Ruma 1:8 - Fanawbuid tagsibaliwas Fakayabian

⁸ Taguna guseganan au sas Dius aroro sa tam Fun Isus ay sa ayu fagayu aroro ay fagafanudun kadungug tua sas fagdaul daga.

Ruma 1:8 Referans Kwoze

Ruma 16:19

Maksvn nu kadungug am sabaliwa nu gfaning am tam Fun Isus, nu katanya, maksvn nu guseganan au ayu. Dewa katanya, ku fakaylatun nu nasaful tuam fia sabaliwa at masine fagayu nusnge wain, ay nu ddi am nasaful sabaliwa at mauri.

1 Kurintu 1:4

Kabavn guseganan au sas Dius sabaliwa ayu aroro nafon tua sa ayu at fagmagalangun siginan tam Fun Isus,

Ruma 6:17

Guseganan au sas Dius te, ebi dewa am gafagsuguanan asalanan, katsi gfaning tuam ku nafoyung sa ayu fag foyungan, sas fagdaul ay amatanganan.

1 Pedru 4:11

Nu sik tagfoyung o, famoyungi Dius at longan. Ay nu sik taggubuk o, agbilugi nu ggubuk o Dius at nafon emu fag fagmabitsugun, laman gfauseganan o anya sas fagayu am fakamulun siginans Isus tam Fun. Siwa anya fagmasineun ay fagmabalyananun kabavn ban. Anud.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.

Ebreu 13:15

Nu katanya gfataglayun tam gugat gfauseganan Dius. Katanya tam fanggalangun sa anya siginan nu gfoyung tam te, gafanud tua tam sas Isus.

Kulusas 1:3

Kabavn kayu ginan ami gdarangin ayu, guseganan ami sas Dius, tam Fun Isus at Mama.

Filipus 1:3

Guseganan au sa ku Dius galay au namatang ayu.

Efesu 1:15

Nu katanya, siginan nu gdungug au sabaliwa ay fagafanudun sa tam Fun Isus ay nu kesug am Dius at ngay taw,

Filipus 1:11

ay anggan si tua ayu tam Fun Isus at fon at masine fag ugali, laman gfae fagmasineun ay gfauseganan Dius.

Efesu 5:20

Kabavn fauseganani tam Dius tam Mama aroro sas fagayu nusnge wain, siginan tam Fun Isus at ngayan.

Mateu 24:14

Ay e gfoyung ban sas fagdaul daga at Masine fag Barita sabaliwas Dius nu gfagtainan, laman sas fagayu talun at ngay taw sumaful. Ay sanya ginan, kadasug wan at fakatabuan.

Efesu 3:21

Siwa anya famauseganan kabavn ban, siginan at nafakamulun sa sangay tagafanud sa tam Fun Isus. Anud.

Fakamulun 11:28

Ay Agabu fag taglong galo yangay. Ay siginan at Masine fag Falad at fagmabalyananun kanya anlindug ay gfoyung sa sangay taw Antiukya te, kadasug ban sik maksvn fag fanlunus sas fagdaul daga. Anfasludan takatanya gina Klaudyu gfunan.

Lukas 2:1

Ginanya fag buknga, tagfunan sis Ruma, Augustus. Kanya nasugu laman nanginsaful nu seyu at fagfanggunaun fag ngay taw.

Fakamulun 28:22

Ay dewa katanya, kaylat ami gdungugan nusnga setaw am fagyalongun, aroro saful wami te, nusnga ndaginan ngayuk taw takauri sam naylatan fag fagafanudun.”

Ruma 10:18

Ay katsi ginto au te, o nunda kanya fag ngay taw Israel ya nadungug Dius at longan? Sabv, kafag ngay taw nadungug wan. Aroro at Rirukan nalong te, “Andasug wan sas fagayu talun kafag ngay aringang, at foyungan anrapyag sas fagdaul daga.”

2 Kurintu. 2:14

Guseganan tam sas Dius aroro kanya gfosuk tua gugat emi sa tam Fun Isus at fagmababoun aroro masadi tua ami sa anya. Ay nusnga nday ami, Dius gagbilug emi laman gfatoglag ami tam Fun Isus sas fagayu taw. Takatanya em fakamulun kata nu gfarapyag ami sik famaebebanglu.

Efesu 1:16

wa karagang nu guseganan au sa tam Dius aroro sa ayu. Guseganan au ayu ay gdarangin au gugat ayu,

1 Tesalunika 1:2

Kabavn guseganan ami sas Dius aroro sa ayu ay gdarangin ami gugat ayu.

1 Tesalunika 2:13

Guseganan ami sas Dius aroro naylat tuam em foyungan. Ay nafaning bunwa taw at longan, nu bunway Dius tua at longan. Ay kanya fag longan gfataglayun gfasine ay leleganan, am fag ngay tagafanud.

2 Tesalunika 1:3

Em ngay faduksay, kabavn guseganan ami sas Dius aroro siginan ayu. Matuyan kanya em fakamulun aroro ay fagafanudun gtaglayun tua nu kaksvn, ay anggan nu kedkesugan am.

2 Timuteu 1:3

Kayu menit ay yabi gamatangan au emu si ku ngay darangin, ay guseganan au sas Dius, ku fagfaningan sas fagdaul ku amatanganan, kata ku mangaguyang at fakamulun.

Filemun 1:4

Kabavn guseganan au sas Dius galay au gdarangin emu,