Takabalu 1:2 - Fanawbuid tagsibaliwas Fakayabian

² Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 1:2 Referans Kwoze

Alubad. 6:6

Siginan ku nafandengan sak au anmomuy. Galay yabi gwayway au, ay ku liasun gfabasa gugat ku tangil.

Mikas 7:5

Fagmauriun anfagdaul wan, nu katanya, lag am gafanud ay iba anggan ay fagadgalangan, ay madiriani tua ay nalong dewa say mangena.

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Takabalu 1:19

Naet au gubuk sa ku ngay fasudsunan, dewa katanya, kanya fagayu natalyuyan way angku. Ku ngay tagfon fanggalangun ay ku ngay fagtainan furuan, anbul wan gina grvbvy at ngay fakonun laman gfataglayun gleleg.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 13:17

Ay yayam gugat kaylat gdungugan, nanwayway au yud mafatoglagan aroro siginan ay fakamatungudunun. Nanwayway au maksvn ay ku liasun ganting, aroro e nantaban wan Yawi at nafili fag ngay taw.

Eremyas 9:1

Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Eremyas 4:30

Erusalem, munakbang wan nu kamin o. Nataw katsi am fakamulun? Wain am fagalanbunganun yay at masine ay am fage famasineun yay sim bilug? We tungkul ya nu kamasineun o. Am fagadgalangan fag ngay talun wa kaylat ya emu, abat ngate, namabul wan emu.

Alubad. 31:11

Ku ngay fawayan ay ku ngay fasabale gfalingun angku. Ay ku ngay fagadgalangan anggan ku fagtoglagun fag ngay taw gsaruyan wan angku.

At Nafasure 17:16

Ay am nalag fag safuluk sunge ay kafag tagfangagat fag mela, kauri kafag mangena takamatugtug, ay kanya ban fagayu namul kafag mangena at ngay ramraman ay anggan at lanbung, ay we fagagbilugun ya. Ay kanya ban nangon takamatugtug fag mangena at faknul ay at fasawadan ban nangirug wan.

At Nafasure 17:13

Kafag safuluk fun sadi way at algan, namon at fagmabalyananun gfunan sa tagfangagat fag mela.

Usea 2:7

Ay kanya ban dewa namafalo kafag ngay mangama, wa masud. Ay dewa yay nanrvbvy anya fagayu, wa glag. Sanya ginan, kanya glong te, ‘Kafoli kway sa ku mangama aroro gina au magamut si anya, amanabayan yap tua ku kayaunanan.’

Esekyel 16:37

Namaful kban kanya fagayu ay si ban at ngay salubangan gbul kban am ngay sulun laman kanya ban fagayu lumag nu malulasan o.

Takabalu 2:11

Nawayway au ay ku ngay mata anbuksul. Maksvn wan nu gafanawa au ay ku amatanganan kata nu nrapyag, aroro sat kindasug fag faurianan sa ku ngay kaiban. At ngay sisian ay at ngay ngenge anmomuy gina si sangaba dalan.

Eremyas 3:1

Sik mangama nu naiyan wan at bubay ay at bubay nu nanangadadwa wan sa tibak mangama, kafag mangama wa masine ya gbul at bubay, aroro takatanya fag mangena gfasuya fagdaul talun. Nu katanya, am fag ngay taw Israel kata yangay am takamatugtug fag mangena. Kesug am ngayuk fagsegan. Ay takaksvn nya ay nafakamulun at mauri, tain nu manangafoli am sa angku? Au, Yawi, taglong tuy.

Fangatulun 19:7

Sik taw nu maidap way, at ngay kalongan wa kasalag ya anya, kaugat wan at ngay fagadgalangan. Ay dewa gfagubuk, we kasalag.

Ub 7:3

kata kanya ku kayaunanan; ngayu wak magdanun nu gidapan au, ay fagngabak yabi kabalu kwan.

Ub 6:15

Ku ngay faduksay wa matuyan sa angku, kata way sik liskung tagfanlugwak ay takalanggang vtv.

Alubad. 126:5

Ngay taw dewa gidapan gina gtanum, gina ban ggutlu, galubad tua guseganan.

Eremyas 2:25

Ngay taw Israel, ay ngay lapak anyangfis wan ay ay ngay mirmir an-gong wan nu gseg am sa tibak fagsegan. Dewa kaksvn nya, glong yayam gugat te, ‘Wami kaylat gubun tibak fagsegan. Kesug waymi ay gfaning anya.’

Alubad. 69:21

Ay abat ngate, nafasa ku fakonun sik ganga ay nu ndanum kway, at nafon sa angku at mayat fag sanggvtan.