Rut 4:2 - Fanawbuid tagsibaliwas Fakayabian

² Sanya ginan, Buas nafaful safuluk fagtainan sis furuan ay nafalunggung yangay.

Rut 4:2 Referans Kwoze

Fangatulun 31:23

Ay at mangama sik fagtainan sit furuan.

1 Fun 21:8

Ay Esebel nariruk sas Akab at ngayan, ay kanya nadafut fun at famatoglag, ay nafabuba sa sangay fagtainan ay sa tiba yak takamangguna sas furuan daul Nabut at fagbanwanan.

Fakamulun 6:12

Ay siginan takatanya kanya fagayu nafadotama fagayu taw ay at ngay funan ay anggan ngay tagfoyung Muisis at faugali. Nu katanya, kanya fagayu nagamat Esteban ay nataban sa sangay taw Udyu at ngay tagfangguna at daga salubangan.

Takabalu 5:14

Ngay fagtainan wa nanmalunggung ya sa sangay sakbawan furuan laman namon famalun, ay at ngay baguama wa namawang ya ngay fagfawangun.

Nu Galin 21:8

At tagfayafun nu dway guseganan anya, at talananan masine way gfafoli at famayad aroro at tagfayafun we fagmabalyananun sa anya. Dewa katanya, at tagfayafun wa masine gfalao anya sa tibak talun at taw.

Deuterunumyu 31:28

Fafuli sa ku daga salubangan fagayu tagfagtainan ay mesa kasugfunanan ay fagayu ay tagfangguna, laman nanlong au sa anya fagayu takatanya fagayu. Ay guro au banwa ay daga laman kanya tagfatuyan sa anya fagayu.

Deuterunumyu 29:10

Katsi fag menit, malindug am si ay Dius Yawi at daga salubangan, gasfuan ay ngay fagtainan sas fagayu kasugfunanan, ay anggan ngay tagfagtainan, ay fagayu mangama tagbanwan sis Israel,

Deuterunumyu 25:7

Dewa katanya, at faduksay way kaylat gbubay at ifag, kanya fag mangena laoi sa sangay fagtainan sas day sakbawan furuan, ay nanlong te, “Ku ifag wa kaylat gfae sugfun at faduksay sas Israel. Ay kanya gfayud e masuad nu sik talifag ami.”