Ruma 2:2 - Fanawbuid tagsibaliwas Fakayabian

² Nasaful tam te, Dius matuyan nu gfaurianan fagayu taw tagfakamulun takatanya.

Ruma 2:2 Referans Kwoze

Sefanias 3:5

Dewa katanya, Yawi at fagmasineun si tua gugat at furuan. Yawi gfakamulun at matuyan, ay gfasure at fagmatuyanun kayu balabag, ay katanya tua gugat. Dewa katanya, tagfakamulun at mauri we apla ya.”

Alubad. 145:17

Yawi, fagayu am balyawvtan matuyan, ay sas fagayu am fakamulun, mafangafanyu tuo.

Eremyas 12:1

Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Alubad. 96:13

sis Yawi at daga salubangan, aroro kanya kadasug wan, laman namagtainan ngay taw sas fagdaul daga, kata at fagmatuyanun.

At Nafasure 19:2

Aroro kanya mafanud ay matuyan nu gfatuyan taw at asalanan, ay nafaurianan wan at mabalyanan fag takamatugtug, at fakamatugtugun wan at nafasuya fagdaul daga. Dius nafasud kafag furuan daul aroro kanya fag furuan nafabul Dius at ngay fagsuguan.”

At Nafasure 16:5

Ay nadungug kyangay tagfagtainan mamam fag tagbarita nu glong te, “Matuyan nu gfaurianan o, o tagleleg katsi ay ebi, at Yud e Malong.

Ruma 9:14

Nu katanya, nataw tam longan? O glong tam te, Dius wa matuyan? Ida, duan.

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

Fakamulun 17:31

Aroro Dius nafalganan wan sik menit laman nanginsaful taw at asalanan, siginan at nafili fag taw. Kanya nafatuyan takatanya sas fagayu taw siginan nu gfadog gfaleleg at nafili fag taw.”

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Esekyel 18:29

Ngay taw Israel malong am te, Fun Dius at fakamulun wa matuyan! Ay sinu nunda ke fakamulun at yud matuyan, o ku ngay fakamulun, o ay ngay fakamulun?”

Esekyel 18:25

“Ay gamatangan wayam manga te, Fun Dius at fakamulun wa matuyan. Ngay taw Israel, amatangani! O ku fakamulun at yud matuyan ay mannga ay fakamulun?

Isayas 45:21

Ngay fagsegan, kamatoani ay longi ay fagkamatoanun. Sinu at nafoyung ebi te, katanya ban at kumfasludan? O nunda bunwa au? Au Yawi, we tibak dius sas day angku, at Matuyan ay Tagfalangfe fag Dius.

Isayas 45:19

Ku ngay nalong di e masuksuk. Kwa ro nalong sas Akub at ngay kasugfunanan te, ‘Rvbvyi angku,’ nu dway ro e fagsegun te, lumag ro angku. Au wan Yawi, ku ngay nalong matuyan. Glong au fagayu at masine.”

Alubad. 9:4

Malunggung o sanya sbanwa am fagbanwanan, ay matuyan nu ginsaful o. Nainsaful o ku amatanganan ay nafoyung o sa sangay taw te, dakdi e asalanan.

Ub 34:23

Dius wa guro ya taw laman nansalubang ay namatuyan sabaliwa anya.

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

Ruma 2:1

Ay anggan o, wo yangay e fanlonganan ya, o fag taw taglong te, am iba gfakamulun at mauri. Aroro anggan o nu gfakamulun wayo takatanya, gfaurianan way o am sadili. Aroro nu nalong o te, am iba gfakamulun at mauri, gfakamulun yangay o takatanya.

Ruma 2:3

O taglong gugat te, am iba e asalanan, nu gfakamulun yangay o takatanya, o gamatangan o te, malangfe ban o Dius at faurianan?