Rut 2:8 - Fanawbuid tagsibaliwas Fakayabian

⁸ Nu katanya, Buas nanangakbang Rut ay nalong te, “Nu nanfamuyutan ban o, lag sa ya tibak gamasun, stie way o gugat, adgaloani ku ngay fagsuguan fag mangena.

Rut 2:8 Referans Kwoze

2 Fun 5:13

Dewa katanya, at ngay fagsuguan ankakbang ay nalong te, “Tagfayafun, o nunda taglong nu e fafakamulun emu, o wo gfaning? Dewa katanya, wain am fagyudun gfakamulun at nalong te, asurungi ay kafia ro wo?”

Filipus 4:8

Ku ngay faduksay, sat fakatabuan, fabanwani si ay amatanganan at matuyan, ay at mauseganan, ay at yud e kalong, ay at masine, ay at maksvn nu maylat.

Mateu 9:22

Ay Isus anbiling ay nalag kafag mangena, ay nalong sa anya te, “Fagmangena, lag gafanawa. Am fagafanudun nafafia emu.” Ay arodi vtv kafag mangena anfia wan.

Mateu 9:2

Ay e nabuba sa anya sik taw at yud malelegan mataygilid sit igyan. Ay Isus nu nalag kafag ngay taw at fagafanudun, nalong sanya fag taw at yud malelegan te, “Sama, lag o gafanawa, aroro nalyam wan am ngay asalanan.”

1 Samwel 3:16

Ay Eli guro anya te, “Munama.” Samwel gbalus te, “Nataw?”

1 Samwel 3:6

Yawi gdog yay nauro te, “Samwel!” Ay Samwel anfulo, ay glao sas Eli ay glong te, “Nataw? Wain am faguroun angku?” Eli gbalus te, “Munama, kwa guro emu, afolii wan nantiug way o.”

Rut 2:7

Ay kanya nafainfanyuan sa angku te, ‘Nanfamuyutan kma ngay taggutlu at ngay nagfatongan.’ Siginans balabag kanya ste wan ay kamuyutan wa gugat. Ay katsi gfiangalay yay sis bale famoy.”

Rut 2:9

Nu inda ban ku ngay tagfakamulun nu ggutlu, aloi ban gugat anya fagayu. Nalong kwan sa anya fagayu te, lag gaiyan emu. Ay galay ban o kadanum, nanginum o sa ku ngay fagsuguan at ba mamam sit ngay baringan.”

Lebitiku 19:9

“Nu ggutlu am, lag yap gfamin ngay rawvg sa sangay tigyangan, ay lag am kafoli ya laman namul ay nagsawadan.