Rut 3:9 - Fanawbuid tagsibaliwas Fakayabian

⁹ Ay Buas nainto te, “Sinu o?” Rut nabalus te, “Rut au, munakbang kyangay am kalongan. Umuti angku am umut laman gfalag o te, galaga ban angku ay am bubay ban.”

Rut 3:9 Referans Kwoze

Esekyel 16:8

“ ‘Ay gina au nadog nadalan emu, nalag au te, baguina wo. Nu katanya, nafae lanbung au emu, ay nafatuyanan au te, kesug au emu. Ay nawat au sik nasadian sa emu te, au wan tagagbilug emu. Au, Fun Dius Yawi, taglong tuy.

Rut 2:20

Ay Nuemi nalong sas Rut te, “Yawi ban nangus gfon tua gugat sas Buas, aroro nafalag at fagmasineun sas fagayu taw tagleleg ay dewa sat kinbul wan.” Ay nalong yangay te, “Kanya fag taw ta kalongan ay e fanambagun yangay ggubuk anta.”

Rut 3:12

At matuyan, au am kalongan kyangay, ay e fagmabalyananun kyangay ggubuk emu, dewa katanya, e munakbang yay o kalongan saman angku.

Lukas 14:11

Aroro sik taw nu kamatungudun way, abandi ban e gfababa anya, ay nu kamababaun tua, abandi ban e gfabat anya.”

1 Samwel 25:41

Nu katanya, Abigail anlindug ay narungan ay glong te, “Kin! Mafalganan au namakamulun sa ku fun, dewa sik tagfegus at ngay fagsuguan at ngay darafa.”

Rut 3:8

Ay nu gakawabilug yabiun wan, Buas anfulo, ay anlipsik aroro e sik mangena gtaygilidan sit day darafa.

Rut 3:10

Ay Buas nalong te, “Baguina, Yawi nangus gfamanyun emu. Aroro am nafalag sam talanan fag fagmatuyanun gtungud yap tua ebi, ay di o narvbvy at mabaguama, ay at maramraman ay at yud e kwa.

Rut 4:4

Ay namatangan au te, namasaful kyap sa emu. Nu kaylat tuo, bayadi wan kanya fag daga sis salubangan ngay fagtainan ay sat ngay malunggung ste. Ay nu dway o kaylat, longi angku laman sumaful au. Aroro o tua fia at masine gbul kafag daga; au at fadua kway.” Ay kafag mangama nabalus te, “Kin, gbul kwan.”

Rut 4:6

Ay kafag mangama nu nadungug katanya, nalong te, “Nu katanya way ngaro, kwa mabayad kanya fag daga aroro manke mamalong kban sa ku sadili daga aroro nu nke sisian ban mi siginan kafag mangena, em ngay sisian kae afud yangay siginan ku daga. Oi wan tagbul, aroro kwa kaylat takatanya.”