Takabalu 2:11 - Fanawbuid tagsibaliwas Fakayabian

¹¹ Nawayway au ay ku ngay mata anbuksul. Maksvn wan nu gafanawa au ay ku amatanganan kata nu nrapyag, aroro sat kindasug fag faurianan sa ku ngay kaiban. At ngay sisian ay at ngay ngenge anmomuy gina si sangaba dalan.

Takabalu 2:11 Referans Kwoze

Takabalu 1:20

Yawi, damai tua nu gidapan au! Maksvn nu gafanawa au aroro nafadotama au emu. Sa ku ngay dalan ay anggan sa ku basad bale e gfadfabulan wan.

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Ub 16:13

Ngay takamusuy naligung angku. Kanya we afanyu ya gfana angku, ay nafana ku ngay amuslun, ay ku mayat anbuksang ay anbusbus sas daga.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Isayas 22:4

Fabayani wan nu gwayway au, aroro kabalu au ku ngay kaiban at kinbul. Lag am gfasun ya angku.

Alubad. 22:14

Ku fagmabitsugun namin wan, kata sik mamam at kinkugwag. Ay ku ngay bini kata wa nu nsaruy siginans ngay lufuan. Ay nu gamatang au katinas kwan kata sik lune.

Alubad. 6:7

Ay siginan ku ngay fawayan at ngay nafakamulun sa angku, ay at kadugean nu gwayway au ku mata sak anbaga.

Lukas 23:29

Aroro amatangani, kadasug ban sik ngay menit, tibak taw lumong ban te, ‘Mauseganan tagaranas, ay at yud batang e nafasusu!’

Eremyas 44:7

“Au Yawi at Mabalyanan, Israel at Dius, ginto au te, wain ay fagnafauriun ay ngay sadili? O nunda kaylat wam ngay taw Uda nu kamin, ngay mangama, ngay mangena, ngay baguama ay anggan at bagu kasalug fag ngay sisian?

Eremyas 14:17

“Eremyas, nanlong o sa sangay taw te, ‘Kayu menit ay yabi, wa karagang ya nu gwayway au aroro maksvn wan ku ngay taw at ngay bangbang, ku natuyan fia te, ku baguina, ay maksvn wan nu kabalu au anya fagayu.

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Alubad. 69:3

Dius, kalufuy kwan nu get au sa emu gubuk, ay gafago kwan. Kwa bangan glag ya nu gfanya au am famalus ku darangin.

Alubad. 31:9

Yawi, gubuki angku aroro maksvn nu gidapan au. Ku ngay mata anbuksul ku nawayway, ay ku bilug anlukme.

1 Samwel 30:4

Nu katanya, Dabid ay at ngay tagfawayan nawayway maksvn, ay kanya fagayu anmomuy.

Isayas 38:14

Naet au gubuk at kaksvnan nu garingang au, kata way lang sik alfasang ay mannga sik baratingan nu guni. Ay gfandeng au kata sik labikung nu guni. Ku mata kalufuy wan nu gtangda banwa. Yawi, gubuki wan angku; maksvn wan nu gidapan au.

Ub 30:27

Nu katanya, tagfamomuy ku amatanganan wa karagang ya, ay kayu menit fagidapun way lang takadasug sa angku.

Alubad. 38:8

Ku bilug gmomuyan, kata nu nafalangan au. Ay gfandeng au aroro gidapan au gamatangan.

Alubad. 119:82

Wa mayamag ya nu kamanawan au, nu gfanya au am fatuyanan sa angku. Ay ginto au te, “Ginain ya ban nu gfabitsug o ay gfasun angku!”

Takabalu 5:17

Nu katanya, gidapan ami gamatangan ay kadulum wan nu kamanawan ami.

Isayas 51:20

Kanya fagayu kalufuy ay mataygilid sa sangay sagbatan, kata sik ngay arasyo at kinsiuk sa sik sangdaw. Yawi at maksvn fag dotama andasug sa anya fagayu. Am Dius nasalag anya fagayu.

Takabalu 1:11

Ngay taw Israel gidapan grvbvy at fakonun. Kanya fagayu nafabangsi at ngay ramraman sas fakonun laman gleleg. Erusalem glong te, “Yawi, damai tua angku, maksvn wan ku fakaplaun.”