Ruma 1:16 - Fanawbuid tagsibaliwas Fakayabian

¹⁶ Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Ruma 1:16 Referans Kwoze

Markus 8:38

Nusnga sinu fag taw takapla gfoyung angku ay ku longan sa sangay taw tagasalanan ay at yud matuyan sas Dius, anggan au, Taw at Baguama, kapla kyangay ban anya gina kban andasug ke fagmabalyananun siginan ku Mama gfasfuan at masine fag ngay tagbarita.”

2 Timuteu 1:8

Nu katanya, lag o kapla gfoyung sabaliwa tam Fun ay sabaliwa angku at maubungan aroro sa anya, nu bunway, anggan o, inkidapani yangay fasfuani angku siginans Dius at gubuk, aroro sat Masine fag Barita.

1 Pedru 4:16

Ay at fagfauriun ayu nu siginan tua ay fagafanudun sa tam Fun Isus, lag am kapla, nu bunway segi way tam Dius aroro nafangayan ayu te, Isus at taw.

2 Timuteu 1:12

Ay kanya wan ku fagmaubunganun. Ay dewa katanya kdi kapla, aroro toglag ktua ku fagafanudan, ay antuyan au te, kanya makatu galaga at nafatigwanan sa angku fag Masine fag Barita yakmay ban andasug fakatabuan fag menit.

Lukas 9:26

Aroro nusnga sinu fag taw takapla gfoyung angku ay ku longan, anggan au, Taw at Baguama, kapla kyangay ban anya gina kban andasug ke fagmabalyananun, ay e fagmabalyananun kyangay siginan ku Mama ay anggan at masine fag ngay tagbarita.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

1 Kurintu 2:4

Ku longan ay ku foyungan bunwa at mafaylatan ay at mamatanganan fag longan, nu bunway siginan tua at Masine fag Falad at nafalag fag fagmabalyananun,

1 Kurintu 2:2

Ku algan ku fagfoyungun sa ayu we tiba nu bunway sa way lang baliwas Isus tam Fun at nabulanan sas fasulungan kayu.

Ruma 10:17

Nu katanya, tam fagafanudun kasure siginan tam nadungug, ay nadungug tam takatanya aroro siginan nu e gfoyung sa antam sabaliwas Dius at nafili fag Fun.

Ebreu 4:12

Dius at Longan gleleg ay maksvn tua ay amaglat yap tua sik fiso tagsumbalian at uyup. Kanya gurus antam ay gtalfus sa tam falad ay sa tam amatanganan ay anggan sa tam ngay lufuan ay tam basad bini, ay saful yangay ngay taw at amatanganan ay at ngay algan.

1 Kurintu 15:2

Ay nu gbakvd tuam fia ku foyungan, umlangfe tua ban am, ay dewa katanya nu dway katanya we tungkul ay fagafanudun.

Eremyas 23:29

O nunda ku ngay longan wa mabalyanan? Ku ngay longan kata sik afuy nu girug ay sik famulpug nu marufa gang.

Galasya 1:7

At matuyan, we tibak masine fag barita. Ku fagnalongun katanya, e gfasagsagan ay amatanganan ay gugatan namabali at Masine fag Barita sabaliwa tam Fun Isus.

Ruma 2:9

Ay kanya ban fag ngay taw mauri umdasug sas fagidapun ay sas fakabulun, ngay taw Udyu taguna ay anggan yud Udyu fag ngay taw.

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”

Alubad. 119:46

Ay dewa sa sangay fun, kwa kapla glong sabaliwa am ngay foyungan.

1 Tesalunika 2:13

Guseganan ami sas Dius aroro naylat tuam em foyungan. Ay nafaning bunwa taw at longan, nu bunway Dius tua at longan. Ay kanya fag longan gfataglayun gfasine ay leleganan, am fag ngay tagafanud.

Isayas 53:1

Sinu at nafanud em foyungan? Ay dada Yawi at fagfasurean at fagmabalyananun?

1 Timuteu 1:11

Kanya fag foyungan siginan at Masine fag Barita sabaliwa tam Dius at mabalyanan ay tam fagfausegananun. Dius nafatigwanan sa angku laman gfoyung au sabaliwa kafag Masine fag Barita.

2 Kurintu. 9:13

Aroro mafanggubuk tuam, takatanya gfatoglag am te, gfaning tuam at Masine fag Barita sabaliwa tam Fun Isus. Ay aroro nagubuk tuam anya fagayu, kanya ban fagayu guseganan yangay sas Dius.

2 Kurintu. 2:12

Gina au andasug sas furuan Truas laman namoyung at Masine fag Barita sabaliwa tam Fun Isus, tam Fun nafon angku sik buknga laman gfakamulun au takatanya.

1 Kurintu 9:18

Nu katanya, nataw ku fagfanyaun fag famayad? Nu gfoyung au at Masine fag Barita kwa get famayad, dewa au masine gbul aroro sik takamoyung au at Masine fag Barita.

1 Kurintu 9:12

Ay tibak taw nu masine tua gbul takatanya siginan ayu, ami kaugat wan. Ay dewa katanya, wami nafakamulun, dewa ami masine gfakamulun takatanya. Nu bunway nagwantan tuami fagayu nusnge wain laman we gsalag nu karapyag at Masine fag Barita sabaliwas Isus.

Ruma 15:29

Nasaful au te, nu ndasug kban sa ayu, gfon au sa ayu tagsiginan tam Fun Isus at famonun at yud e kurang.

Ruma 15:19

Siginan at ngay madulo ay at mabalyanan fag ngay fakamulun tagsiginan at Masine fag Falad at fagmabalyananun, nafamoyung kwan at Masine fag Barita sabaliwa tam Fun Isus sas fagayu talun siginans Erusalem sitsigons talun Iliriku.

2 Timuteu 1:16

Tam Fun nangus kafanyu Unesifuru fag bale, aroro ngayu ginan Unesifuru nu gfasun angku, ay kanya di napla dewa au maubungan.

Ruma 4:11

Kanya nafae fakatoglagan sik famatuyan te, antap kata nu yud e asalanan siginan at fagafanudun gina yud yay e fakatoglagan. Nu katanya Abrayam wan fagayu tagafanud at mama, deyud e fakatoglagan, ay at kintap kata nu yud e asalanan siginans fagafanudun sas Dius.

Alubad. 110:2

Am fagfagtainanan furuan daul Siun, ay Yawi ban gfamut yay, ay nangagbilug ban o am ngay fawayan.

Uan 7:35

Ay taw Udyu at ngay tagfangguna gkamatoan te, “Dada ban manga kafag taw nu glao, tam fagyudun ban glag ya anya? O kanya ban manga sa tam ngay kaiban at kinrapyag at magamut gbanwan si sangay taw Gresya, ay namoyung sanya fag ngay taw Gresya?