Ruma 4:2 - Fanawbuid tagsibaliwas Fakayabian

² Abrayam ro e fagmafamatungudunun nu siginan di at fakamulun nu katap kata nu yud e asalanan. Dewa katanya, kanya we fagmafamatungudunun sis Dius at daga salubangan.

Ruma 4:2 Referans Kwoze

1 Kurintu 1:31

Nu katanya, faningi at Rirukan te, “Nusnga sinu takaylat kamatungudun, at fakamatungudunun sai tua baliwa tam Fun.”

2 Kurintu. 11:30

Nu kaylat au kamatungudun, ku fakamatungudunun sa way baliwa ku fagmamomuyun.

Filipus 3:9

ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.

Efesu 2:9

ay bunwa siginan ay nafakamulun at masine. Nu katanya, we taw mafamatungudun sat nafakamulun.

Galasya 3:22

Ay Dius at Longan nafoyung sa antam te, fagayu taw sas fagdaul daga gafagsuguanan asalanan. Nu katanya, fagayu tagafanud sas Isus tam Fun magbilug tua ban Dius at ngay fatuyanan.

1 Kurintu 9:16

Dewa katanya, kdi kamatungudun nu gfoyung au at Masine fag Barita aroro Dius nasugu angku. Ay afanyuan kban kway nafoyung at Masine fag Barita.

1 Kurintu 1:29

Dius at fagnafakamulunun takatanya laman nusnga sinu we kamatungudun sit daga salubangan.

2 Kurintu. 5:12

Nafoyung ami sa ayu takatanya, bunwa te, kamatungudun ami em sadili sa ayu, nu bunway kaylat ami nu e fakamatungudunun am sabaliwa emi, laman saful tuam gbalus sa sangay taw takamatungudun nu gfakamulun, ay aroro mangaro wa katanya tagsit amatanganan.

Ruma 15:17

Nu katanya, masine kway kamatungudun fagayu ku nafakamulun laman sas Dius siginan ku fagmasadiun sa tam Fun Isus.

Fakasigadan 12:18

Ay fun nu nasaful te, katanya at fanlonganan, nafauro Abram ay nainto te, “Nataw am fagnafakamulunun sa angku takatanya? Ay wain am fagyudun nalong te, kanya am mangena way?

2 Kurintu. 11:12

Ay gfataglayun au gfakamulun ku fakamulun takatanya laman tibak taw tagsanya we glong te, “Pablu at fakamulun kata yay em fakamulun.”

1 Kurintu 4:7

Setain nu malong am te, gtungud tuam ay iba? O nunda bunwa tam Dius at nafon sa ayu fagayu nusnge wain? Nu katanya, wain ay fakamatungudunun te, siginan way ayu takatanya fagayu?

Esekyel 8:9

Kanya gdog yay nalong angku te, “Sakboi ay damai, ngay taw at nawat nusnge wain at maksvn nu masuya.”

Uswe 24:2

Uswe nalong sa sangay taw te, “Katatuy Yawi, Israel at Dius, at longan: Ebi, ay ngay mangaguyang gbanwan sis dife Liskung Eufrates ay kanya fagayu naseg tibak fagsegan. At sadi at nabanwan sanya, Tera, Abrayam ay Nakur at mama.

Fakasigadan 12:20

Ay at fun nasugu sat ngay fagsuguan te, “Aiyani wan anya.” Nu katanya, naiyan Abram sanya ginan fag talun, gadgaloan at bubay ay anggan fagayu at ngay ramraman.