Naum 1:7 - Fanawbuid tagsibaliwas Fakayabian

⁷ Yawi matuyan, ay at mogat fag fagsarigan gina e fagidapun, ay galaga fagayu tagafanud sa anya.

Naum 1:7 Referans Kwoze

2 Timuteu 2:19

Dewa katanya, Dius at nafalganan sat ngay taw fag fagsarigan mogat tua. Ay katatuy at Rirukan te, “Tam Fun nasaful wan nu sinu at fagagbilugun fag ngay taw.” Ay nusnga sinu fag taw taglong te, “Gfaning au tam Fun,” at masine kanya nu ddi gfaning ya at mauri.

Uan 10:27

Ku ngay tupa gdungugan tua angku, ay toglag au anya fagayu ay kanya fagayu galo angku.

Takabalu 3:25

Yawi matuyan tua sas fagayu taw tagafanud ay at ke fagsegun siginan anya.

Uan 10:14

Au wan at matuyan fag tagalaga. Gtoglag au ku ngay tupa, ay kanya fagayu gtoglag yangay angku,

Alubad. 100:5

Yawi matuyan tua, ay kanya mafangesug kabavn, ay at fagmatuyanun ban di e fakatabuan sas fagayu kasugfunanan.

Alubad. 27:5

Sis buknga fagidapun, o way lang ku fagnansarigan, gfasuksuan tuo angku sam bale, ay gtabanan o angku sa sik tungud fungsu.

Fangatulun 18:10

Yawi kata sik bale tangabat ay at mogat, ay at matuyan fag taw at fagnansarirungan gina e malimu.

Alubad. 1:6

Yawi galaga tua at matuyan fag ngay taw, dewa katanya, tagasalanan ban at fakadasugan sa way sad faurianan.

Galasya 4:9

Ay katsi natoglag tuam Dius, ay at mafanud, Dius tua at natoglag ayu laman at ngay sisian. Nu katanya, wain ay fagfaningun yay ngay foyungan at yud e tungkul ay at yud e fanambagun? Wain ay fakaylatun yay nangafagsuguanan takatanya fagayu?

Isayas 25:4

O wan tagbalabag at ngay tagafalingunan ay tagfon at nayudanan gina e fagidapun fag buknga. O wan at fagsarirungan gina e fulug ay gina masugba. Aroro at madot fag ngay taw nu kadasug kata sik fulug nu gfalang sas alad,

1 Krunika 16:34

Fauseganani Yawi, aroro kanya matuyan tua, ay nu mafangesug di e fakatabuan.

Eremyas 33:11

Ay gdog yay ban kadungug nu e guseganan sabaliwa at bagu kadadwa ay siginan tagbuba famauseganan fag fanggalangun sas Yawi at bale. Kanya ban fagayu glong te, ‘Guseganan tam sas Yawi at Mabalyanan aroro kanya matuyan. Ay nu kesug di e fakatabuan.’ Anud, ngay taw ban guseganan aroro namafoli kban fagmanabayanun stie fag daga kata ebi taguna. Au, Yawi, taglong tuy.”

Alubad. 86:7

Gina au e fagidapun, guro au emu, aroro saful au te, gbalus tuo angku.

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Alubad. 25:8

Yawi, matuyan tuo ay masine, nu katanya, foyungi sa sangay tagasalanan am balyawvtan.

Daniel 3:28

Nu katanya, fun Nabukudunusur nalong te, “Segi kanya fag tuluk baguama at Dius. Aroro Dius nasugu at tagbarita laman namalangfe at ngay fagsuguan tagafanud sa anya. Kanya fag ngay baguama di nafaning ku suguan laman gseg sa ku nafawat fag fagsegan. Kanya fag tulu naylat kabul abat ngate nanseg nusnga setaw fag dius tagsaman at Dius.

Alubad. 71:3

Aroro o wan ku tagfalangfe ay ku fagsarigan takata sik gang at mogat. O wan ku fagnanuksuanan.

Alubad. 91:15

Ay kanya ban, dewa anke fagidapun, nu nadarangin ban sa angku, gbalus ktua ban anya, ay si ktua ban gugat anya, ay gfalangfe ay gfae fagusegananun anya.

Alubad. 59:16

Dewa katanya, galay balabag, galubad au sabaliwa am fagmabalyananun ay nu mafangesug o, aroro o wan ku fagsarirungan gina au gidapan.

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Daniel 6:23

Fun nu nadungug takatanya, guseganan ay nasugu te, “Faduksuni Daniel siginans fagubungan.” Ay kanya fagayu we nalag nusdi sik magarasan sirut sit bilug aroro Daniel gafanud sas Dius.

Ruma 11:22

Fakatanyaun, nalag watam Dius at fakesugun, ay nu kadotama. Kanya maksvn nu gfaurianan sik tagasalanan, dewa katanya, kesug tua ayu, nu gbanwan tuam fia sat fakesugun. Ay nu dway ban katanya ay fakamulun, kanya ban ggatvng yangay ayu.

2 Krunika 32:21

Nu katanya, Yawi nafadasug at tagbarita laman namabul Asirya at ngay tagfawayan at maseganama ay at ngay fun tagfawayan ay at ngay tagfangguna. Ay fun Senakerib kapla maksvn ay noli wan. Ay kanya nu nasakbo sat fagsegan at bale, at ngay baguama nafabul anya siginan sik fiso tagsumbalian at uyup.

Mateu 27:43

Ay ngay tagfangguna nalong yangay te, “Kanya gafanud tua sas Dius, ay Dius nu kaylat tua anya, agvd, gulit watam, o namalfas ro anya katsi. Aroro kanya nalong te, ‘Au wan Dius at Baguama.’ ”

Mateu 7:23

“Gbalus kban anya te, ‘Duan, kwa gtoglag ayu. Ayayui wan siginan angku, am fag ngay taw tagfakamulun at mauri.’

Esra 3:11

Sanya ginan, kanya fagayu gseg ay gfauseganan Yawi, ay galubad te, “Yawi matuyan aroro nu kesug ngay taw Israel di e fakatabuan.” Ay fagayu taw maksvn nu guro gfauseganan Yawi, aroro antabu wan nu kawat Yawi at bale at fagfatungkudan turuk.

2 Krunika 32:11

Esekyas nalong ayu te, ay Dius Yawi gfalangfe ayu sas Asirya at fun, kanya gfalyam way ayu laman kabul am sas lunus ay sas danum.

2 Krunika 32:8

Tagufud anya ngay taw way, dewa katanya tagufud antam Yawi tua at mabalyanan fag Dius. Kanya taggubuk antam ay at namawayan laman sa antam.” Nu katanya anbitsug kafag ngay taw at amatanganan siginan Esekyas, Uda at fun, at nalong.

1 Krunika 5:20

Ay gina gfawayan, kanya fagayu naet gubuk sas Dius, ay Dius nabalus tua at darangin aroro kanya fagayu e fagafanudun tua. Nu katanya, Dius nafababo anya fagayu sa sangay taw Agri ay sa tiba ya at ngay fawayan.

Alubad. 20:1

Yawi nangus gbalus emu gina o e fagidapun. Akub at Dius gdiri nangus emu.

Alubad. 37:39

Yawi wan tagfalangfe at matuyan fag ngay taw. Ay kanya yangay kanya fag ngay taw at fagsarirungan gina e fagidapun.

Alubad. 37:40

Yawi ggubuk tua ay gfalangfe, kanya fag ngay taw siginan ngay taw mauri, aroro kanya fagayu gsarirung tua sa anya.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 17:17

Lag o gfalimu angku, aroro o wan ku fagsarigan gina e fagmauriun.

Eremyas 24:5

“Au Yawi, Israel at Dius, glong au te, Kafag ngay taw Uda ku nafataban sa sangay taw Babilunya at talun, gtuyan au te masine, kata kanya fag ngay rawvg igus nu masine.

Uel 3:16

Yawi ban at aringang gbia kata sik lingsi siginans Buksul Siun. Nu katanya, daga ay banwa muigan. Dewa katanya, Yawi wan ngay taw Israel at mogat fag fagsarigan.

Sefanias 3:12

Dewa katanya, ku fagfasawadun ban fag ngay taw sis Erusalem takamababaun way lang ay at yud e kwa, ay kanya ban fagayu get gubuk sa angku.

2 Krunika 13:18

Nu katanya, ngay taw Uda nababo ngay taw Israel, aroro gafanud tua sas Yawi, sat ngay mangaguyang at Dius.

Alubad. 9:10

Ay ngay taw tagsaful emu gafanud tua, aroro di o gaiyan nusnga sinu tagrvbvy emu.

Alubad. 46:2

Nu katanya, wa tam kalimu ya, dewa guig sas fagdaul daga, ay dewa ngay buksul antong sasad dagat,

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.