayu glao kata sik yud glag, aroro anke asalanan sa angku. Ay at taguk gtaribisan kata mamam, ay at ngay bilug kadan kata ngay nakaurian.