Takabalu 1:6 - Fanawbuid tagsibaliwas Fakayabian

⁶ Nalyam wan Erusalem at fagmasineun. Ay at ngay tagfangguna kata sik takalunus fag arasyo tagrvbvy at fagnanfangonan. Kanya fagayu anmomuy gina gafafaloan.

Takabalu 1:6 Referans Kwoze

Esekyel 24:25

Yawi nalong yay fia te, “Taw at baguama, gina kban grasras at fagnansegan fag bale, at nafamatungudun, ay at nafamanagsag ay at fakesugun fia, ay nu nafabul kwa ban kafag ngay taw at ngay sisian,

Eremyas 52:13

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Eremyas 52:11

Ay nasugu yangay te, “Guladi Sedekya at ngay mata, ay siuki anya salambitan.” Ay nataban anya sas talun Babilunya. Ay Sedekya maubungan sanya, ay sanya wan nu kabul.

Eremyas 48:41

Ay e nangagbilug wan tagsis Muab fag ngay furuan ay at mogat fag ngay fagsuksuanan. Ginanya ban fag ngay menit, Muab at ngay tagfawayan kalimu maksvn kata sik mangena tagafasalugun.

Eremyas 47:3

Kanya fagayu dumungug at ngay fawayan at ngay darafa nu kadkalungan ay at ngay kabayu ay at ngay faguyudan at ngay balingkitan nu garinggit. At ngay mama wa gdama ya nusnga nday laman ggubuk at ngay sisian aroro maksvn nu kalimu.

Eremyas 29:4

Katatuy Yawi at Mabalyanan, Israel at Dius, at longan sas fagayu taw Erusalem at natabanan sas talun Babilunya.

Eremyas 13:18

Yawi nasugu angku te, “Nanlong o sas fun ay sat mina te, ‘Duksuni wan siginan at fagmalunggungan aroro munakbang wan nu gbul siginan at alfuyu at ngay sangbo.’ ”

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 4:5

Ginanya ban, Yawi nangawat linyabu laman glanbung furuan Erusalem ay sas fagayu at maful sanya, kaduge mamenit. Ay nangawat yangay ban sik afuy tagigang laman gyamag gina mayabi. Siginan ban takatanya, at fagmasuloun nanuklub furuan Erusalem.

Isayas 1:21

Amatangani! Ebi furuan Erusalem sik matuyan oma fag furuan, ay katsi, kata way sik takamatugtug fag mangena. Ebi ngay taw tagbanwan sanya, matuyan oma, ay katsi, sik ngay takamabul way.

Alubad. 96:9

Segi Yawi, aroro di e malong. Ngay taw sis fagdaul daga, suyui tua anya!

Alubad. 50:2

Kanya gyamag siginan at filian fag furuan Siun, at yud e kalong at kasinean.

2 Fun 19:21

Nu katanya, katatuy ku longan sa anya: Ngay tagbanwan sis Siun sis Erusalem fag furuan kauri ay gfalingun emu. Kanya fagayu gfalingun emu kaduge o glagyu.

Deuterunumyu 32:30

Tain ro sik taw nu mafafalo sadik libuk taw Israel? Ay tain ro duak taw nu mababo safuluk libuk taw? Wa ro umfasludan takatanya, at Dius Yawi, takata sik gang fagsarirungan, nu dway nafababo anya fagayu.

Deuterunumyu 28:25

Yawi ban gfababawan ayu sa ay ngay fawayan. Masadi ban am namawayan anya fagayu, dewa katanya, gsaruayan way ban am ay glagyu anya fagayu. Ay umsik mauri ban am sas fagayu fagfagtainanan sas fagdaul daga.

2 Fun 25:4

Ngay taw Babilunya naiklas wan sik afud Erusalem at alad, ay kanya fagayu dewa maligung wan, Sedekya ay at ngay tagfawayan naduksun gina mayabi sas sakbawan tagsis wabilug duak alad munakbang sis fun at tanuman, ay nalagyu sas Liskung Urdan.

2 Fun 25:5

Ay talun Babilunya at ngay tagfawayan nafafalo fun Sedekya ay nasud sis datag tagsis furuan Eriku. Sedekya at ngay tagfawayan ansaruayan siginan anya.