Ruma 1:6 - Fanawbuid tagsibaliwas Fakayabian

⁶ Anggan am kataip yangay am sat ngay nauro, laman tam Fun Isus at ngay taw.

Ruma 1:6 Referans Kwoze

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

2 Pedru 1:10

Ku ngay faduksay, ugatani atuyani te, Dius tuam at ngay nafili. Aroro nu katanya tua ay fakamulun, di ban am kamomuy.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

1 Kurintu 1:9

Matuyan tam Dius at nauro ayu laman masadi am sat Baguama, Isus tam Fun.

1 Pedru 2:21

Matuyan, Dius nafili ayu laman gagwantan am, aroro tam Fun Isus naidapan laman sa ayu. At nafakamulun sik fagulitan, laman gfaning tuam anya.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,

2 Tesalunika 2:14

Katanya tam Dius at fagnauroun ayu siginan at Masine fag Barita em nafoyung ayu, laman e afud tuam sa tam Fun Isus at fagmasineun.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

Kulusas 1:6

at kindasug sa ayu. At Masine fag Barita karapyag sas fagdaul daga, ay ngayuk taw gafanud kata ayu, siginan nu bagu am gdungug ay gtogdungug Dius at kagalangan.

Galasya 1:6

Ku ngay faduksay, kadulo au te, at kasakit nu gubun am Dius, at nauro ay at nafili ayu siginan tam Fun Isus at fagmagalangun sa ayu. Kanya tua at Masine fag Barita. Dewa katanya, katsi nafaning way am sik bagu fag foyungan ay namatangan te, kanya wan at masine fag barita.

Ruma 9:24

Itam wan Dius at nauro fag ngay taw, bundi lang ngay taw Udyu, nu bunway anggan yangay at yud Udyu fag ngay taw.

Kulusas 1:21

Ebi ngayayu am siginans Dius, ay am wan at ngay fawayan, aroro siginan ay asalanan ay ay mauri fag amatanganan.

Udas 1:1

Siginan angku, Udas, tam Fun Isus at fagsuguan, ay Santiagu at faduksay. Sas Dius at fakesugun fag ngay taw, ay tam Fun Isus at fagdiriun.