Takabalu 2:9 - Fanawbuid tagsibaliwas Fakayabian

⁹ Erusalem at ngay sakbawan alad anrasras wan. Yawi nalifung wan ay narasras at ngay faningding sakbawan. Ay at fun anggan at ngay tagfangguna natabanan wan sa tangayayu fag talun. We saful ya Yawi at faugali, ay ngay taglong we taginfan ya siginans Yawi.

Takabalu 2:9 Referans Kwoze

Esekyel 7:26

Ay umdasug ban sa anya fagayu nusnga setaw fag malimu ay at mauri fag ngay barita. Ay kanya ban fag ngay taw nanginto sa sangay taglong, dewa katanya, wa ban mafabalus at ngay fagintoun. Ay namayfoyung yangay ban sa sangay tagfon fanggalangun ay nanget famalun sa sangay tagfangguna, dewa katanya, wa ban e gfoyung ay we mafalu anya fagayu.

Usea 3:4

At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

Nemyas 1:3

Ay kanya fagayu nabalus angku te, “Fagayu at kinfoli sas Uda maksvn nu gidapan, aroro tagsit ligung fag ngay furuan at ngay taw, gfalingun anya fagayu. Dasug katsi, Erusalem at alad maiklasan, ay at ngay sakbawan mairugan.”

2 Krunika 15:3

Ngaduge wan ngay taw Israel nu gbanwan nu yud si anya at matuyan fag Dius, ay nu yud e ngay tagfon fanggalangun tagfoyung anya fagayu, ay nu yud e fagaloan suguan.

Eremyas 51:30

Babilunya at ngay tagfawayan umragang nu gfawayan ay maragangan way lang sit fagmafulan. Kanya fagayu ummomuy kata sik mangena. Ay tagsis Babilunya fag ngay bale umkirug ay at ngay dingding sakbawan umrasras wan.

Alubad. 74:9

Wami e fagtoglagan ya tagfasaful te, gufud yay o emi. Ay we ngay taglong ya. Ay wami saful ya te, seduge ya ban nu katatuy ami gugat.

Deuterunumyu 28:36

Yawi ban namataban ayu gasfuan ay nafili fag fun sa ay fagyudun toglag fag ngay taw, ay anggan ay ngay mangaguyang at fagyudun toglag. Ay nanseg ban am sat ngay fagsegan at mawatan kayu ay gang.

Esekyel 17:20

Nanggamat kban anya ay nantaban sas Babilunya ay kanya ban gafaurianan sanya, aroro nafamabo angku.

Esekyel 12:13

Dewa katanya, ggamat kban anya kata sik mangilafang ay nantaban sas talun Babilunya sa sangay taw Kaldea at talun. Dewa katanya, kanya ban wa glag, ay sanya waban nu kabul.

Takabalu 4:20

Kanya fagayu nagamat em fun, Yawi at nafili, em fagsegun at namangguna emi sa em fawayan fag ngay talun.

Takabalu 4:15

Ngay taw guro sa kafag ngay tagfon fanggalangun te, “Ayayui wan! Masuya wayam. Lag am gted emi.” Nu katanya, kanya fagayu nalao wan sa tibak talun, dewa katanya, we naylat anya fagayu.

Takabalu 1:3

Maksvn nu gfaidapan talun Uda, ay at ngay taw natabanan wan. Kanya fagayu gbanwan sa tibak talun at yud e fagmabayanun. Ay at ngay fawayan gfafalo anya fagayu ay wa malagyu ya.

Eremyas 52:14

Kanya nafangguna talun Babilunya at ngay tagfawayan, ay naiklas Erusalem at alad.

Eremyas 39:8

Ay talun Babilunya at ngay tagfawayan nairug wan tagsis Erusalem fag ngay bale ay anggan fun at bale daul, ay narufa yangay ngay alad.

Eremyas 39:2

Ay gina sis fasiamk menit sis faufatk magdanun ay sis falabi sadik banwa fun Sedekya nu gfunan, ngay taw Babilunya naiklas wan furuan at ngay alad.

Eremyas 14:14

Yawi nabalus te, “Kanya fag ngay taglong kamuag sa ku ngayan. Kwe nasugu ay kwe nalong sa anya fagayu. Wa siginan angku ay we masuad kanya fagayu at taginfan at foyungan sa ayu, nu bunway siginan way at ngay amatanganan.

2 Fun 25:7

Ay sis Sedekya at daga salubangan, kanya fagayu nafabul at ngay baguama. Sanya ginan Babilunya at fun nasugu yangay te, “Guladi Sedekya at ngay mata, ay siuki anya salambitan.” Ay sanya ginan nataban anya sas talun Babilunya.

Eremyas 23:16

Yawi at Mabalyanan glong sa sangay taw Erusalem te, “Lag am gafanud takamuag fag ngay taglong at longan. Kanya fagayu nafaseg way ayu sat fakamuagun. Wa siginan angku at ngay taginfan, siginan way at ngay sadili amatanganan.

Usea 11:6

Ay at ngay fawayan ban kadasug sat ngay furuan, ay nanrasras ban at ngay famalabag sakbawan. Ay at ngay fawayan ban tagfatabu fagayu at ngay algan.

Amus 1:5

Nanrasras kyangay ban furuan Damasku at sakbawan alad, ay namamin kban datag Aben, ay furuan Bet-Eden at tagfangguna. Ay e nanggamat ngay taw Sirya ay nantaban sas talun Kir. Au, Yawi, taglong tuy.”

Deuterunumyu 28:63

Kata Yawi nu guseganan gfaramraman ay gfayu ayu, kanya ban guseganan yangay nu grasras ay nu gfabul ayu, anggan am nalyam si ay fagnamanwanan ay ay fagnangagbilugun fag talun.

1 Samwel 28:6

Nu katanya, kanya nainto sas Yawi. Dewa katanya, Yawi wa nabalus anya dewa siginans taginfan ay siginan ngay taglong.

Isayas 24:12

At furuan marasrasan way ban gugat, anggan at sakbawan.