Takabalu 3:57 - Fanawbuid tagsibaliwas Fakayabian

⁵⁷ Ay andasug tuo, ay nafasun angku te, lag au kalimu.

Takabalu 3:57 Referans Kwoze

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Santiagu 4:8

Akbangi sas Dius, ay Dius nangakbang yangay ayu. Am fag ngay tagasalanan, fegusi ay daluap. Ay anggan am fag ngay tagawabilugan, fasinei ay amatanganan.

Isayas 58:9

Ay ginanya ban, kakbang am sa angku laman get gubuk, ay gbalus ktua ban ayu. Faragangi wan nu kamaidapan am, ay nu glong am at yud matuyan, ay nu garingang am at mauri,

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.

Isayas 41:14

Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.

Alubad. 145:18

Munakbang tuo sit matuyan fag ngay taw taguro tua gugat sa emu.

Fakamulun 27:24

glong angku te, ‘Pablu, lag kalimu. Aroro matuyan wan manalubang ban o talun Ruma at fun, aroro siginan emu, Dius gfalangfe ban fagayu am ufud sis sakayan.’

Fakamulun 18:9

Sik yabi, tam Fun naringang sas Pablu sa sik taginfan te, “Lag kalimu, ay lag gfaragang nu kamoyung o.

Eremyas 1:17

Eremyas, falganani! Ay loi wan ay namoyung o sa anya fagayu ku longan emu. Lag o kalimu. Aroro nu nlimu way ro wo, gfaugat kro nu kalimu o gina o sanya fag ngay taw at daga salubangan.

Alubad. 69:18

Akbangi ay falangfei angku siginan ku ngay fawayan.

At Nafasure 1:17

Gina au nalag anya, anlub au sit daga salubangan ay kata wan nu nbul au. Ay kanya nafatayuk sa angku at siun fag daluap, ay nalong te, “Lag o kalimu. Au wan taguna ay taguyan.

Ebreu 7:19

Aroro Muisis at Faugali wa mafafasine nusnge wain. Ay katsi e nafadasug sa antam sik fagsegun tagtungud tua ebi tam fagsegun. Ay siginan kanya fag fagsegun manangakbang tua tam sas Dius.

Fakasigadan 26:24

Ay nu nyabi wan, Yawi ankakbang sa anya ay nalong te, “Au wan am mama Abrayam at Dius. Lag o kalimu aroro gufud au emu. Ggubuk au emu ay gfon kban sa emu ngayuk kasugfunanan, aroro siginans Abrayam ku fagsuguan.”

2 Fun 19:6

Isayas nalong sa anya fagayu te, “Longi sa ay tagfayafun te, Yawi glong te, ‘Lag o kalimu am nadungug fag longan Asirya at fun at fagsuguan nu gfalingun angku.

Alubad. 138:3

Gina au nadarangin sa emu, nabalus tuo angku, ay nafaksvn tuo angku.