Naum 1:6 - Fanawbuid tagsibaliwas Fakayabian

⁶ Sinu at magwanta Yawi nu nkuri? Aroro kanya nu nkuri, kata nu gfaduksun afuy siginan at bibig, ay gang kabaltak sit salubangan.

Naum 1:6 Referans Kwoze

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Malakyas 3:2

Dewa katanya, sinu ban fag taw at magwanta gina Dius kadasug? Ay sinu yangay ban at manangalindug sat daga salubangan? Kanya ban kadasug kata sik afuy nu gfadalusan sanbung ay kata sik famalyam lanbung at layungun. Kanya ban namasine ngay taw Lebi kata sik takawat sanbung nu gfasine salapi ay gintu. Ay kanya ban fagayu at fanggalangun gdog tua e tungkul sas Yawi.

Naum 1:2

Yawi tam Dius wa kaylat ngay taw nu gseg tibak fagsegan. Ay kanya kauri at ngay fawayan ay namasud anya fagayu.

Alubad. 76:7

Nu katanya, fagayu taw nangus kalimu tua emu. Sinu at magwanta gina o kadotama?

Esekyel 30:16

Nangirug kban talun Igiptu! Ay Pelusyum ban umke fagagwantanun. Ay Tebes ban kamin, ay Memfis ban e fakalimuun way gugat.

Takabalu 4:11

Yawi andotama maksvn furuan Erusalem, ay kanya nairug kafag furuan anggan at ngay fagfatungkudan turuk.

Takabalu 2:4

Ay kanya gfatiuan at banyas sat ngay taw kata nu at fawayan. Ay nafabul wan at fagfanagsagun fag ngay taw. Ay kanya nafadasug sa sangay taw Israel at dotama kata sik afuy.

Isayas 27:4

Kdi kauri kafag tanuman wat ubas. Ay dewa katanya, nu e lagan au at madugi fag makmak, ggulad kwan ay girug.

Isayas 10:16

Nu katanya, tam Fun, Yawi at Mabalyanan, namae fakasaitun ban ngay taw Asirya at ngay tagfawayan at mabitsug, ay namadasug ban sik afuy daul tagigang laman nangirug kafag fun at fagmabitsugun ay at ramraman fagayu.

Alubad. 90:11

Sinu tagsaful am dotama at maksvn? Anud, nu ndotama o, maksvn tua, nu katanya, masine nu gfababaun ami sa emu.

Alubad. 2:12

Fababauni sas Dius at nafili fag fun aroro nu dway am gfakamulun takatanya, kanya kadotama ay masakit gfauri ayu. Dewa katanya, mauseganan tua fagayu taw tagsarirung sis Yawi.

1 Fun 19:11

Ay Yawi nalong te, “Duksuni ay nanmalindug o sa ku daga salubangan sas tungud buksul, aroro gdalan au.” Ay e nadalan sik maksvn fag tagmara at kaksvnan nabaltak ngay buksul ay narufa ngay gang sis Yawi at daga salubangan. Dewa katanya, Yawi wa sanya fag tagmara. Ay sanya ginan, anke faleleg, dewa katanya, Yawi wa yangay sanya.

At Nafasure 16:8

Ay at faufatk tagbarita naugwag sas menit at ba taya at bilug, ay ankaksvn menit nu masugba, ay ngay taw nasugba.

At Nafasure 16:1

Ay siginan Dius at bale nadungug au sik uro gsugu sa kafag fituk tagbarita te, “Loi wan ay ugwagi sas daga kafag fituk taya at bilug, kanya wan Dius at fandotaman.”

At Nafasure 6:17

Aroro andasug wan at nafalganan fag menit at maksvn nu malimu, laman namaurianan ngay taw. Sinu yaban at manansalubang sat daga salubangan?”

Ub 40:11

Falagi am dotama sa takamatungudun fag ngay taw, famomuyi ay rasrasi at mauri fag taw at kayaunanan.

Alubad. 130:3

Yawi ku Fun, nu nariruk ro wo em ngay asalanan, sinu ya ro at kumsawad si emi, sim daga salubangan?

Isayas 13:13

Nanguig kban banwa ay fagdaul daga. Ay ginanya ban fag menit, namakamulun au takatanya laman namasure au ku maksvn fag dotama.

Isayas 66:15

Dungugani! Yawi kadasug wan, gbuba afuy. Kanya gsakay sit ngay famawayan fag ngay faguyudan ay kata sik fulug tagbaribungan. Kanya namalag at dotama sat ngay fawayan, ay namaurianan anya fagayu siginan sik igang.

Esekyel 7:8

Wa glugo ya gfadasug kwan sa ayu ku dotama. Namaurianan kban ayu kata ay nafakamulun at mauri.

Esekyel 21:31

Namadasug kban sa ayu ku dotama, ay namagbilug kban ayu sa sangay taw tagsaful gfabul.

Esekyel 39:6

Ay nangirug kban Magug, ay anggan at ngay fagadgalangan fag ngay talun at taw tagbanwan manabayan sis tigyangan dagat. Ay kanya ban fagayu sumaful te, au Yawi.

Sefanias 2:2

gina yay yud andasug Yawi at nafalganan fag menit nu nangaiyan ay namarapyag ayu kata naglayapan. Fagayu am ubuni ay ngay asalanan gina yay yud andasug sa ayu Yawi at fandotaman tagigang.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Ub 9:5

Kanya nauig wa vtv ngay buksul, ay at kaksvnan nu kadotama kanya narufa wan kafag ngay buksul.

Ub 26:11

Ay kanya nu ndotama way, banwa at fagtungkudan guigan.

Alubad. 76:8

Sanya sbanwa nainsaful o, ay fagayu taw sas fagdaul daga anlimu ay naragangan.

Isayas 33:14

Tagasalanan fag ngay taw sis Siun gtadtaruyan kalimu, ay glong te, “Kanya fag Dius kata sik tagigang fag afuy at yud karabung. Ay sinu si antam at manamanwan sas Dius at salubangan?”

Takabalu 2:3

Ay at kaksvnan nu kadotama, kanya nafalyam wan ngay taw Israel at fagmabalyananun ay nafababawan. Kata sik afuy, kanya nafamin ngay taw Israel ay anggan fagayu nusnge wain tagsit ligung.