Takabalu 2:10 - Fanawbuid tagsibaliwas Fakayabian

¹⁰ Ngay tagfangguna sis Erusalem maragangan malunggung sis daga, ay nafasat ngay alfuyu dafug, ay nasulun saku, laman gfalag te, kabalu. Ay at ngay baguina garungan aroro kapla.

Takabalu 2:10 Referans Kwoze

Isayas 3:26

Nu katanya, ngayu ban tagwayway ay takabalu sas sakbawan alad. Ay at furuan ban umkata sik mangena at malunggung way lang sis daga at kaksvnan nu kabalu, aroro fagayu at fagagbilugun namin wan.

Isayas 15:3

Ay kaduge glao sa sangaba dalan, galanbungan saku, sik famasaful te, gubun at asalanan. Ay maksvn nu gwayway sit ngay tungud bale ay sis fagaweanan.

Amus 8:3

Ginanya ban fag menit, ay alubad at mauseganan sis Yawi at bale, umsik fakabaluun, aroro at ngay kinbul ban umrapyag nusnga nday. Ay nusdi sik aringang we kadungug ya. Au, Fun Dius Yawi taglong tuy.”

Esekyel 7:18

Ay kanya ban fagayu gsulun saku ay gufo at ngay buk laman gfalag te, maksvn nu kabalu. Ay tiba ban ktaw nu glag kafag ngay taw at kamatan, tanan way lang ngayu kabalu ay kalimu.

Takabalu 3:28

Kaduge Yawi gfoyung antam, maragangani ay amatangani tua.

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Isayas 47:1

Yawi nalong te, “Babilunya, umlunggung ban o sasad lukbu, ay wa ban o e fagfagtainanan ya. Ebi kata oma o sik maylat fag baguina, ay katsi wo katanya ya.

Uswe 7:6

Aroro siginans fakabaluun Uswe ay anggan at ngay fagtainan sis Israel nagirat at ngay lanbung, ay nafae lukbu at mesa alfuyu, ay anlub sis salubangan Fagsuadan Nasadian anggan andulum.

At Nafasure 18:19

Ay kanya ban fagayu gwayway ay gfasat alfuyu dafug, fakatoglagan te kabalu, ay guro te, ‘Fangulan, fangulan, o fag furuan takadungug. Fagayu at ke sakayan lino, anramraman siginan am ramraman. Ay am ramraman nu kamin sik buknga way sirut!

Amus 8:13

Gina kban gfaurianan ayu fag menit, ay ngay baguina at masine ay ay ngay baguama at maseganama ummomuy aroro maksvn nu kadanum.

Amus 5:13

Aroro katsi maksvn wan at fagmauriun, ay at ke fagsafulun fag ngay taw maragangan way lang.

Uel 1:8

Waywayi maksvn kata sik baguina tagalanbungan saku laman gfalag te, kabalu at fainduganan, aroro anbul gina ganangadadwaun.

Esekyel 27:31

Ay gina ban kanya fagayu kabalu, gufo wan at ngay buk ay at ngay umi ay nangalanbungan saku.

Takabalu 5:14

Ngay fagtainan wa nanmalunggung ya sa sangay sakbawan furuan laman namon famalun, ay at ngay baguama wa namawang ya ngay fagfawangun.

Takabalu 5:12

Ay nasiuk em ngay tagfangguna at ngay take ay narabing sa sangay kayu, ay wa nasuyu ya em ngay fagtainan.

Takabalu 4:16

Yawi nafasaruayan ay wa nagubuk ya anya fagayu. Ay nusnga sinu we gsuyu ya ngay tagfon fanggalangun ay ngay tagfangguna.

Takabalu 4:5

Ebi fag ngay taw takon tua gugat at mataba, katsi gakabulun wan sas fanlunus si sangay dalan. Ay at kin-gurang sas fagmaramramanun, katsi gfanrvbvyan way lang sas wa nakaurian.

Eremyas 8:14

Sanya ginan, kanya fagayu glong te, “Nataw ya tam fagfanyaun? Gewan, glagyu watam sat maaladan fag ngay furuan ay nangabul tam sanya. Aroro Yawi tam Dius namabul wan antam, kata nu gfainum antam at maganga fag mamam, aroro anke asalanan tam sa anya.

Isayas 47:5

Yawi nalong te, “Babilunya, nanmalunggung o maragangan sasad dulum. Wa ban e gfangayan ya emu te, ngay fagfagtainanan o at fun fag mangena.

Isayas 36:22

Sanya ginan, Elyakim, Sebna ay Ua nagirat at ngay lanbung at kaksvnan nu kabalu, ay anfoli yay sas Esekyas ay nafoyung fun tagfawayan at ngay nalong.

2 Samwel 13:19

Ay Tamar nagirat at lanbung ay nafasat alfuyu dafug. Ay kanya glao gwayway gtaup at mata.

Isayas 3:24

Nu katanya, abat ngate kanya fag ngay mangena mabebanglu, basung way. Ay abat ngate at famutus fagwan sik ramit, sik lubid way, ay abat ngate at buk masine, malanu way, ay abat ngate at lanbung masine, saku way, ay abat ngate at kamatan masine, kapla way.

Esekyel 27:30

Kanya ban fag ngay taw gwayway maksvn, ay gfasat tungud alfuyu lukbu ay gdagingan sis wa dafug laman gfalag te, kabalu.

Unas 3:6

Ninibe at fun nu nadungug Unas at foyungan, kanya anlindug siginan at fagmalunggungan ay nabul at lanbung tagfatoglag te, sik fun, ay nasulun yangay saku ay nananmalunggung sas tagalukbuun fag daga laman gfalag te, gubun at asalanan.