Takabalu 2:12 - Fanawbuid tagsibaliwas Fakayabian

¹² Kanya fagayu gwayway get fakonun ay mamam sat ngay mina. Aroro maksvn wan nu mamomuy, kata sik ngay tagfawayan at natayukan, ay kanya fagayu garimanan kabul gina at mina gsalilian.

Takabalu 2:12 Referans Kwoze

Esekyel 30:24

Namabitsug kban Babilunya at fun at ngay take ay namon kban sa anya ku fiso. Dewa katanya, nanggatvng kban Igiptu at fun at ngay take, ay kanya ban guro gfandeng aroro anke fakarukan ay ankata nu gakabulun wan sis Babilunya at fun at daga salubangan.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Ub 30:16

Ay katsi kata wa nu gakabulun au, ay ku fagidapun wa karagang ya.

Alubad. 42:4

Gidapan au gamatangan nu namatang kway ebi gina au gfangguna ngayuk taw taglao sam bale, laman nangalubad ami nanseg ay nangudguroan namauseganan emu.

Alubad. 62:8

Dius at ngay taw, afanudi sa anya kabavn! Ay fasurei sa anya fagayu ay namatangan, aroro kanya wan tagdiri ayu.

Eremyas 5:17

Kanya ban fag gaban taw namamin ay ngay gutluan, ay ay ngay fakonun, ay namabul ay ngay sisian, ay ay ngay fagbaugun, ay namamin ay ngay tanum wat ubas ay anggan ay tanum igus. Ay nangiklas ban ay fagnansarigan fag ngay furuan ke alad.

Takabalu 4:4

At ngay ngenge at leplep andafut wan sat ngay bibig. Ngay sisian get fakonun, dewa katanya, we gfon.

Isayas 51:20

Kanya fagayu kalufuy ay mataygilid sa sangay sagbatan, kata sik ngay arasyo at kinsiuk sa sik sangdaw. Yawi at maksvn fag dotama andasug sa anya fagayu. Am Dius nasalag anya fagayu.

Takabalu 1:11

Ngay taw Israel gidapan grvbvy at fakonun. Kanya fagayu nafabangsi at ngay ramraman sas fakonun laman gleleg. Erusalem glong te, “Yawi, damai tua angku, maksvn wan ku fakaplaun.”