Takabalu 2:4 - Fanawbuid tagsibaliwas Fakayabian

⁴ Ay kanya gfatiuan at banyas sat ngay taw kata nu at fawayan. Ay nafabul wan at fagfanagsagun fag ngay taw. Ay kanya nafadasug sa sangay taw Israel at dotama kata sik afuy.

Takabalu 2:4 Referans Kwoze

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Esekyel 24:25

Yawi nalong yay fia te, “Taw at baguama, gina kban grasras at fagnansegan fag bale, at nafamatungudun, ay at nafamanagsag ay at fakesugun fia, ay nu nafabul kwa ban kafag ngay taw at ngay sisian,

Eremyas 21:5

Au wan at namawayan ayu siginan ku fagmabalyananun aroro maksvn nu kadotama au ayu.

Isayas 42:25

Nu katanya, Yawi nafalag sa antam at dotama maksvn, ay nafaidapan antam sa tam ngay fawayan. Kanya nu kadotama kata sik afuy at maligung tagirug antam, aroro wa tam nafandungug ay namatangan.

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Ub 6:4

Aroro at mabalyanan fag Dius kata wa nu nafana angku at maganga fag godun ay fagdaul ku bilug naganga. Ay natayukan au.

Naum 1:6

Sinu at magwanta Yawi nu nkuri? Aroro kanya nu nkuri, kata nu gfaduksun afuy siginan at bibig, ay gang kabaltak sit salubangan.

Naum 1:2

Yawi tam Dius wa kaylat ngay taw nu gseg tibak fagsegan. Ay kanya kauri at ngay fawayan ay namasud anya fagayu.

Esekyel 36:18

Nu katanya, nabusbus au ku dotama sanya fag ngay taw, aroro kanya fagayu nafamabul sit talun, ay nafasuya at talun siginan nu gseg tibak fagsegan.

Esekyel 22:22

Kata nu gfatinas salapi sasad afuy, namatinas kyangay ban ayu, ay sumaful ban am te, au Yawi at nafalag sa ayu ku dotama!’ ”

Esekyel 6:12

Ngay taw ban tagbanwan sa tangayayu umbul sas fakasaitun. Ay at munakbang ban umbul sas awayan. Ay at sawad ban umbul sas lunus. Takatanya ban fag balyawvtan kanya fagayu sumaful te, maksvn nu kadotama au anya fagayu.

Esekyel 5:13

“Nu nfasludan waban takatanya, kwa ban kadotama ya ayu, nu katanya, nafasud kwan ay ngay nafakamulun mauri. Ay gina kban nafadasug sa ayu takatanya, sumaful ban am te, au Yawi tagfakamatoan ayu aroro maksvn nu kadotama au ayu.

Takabalu 4:1

Ngay taw tagbanwan sis furuan Erusalem ankata sik gintu at yud masine ya, ay kata yangay at mafanud fag ngay gang tagrapyagan way lang sa sangay dalan.

Takabalu 3:3

ay malayun nu gfaurianan angku kayu menit ay yabi.

Takabalu 2:5

Fun Dius naiklas Israel kata nu at fawayan, ay naiklas yangay ngay furuan at alad, ay anggan fun at alad bale. Ay nafamut yay kafag ngay taw at fakabaluun ay at fagwaywayun.

Eremyas 36:7

Tiba ginan ban manga, siginan takatanya, kanya fagayu kakbang tua sas Yawi ay gubun tua at ngay ugali at mauri. Aroro Yawi nafararang wan sa anya fagayu te, namaurianan ban anya fagayu aroro maksvn nu kadotama.”

Eremyas 4:4

Ngay taw Uda ay taw Erusalem, fasinei wan ay ngay amatanganan si ku daga salubangan, aroro nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri. Umfasludan ban takatanya aroro sa ay nafakamulun at mauri.”

Isayas 63:10

Dewa katanya, kanya fagayu nafamabo ay nafabaluanan at Masine fag Falad. Nu katanya, Yawi andotama ay nafawayan anya fagayu.

Isayas 63:6

Ay aroro kadotama au, nasiad kwan ngay talun at taw, ay nafaranranugan au anya fagayu kata sik ngay tagalangu. Ay naugwag kwan sas daga at ngay taguk.”

2 Krunika 34:25

Namalag au ku dotama stae fag furuan, ay wa ban e mafaragang, aroro ku ngay taw natalyuyan angku ay nawat tibak fagsegan ay naseg.’

2 Krunika 34:21

“Nanginto am sas Yawi laman sa angku ay sa sangay taw Israel ay taw Uda at sawad, sabaliwa at marirukan si ay nalag fag fafil. Yawi maksvn nu kadotama antam, aroro tam ngay mangaguyang wa nafaning Yawi at ngay longan at marirukan sanya fag fafil.”

Alubad. 37:14

At mauri fag ngay taw ggunut at mesa fiso, ay gfatiuan at ngay godun laman namabul at yud e kwa fag ngay taw tagugali at matuyan.

Eremyas 10:20

Dius at bale ankiklas wan, ay e nataban wan tam ngay kaiban, ay wa ban e nangawat ya tam ngay bale.”

Esekyel 20:34

Ay siginan ban ku fagmabalyananun ay ku dotama, namaful au ayu siginan ngay talun nu inda nu gbanwan am,

Lebitiku 26:17

Gfabayan kban ay fawayan nu gbabo ayu, ay kanya ban fagayu gagbilug ayu. Ay at kaksvnan ban nu kalimu am gtadtaruyan ban am glagyu, dewa yud e gfafalo ayu.

Deuterunumyu 32:22

Nu kadotama au kata sik afuy tagigang, ay girug daga ay fagayu tagsanya, anggan sas daga daga, ay sa sangay buksul at fagtungkudan.

1 Samwel 28:16

Ay Samwel nabalus Saul te, “Wain am fagintoun yay sa angku? O nunda Yawi ya natalyuyan emu, ay katsi o wan at fawayan?

Ub 19:11

Kanya maksvn nu kadotama angku, sak nalong te, at fawayan kway.

Eremyas 42:18

Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Takabalu 1:13

Ay kanya nafadasug afuy siginans banwa, kata nu girug ku ngay bini. Kanya nafasangdawan si ku dalan ay ansangdaw au. Kanya naubun angku ay mamomuy kway lang fagngabak menit.

Takabalu 4:11

Yawi andotama maksvn furuan Erusalem, ay kanya nairug kafag furuan anggan at ngay fagfatungkudan turuk.

Esekyel 7:14

Ay dewa guyup at budyung laman gfafalganan namawayan, wa ban e gfalganan ya, aroro ku dotama ban umdasug sas fagayu taw.

Esekyel 13:13

“ ‘Nu katanya, au, Fun Dius Yawi, glong au te, at kaksvnan nu kadotama au, nangiklas kban at ngay alad siginan sik maksvn fag fulug, ay yelu fag arak, ay at maksvn fag arak.