Takabalu 4:11 - Fanawbuid tagsibaliwas Fakayabian

¹¹ Yawi andotama maksvn furuan Erusalem, ay kanya nairug kafag furuan anggan at ngay fagfatungkudan turuk.

Takabalu 4:11 Referans Kwoze

Esekyel 22:31

Nu katanya, nafadasug au sanya fag ngay taw ku dotama at maksvn. Namamin kban anya fagayu aroro sat ngay nafakamulun. Au, Fun Dius Yawi, taglong tuy.”

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Takabalu 2:17

Yawi nafakamulun kata at algan. Kanya nafafasludan at nalong. Ay wa nfanyu ya giklas furuan Erusalem! Kanya nafae fagusegananun am ngay fawayan, ay nafabayan nu kamatungudun sat ngay fagmabalyananun.

Eremyas 17:27

Dewa katanya, nu dway ban am gfaning angku, ay nu dway ban am gfae masuad Famiangalay fag Menit, ay nu namuba way ban am ay ngay famaloun sas Erusalem at ngay sakbawan ginanya fag menit, nangirug kwan Erusalem at ngay sakbawan anggan ngay furuan at ngay fagtungkudan, ay wa ban e mafarabung ya!”

Lukas 21:22

Aroro ginanya wa ban fag buknga nu gfaurianan, laman gfafasludan Dius at Longan at kinriruk ebi.

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”

Daniel 9:12

Nafafasludan o am ngay longan sa emi ay sa em ngay tagfangguna siginan nu gfaurianan o emi maksvn. Nu katanya, sas fagdaul daga wa batang e kaksvn Erusalem at nadalan.

Takabalu 4:22

Am fag ngay taw tagbanwan sis furuan Erusalem, gakatabuun wan nu gfaurianan ayu. Ay wa ban glugo ya Yawi gfauli wan ayu siginan ay fagatabananan fag talun. Ay am fag ngay taw Edum, Yawi ban gfaurianan ayu. Aroro sa ay ngay asalanan, kanya ban gfasure ay fagmauriun.

Takabalu 2:8

Yawi anke algan nanrasras furuan Erusalem at alad. Kanya nafalganan laman namakamulun takatanya. Ay nafataglayun at algan.

Eremyas 21:14

Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 13:14

Namaadkatukan au ngay fagtainan ay at ngay sisian. Kwa ban kafanyu ya gfabul anya fagayu.’ Au, Yawi, taglong tuy.”

Eremyas 36:7

Tiba ginan ban manga, siginan takatanya, kanya fagayu kakbang tua sas Yawi ay gubun tua at ngay ugali at mauri. Aroro Yawi nafararang wan sa anya fagayu te, namaurianan ban anya fagayu aroro maksvn nu kadotama.”

Esekyel 6:12

Ngay taw ban tagbanwan sa tangayayu umbul sas fakasaitun. Ay at munakbang ban umbul sas awayan. Ay at sawad ban umbul sas lunus. Takatanya ban fag balyawvtan kanya fagayu sumaful te, maksvn nu kadotama au anya fagayu.

Esekyel 36:18

Nu katanya, nabusbus au ku dotama sanya fag ngay taw, aroro kanya fagayu nafamabul sit talun, ay nafasuya at talun siginan nu gseg tibak fagsegan.

Sefanias 2:2

gina yay yud andasug Yawi at nafalganan fag menit nu nangaiyan ay namarapyag ayu kata naglayapan. Fagayu am ubuni ay ngay asalanan gina yay yud andasug sa ayu Yawi at fandotaman tagigang.

Lebitiku 26:28

kadotama kban ay namawayan ayu, ay namaurianan kban ayu fitu ginan.

Isayas 51:20

Kanya fagayu kalufuy ay mataygilid sa sangay sagbatan, kata sik ngay arasyo at kinsiuk sa sik sangdaw. Yawi at maksvn fag dotama andasug sa anya fagayu. Am Dius nasalag anya fagayu.

Takabalu 2:1

Fun Dius natabun furuan Erusalem sik tagbia fag linyabu, aroro maksvn nu kadotama. Kanya nafalyam Israel at fagmasineun, kata nu nafatong sas daga siginans banwa. Ay nafabayan wan at bale.

Takabalu 2:3

Ay at kaksvnan nu kadotama, kanya nafalyam wan ngay taw Israel at fagmabalyananun ay nafababawan. Kata sik afuy, kanya nafamin ngay taw Israel ay anggan fagayu nusnge wain tagsit ligung.

Takabalu 2:4

Ay kanya gfatiuan at banyas sat ngay taw kata nu at fawayan. Ay nafabul wan at fagfanagsagun fag ngay taw. Ay kanya nafadasug sa sangay taw Israel at dotama kata sik afuy.