Naum 1:8 - Fanawbuid tagsibaliwas Fakayabian

⁸ Ay kanya kata sik lugwak masakit kadasug laman namamin at ngay fawayan, ay gfafalo yakmay kanya fagayu anbul.

Naum 1:8 Referans Kwoze

Esekyel 13:13

“ ‘Nu katanya, au, Fun Dius Yawi, glong au te, at kaksvnan nu kadotama au, nangiklas kban at ngay alad siginan sik maksvn fag fulug, ay yelu fag arak, ay at maksvn fag arak.

Isayas 28:17

Kata wayam sik bale ku nainsaful te, o masine wan. Ay gina am gfawabilugan, nasaful au te, wam matuyan. Nu katanya, namalayug au ayu sas fulug ay namalimus sas lugwak ay fakamuaganun ay fagsegun te, mafalangfe ayu.

Isayas 8:22

ay nadama sas daga, at lagan ban fagidapun way ay fagmadulumun ay fagafanawaun. Ay gaiyan ban anya fagayu sat maksvn fag fagmadulumun.”

Sefanias 2:13

Ay namaurianan kyangay ban taw Asirya tagbanwan sis fawalan fag alvngvdan. Ay ginanya ban, Ninibe umsik mabaluanan, ay magong kata sik talun at yud e taw.

Amus 8:8

Nu katanya, namae fanguig kban say daga, ay fagayu ban am gwayway am. Ay daga ban umkabat kata Liskung Nilu nu kabia ay nu kalay at familugan sis talun Igiptu.

Mateu 8:12

Satu ro ngay taw Udyu wan Dius at fagfagtainanun, ay at matuyan, kanya ban fagayu gaukasan way sat dayu, at maksvn nu madulum, ay gwayway ban gugat ay gfaringgit at ngay bagang.”

Mateu 7:27

Ay narak maksvn, ay mamam anbia, ay tagmara nayukfu at bale, ay kafag bale anfuan ay anrasras wan.”

Naum 2:8

Ngay taw at nalagyu siginans Ninibe kata sik mamam tagfamilugan siginan at marufan fag fagsuadan. At ngay fadgaloan nanguro at nalagyu laman kafoli ay nusdi sadi we nfoli.

Naum 1:1

Tuy fag fansulitan sabaliwas furuan Ninibe Yawi at nafoyung sas Naum fag taw Elkus.

Daniel 11:40

“Sa bans fakatabuan, tagsis fasiunan fag fun namawayan tagsis fawalan fag fun. Dewa katanya, tagsis fawalan fag fun e ngay sakayan famawayan, ay e ngay tagfawayan tagakabayuan ay ngayuk tagfawayan tagsi sangay sakayan lino laman namawayan anya. Kanya fagayu namawayan ngayuk talun kata lugwak nu giklas.

Daniel 11:22

Kanya ban gfabul ngayuk tagfawayan, anggan fun tagfon fanggalangun.

Daniel 9:26

Ay nu nlangfe ban ufatk sandan tuluk safulu e ufatk banwa, e gfabul ban Dius at nafili fag Fun ay wa ban e ggubuk ya anya. Kafag tagfangguna at ngay fagsuguan nangiklas furuan ay Yawi at bale. Dewa katanya, umdasug ban masakit at fakatabuan kata tagbia fag lugwak. Dius nafalganan te, gfataglayun ban nu e awayan ay nu giklas anggan sas fakatabuan.

Eremyas 13:16

Fauseganani ay Dius Yawi kaduge yud nafadasug fagmadulumun, ay gina am yud anlub sat madulum fag ngay buksul. Kanya ban namasik maksvn fag fagmadulumun ay fagsegun fag mayamag.

Fangatulun 4:19

Dewa katanya, at mauri fag ngay taw at ugali, sa ways fagmadulumun, ay wa nasaful te, kafaurianan.

Ub 30:15

Ay anke fakalimuun au maksvn, ay ku fagmasineun masakit way lang nalyam, kata sik tagmara at magaras nu nauyup, ay ku ngay ramraman nalyam yangay kata linyabu nu nalyam.

Daniel 11:10

“Ay tagsi bans fawalan fag alvngvdan fag fun at ngay baguama namaful ngayuk tagfawayan laman namalganan nu namawayan. At sadi si anya nu namawayan kata sik lugwak at yud e mafaragang. Kanya namawayan yakmay andasug sat maaladan fag furuan.

Ub 40:11

Falagi am dotama sa takamatungudun fag ngay taw, famomuyi ay rasrasi at mauri fag taw at kayaunanan.

Isayas 13:9

Fagayu am dungugani! Yawi at menit kadasug wan, ginanya ban fag menit namasure at maksvn at dotama ay at faurianan. Kanya ban rumasras sanya fag daga ay wa ban kabanwan ya, ay fagayu tagasalanan tagbanwan sanya umkamin.

Isayas 13:10

Ngay galeme ban wa gdamlag ya. Ay menit dewa ansure, madulum way, ay magdanun wa gyamag ya.

Isayas 28:2

Dungugani fagayu am! Tam Fun Dius e nafalganan sik mabitsug ay sik mabalyanan fag talun at ngay taw at nanrasras ban Samarya. Kanya fag ngay taw kata sik maksvn fag fulug, ay kata sik tagbia fag lugwak.

Eremyas 51:64

Ay longi te, katanya ban takadasug sas talun Babilunya, kanya ban kalubgub ay wa kalakwi ya, aroro sas Yawi at fagnamadasugun fag ngay faurianan. Ay fagayu ban taw tagbanwan sanya kabul wan.” Katanya Eremyas at foyungan taguyan.

1 Samwel 2:9

Kanya gdiri tua at matuyan fag ngay taw tagbanwan si anya. Dewa katanya, kanya gfabul at mauri fag ngay taw ay gfasas fagmadulumun. Nusnga sinu wa mababo nu siginan way at sadili fagmabitsugun.

Isayas 28:18

Dewa katanya, wa ban e tungkul ay nasadian sas fakabulun ay ay nasadian yangay sa sangay kinbul at talun. Aroro gafaurianan ban am gina ngay faurianan andasug kata sik lugwak.