Ruma 12:3 - Fanawbuid tagsibaliwas Fakayabian

³ Aroro Dius nafon tua sa angku tiba tungud fag fagmasineun, glong au sa ayu fagayu te, lag am gamatangan te, gtungud tuam ay iba, nu dway matuyan, nu bunway amatangani fia ay kayaunanan at matuyan, kata ay fagafanudun Dius at nafon sas galay ayu at sadi.

Ruma 12:3 Referans Kwoze

Galasya 6:3

Ay nusnga sinu tagamatangan te, “Gtungud ktua ku ngay iba,” ay nu dway matuyan, kanya gdaya way at sadili.

Fangatulun 26:12

Amasine yap tua sik yud mamatanganan, nu gamut sik taw tagamatangan gugat te, e fagsafulun tua.

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”

Ruma 12:16

Ugalii tua manabayan sas galay am at sadi. Lag am kamatungudun nu bunway fasudsunani yangay dewa tagafalingunan fag ngay taw. Lag am gamatangan te, amamatanganan tuam ay iba.

1 Pedru 5:8

Mafuloani ay mafalganani aroro Satanas ay fawayan glo gsubang gugat kata sik liun, gligungan ay grvbvy at fagnangonun.

Takamoyung 7:16

Lag o gtuyan am sadili te, matuyan o ay e fagsafulun, aroro nu nafakamulun way o takatanya, gfauri way o am sadili.

1 Pedru 4:7

Fagayu nusnga setaw gakatabuun wan. Nu katanya, malukmei tua, ay kabavn famasinei ay amatanganan laman mafalganan tuam gdarangin.

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”

1 Pedru 4:11

Nu sik tagfoyung o, famoyungi Dius at longan. Ay nu sik taggubuk o, agbilugi nu ggubuk o Dius at nafon emu fag fagmabitsugun, laman gfauseganan o anya sas fagayu am fakamulun siginans Isus tam Fun. Siwa anya fagmasineun ay fagmabalyananun kabavn ban. Anud.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

1 Kurintu 7:17

Ay dewa katanya, galay am at sadi banwani kata tam Fun at nafon sa ayu fag kayaunanan, kata gina Dius guro ayu. Katanya ku suguan sas fagayu tagafanud.

Titu 2:12

Ay at fagmagalangun wan tagfoyung antam te, “Ubuni wan fagmauriun ay fagayu at yud masine fag ugali sis fagdaul daga. Ay faragangi tam sadili fakaylatun, ay ugalii at matuyan, ay faningi tua tam Dius dewa tam ste yay swa daga.”

Titu 2:2

Foyungi sat mafagtainan fag ngay mangama te, malukmei tua, ay safuli tua faragangi at sadili ay faksvni tua nu gafanud, ay esugi fagayu taw, ay agwantani.

2 Kurintu. 12:7

Ay dewa katanya, laman kdi kamanagsag sabaliwa Dius at foyungan sa angku at maksvn nu madulo, Dius nafadasug sa ku bilug sik fanmomuy daul, siginan Satanas at tagbarita nu gurus sa ku bilug sik takata sdugi. Dius nafadasug sa angku takatanya laman kdi kamatungudun.

Ruma 11:20

Anud kanya. Kanya fagayu an-gatvng aroro we fagafanudun, ay am, ansugfun am aroro gafanud tuam. Dewa katanya, lag am kamatungudun, nu bunway alimui tua.

Ruma 1:5

Siginan anya, Dius nafon angku ku fanambagun laman sik nasugu aroro sa tam Fun Isus, laman nantaban au fagayu talun at ngay taw sas fagafanudun ay fagfaningun sa anya.

1 Pedru 1:13

Nu katanya, falganani ay ngay amatanganan. Am maksvni ay e fagseguni te, Dius gfon ban ayu at fagmagalangun, gina ban tam Fun Isus andasug.

Titu 2:4

laman mafafoyung sat mabaguina fag ngay mangena te, esugi at mesa mangama ay at ngay sisian,

1 Kurintu 15:10

Ay dewa katanya, siginan tam Dius at fagmagalangun, ansik nasugu kyangay. Ay di nfangulan Dius at nafon angku, nu bunway naugatan ktua nafakamulun gtungud yay ku ngay ibama at nafakamulun. Dewa katanya, bunwa siginan ku sadili fagmakatuun, nu bunway siginan tua tam Dius at fagmagalangun sa angku.

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.

Efesu 4:16

Siginan anya fagdaul at bilug matuyan tua nu gdiuganan nu masine tua fagayu at afud at fakamulun, ay fagdaul at bilug mataglu tua ay karabung tua ay kaksvn tua sas fakesugun.

Lukas 18:11

Ay kafag taw Fariseu namalindug ay gdarangin sat amatanganan te, ‘Fadi fadi ku Dius, aroro kwa gfaning tibak taw tagfangkamul ay at yud matuyan at fakamulun, ay tagfanugtug, ay kdi kata in fag tagbul famayad laman sas fun.

Titu 2:6

Ay foyungi yangay sa sangay baguama, laman saful tua gfaragang at sadili.

1 Timuteu 2:15

Dewa katanya, mangena ban umlangfe yay gina gfasalug at sisian, kanya nu gbanwan tua gugat sat fagafanudun ay sat fakesugun ay sat masine, ay nu gugali tua at matuyan.

1 Timuteu 2:9

Ay kaylat au ngay mangena nu madirian tua nu galanbungan ay nu ddi kamasayaun. Nu gfasine at sadili, bunwa siginan nu gfasawaluan at buk ay nu gsulun at mafanud fag ngay bauyung, fanumyu ay sulman, ay lanbung at mabyat nu kabayad,

1 Timuteu 1:14

Tam Fun nafon angku at maksvn fag fagmagalangun gasfuan fagafanudun ay fakesugun siginan tam Fun Isus.

Efesu 3:4

Ay siginan nu gtap am tuy ku rirukan, umyamag am nu setain ku nayamagan sabaliwa at algan at masuksukan sabaliwa tam Fun Isus.

2 Kurintu. 12:13

Nataw at masine ku nafakamulun sa tibak furuan ku yud nafakamulun sa ayu? Kwe nafakamulun tiba, sas day nu yud au naet nusnga setaw sa ayu. Falyami wan kanya ku kakurangan sa ayu.

1 Kurintu 3:10

Kata Dius at nafon sa angku fag fakamulun, au at naturuk kata sik tagsaful fia kawat bale. Ay tibak taw at nafataglayun kawat kafag bale. Ay dewa katanya, nusnga sinu takawat kafag bale, dangay glamlamangan.

Ruma 11:25

Ku ngay faduksay, kaylat au nu sumaful am tuy fag masuksukan at masuad, laman diam kamatungudun. Wa ban glugo ngay taw Israel nu kamaogatun at ngay amatanganan. Kanya ban fagayu di kamaogatun ya, gina ban ansak at kayuan at yud Udyu fag ngay taw tagafanud sas Dius.

Fangatulun 25:27

Wa masine gfasonun nu ginum deut, ay lag yangay grvbvy ngay taw laman tagfauseganan emu.

3 Uan 1:9

Ebi nariruk au sa sangay tagafanud sanya, ay Diutrefes wa kaylat gdungugan emi. At fakaylatun kaylat gfagtainan ayu.

Kulusas 2:13

Ay am at yud Udyu fag ngay taw, ebi ginan mabulan am aroro sa ay asalanan. Ay dewa katanya, Dius nafaleleg tua ayu gasfuan tam Fun Isus ay nafalyam fagayu tam ngay asalanan.

Kulusas 1:29

Gugatan au gfakamulun takatanya siginan tam Fun Isus at fon angku fag fagmabitsugun.

Efesu 3:2

Gtuyan au te, nadungug wam sabaliwa Dius at nafon angku fag fakamulun nu kamoyung au sabaliwa at fagmagalangun, laman e tungkul tuam.

2 Kurintu. 10:13

Ay ami dimi gsawe nu kamatungudun ami, nu bunway em fakamatungudunun sa tuas Dius at nafatigwanan sa emi fag fakamulun, laman gfoyung ami anggan sa ayu at Masine fag Barita.

Filipus 2:13

aroro Dius tua tagfakamulun gugat sa ayu laman makatu am gfaning at fakaylatun.