Ruma 1:11 - Fanawbuid tagsibaliwas Fakayabian

¹¹ Maksvn nu galagun au ayu, laman namon au sa ayu sik famonun siginan at Masine fag Falad, laman gfaksvn ayu.

Ruma 1:11 Referans Kwoze

2 Pedru 1:12

Gfamatang ktua gugat ayu, dewa am nasaful wan takatanya fagayu, ay dewa am maksvn wan sa ay nabul fag fagmatuyanun.

Ruma 16:25

Ay katsi segi tam Dius, tagfaksvn ay fagafanudun, gfaning ku foyungan ayu fag Masine fag Barita sabaliwas Isus tam Fun. Kanya fag Barita ngaduge wan nu masuksukan,

2 Tesalunika 3:3

Tam Fun matuyan. Kanya tagfaksvn ay tagdiri ayu siginan at mauri.

Ruma 15:29

Nasaful au te, nu ndasug kban sa ayu, gfon au sa ayu tagsiginan tam Fun Isus at famonun at yud e kurang.

1 Pedru 5:12

Gtoglag au Silas te, sik matuyan fag faduksay. Kanya at nagubuk angku nu griruk au sa ayu tuy fag rirukan at munagud, laman gfaksvn ay amatanganan ay gfatuyan ayu te, Dius at nafakamulun sa ayu gfalag te, kanya magalang tua. Banwani sat fagmagalangun.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

2 Tesalunika 2:17

kanya nangus tagfasun ay tagfaksvn ay amatanganan laman fagayu ay fakamulun ay ay longan masine tua.

Fakamulun 19:6

Sanya ginan, Pablu nafatayuk at daluap sa kafag ngay taw, ay at Masine fag Falad antayuk sa anya fagayu ay naringang sa tibak fangaringang ay mafafoyung Dius at longan.

Fakamulun 16:5

Nu katanya, ankaksvn ngay tagafanud at fagafanudun, ay kayu menit kafamut tua ngay tagafanud.

2 Krunika 20:20

Ay balabag di sbalabag Eusafat ay at ngay ufud nalao sas Tekwa fag talun at yud e taw. Ay kaduge kanya fagayu glao Eusafat anragang ay nalong te, “Ngay taw Uda ay ngay taw Erusalem, dungugani angku! Afanudi sa ay Dius Yawi, ay faksvni tua ay amatanganan. Ay afanudi yangay sat taglong ay gbabo ban am.”

1 Tesalunika 3:13

Kanya nangus gfabitsug ay amatanganan laman diam e malong, ay diam e mauri sa tam Dius tam Mama at daga salubangan, gina ban tam Fun Isus gdog andasug, gasfuan at ngay nafili.

1 Tesalunika 3:2

Ay nasugu ami sa ayu tam faduksay Timuteu, Dius at fagsuguan tagfoyung yangay at Masine fag Barita sabaliwa tam Fun Isus. Kanya wan em nasugu laman gfaksvn ay fagafanudun ay gfabitsug ay amatanganan,

Filipus 4:1

Nu katanya, ku fakesugun ku ngay faduksay, faksvni ay fagmasadiun sa tam Fun. Gyalagun au ayu. Am wan ku fagusegananun ay ku fakamatungudunun.

Filipus 2:26

Kanya maksvn nu gyalagun ayu, ay kabalu aroro nadungug am te, kanya e fakasaitun.

Filipus 1:8

Dius nasaful wa te, kesug au ayu fagayu kata tam Fun Isus nu kesug ayu.

2 Kurintu. 9:14

Nu katanya, kanya fagayu maksvn nu kesug ay nu gdarangin ayu, aroro Dius nafasure tua sa ayu at fagmagalangun at maksvn.

2 Kurintu. 1:21

Dius wan tagfaksvn emi ay ayu, siginan tam fagmasadiun sa tam Fun Isus, ay kanya yangay at nafili antam.

Ruma 15:32

Nu katanya tua, Dius nu kaylat, guseganan ktua nu nangadasug sa ayu, ay nantungkud au magamut si ayu.

Ruma 15:23

Ay katsi antabu wan ku fakamulun ste fag talun. Dakngani ngaduge wan nu kaylat au nansibo ayu,

Fakamulun 19:21

Nu nfasludan wan takatanya fagayu, Pablu anke algan laman glao sas Erusalem, dewa katanya, taguna nandalan yay Masidunya ay Akaya. Ay namatangan yangay te, sa yay bans Ruma nu nanansibo wan Erusalem.

2 Samwel 13:39

Ay fun Dabid nu nalyam wan nu kabalu Amnun, anbalu yangay Absalum.

Ebreu 13:9

Lag am gatabanan sa tibak foyungan tagsaman ay nasaful. Masine nu gfaksvn tua tam tam ngay amatanganan siginans Dius at fagmagalangun, abat ngate tam gfaning ngay suguan sabaliwas fakonun. We tungkul nu gfaning tam takatanya fag ngay suguan.

2 Kurintu. 11:4

Aroro masakit nu kaylat am gdungugan sas nusnga sinu at kindasug laman kamoyung sabaliwa tibak Isus tagsaman em foyungan, ay kaylat yayam tibak falad, tagsaman ay nabul wan fag Masine fag Falad, ay gafanud am sa tibak masine fag barita, tagsaman em nafoyung sa ayu fag Masine fag Barita.

2 Samwel 23:15

kanya andanum ay nalong te, “Ku fakaylatun nangus e namul mamam siginans bubun at munakbang sis furuan Betleem at sakbawan.”

Fakasigadan 31:30

Nasaful au te, maksvn nu gauliun o. Ay wain am fagnafangkamulun ku ngay fagsegan?”

Ruma 1:12

Ay siginan takatanya gfadfaksvnan tam nu gafanud tam sas Dius.

2 Kurintu. 1:15

Aroro gafanud au fia katanya, ku algan sa ban ayu taguna nu glao au, laman kaksvn ay fagusegananun.