Naum 1:5 - Fanawbuid tagsibaliwas Fakayabian

⁵ Fungsu, buksul ay fagdaul daga guigan sit salubangan, ay fagayu taw gtadtaruyan kalimu.

Naum 1:5 Referans Kwoze

Mikas 1:4

Ay at fagnanloan ban fag ngay buksul umtinas kata sik ngay lune at mafasalungan. Ay at fagnanloan ban fag ngay datag umke karang kata mamam nu nabuntuk siginan tangabat fag afud daga.

Eremyas 4:24

Ay nalag au buksul nu guigan.

2 Samwel 22:8

Siginan Yawi at dotama fagdaul daga nauigan, ay nauigan yangay anggan banwa at fagtungkudan.

Abakuk 3:10

Ngay buksul nu nalag emu, gtadtaruyan kalimu. Nu narak maksvn, dagat glugwak ay gbia nu kalung.

Alubad. 68:8

Daga nauigan ay narak sis Buksul Sinay sim daga salubangan: Ay Israel at Dius ansure sanya.

Tagfangguna 5:5

Yawi, ngay buksul nauigan sim daga salubangan. O wan Israel at Dius at kinsure sis Buksul Sinay.

Alubad. 114:6

Wain ngay fungsu ay ngay buksul fagnauiganun kata ngay kambing ay ngay tupa nu gtudtulbuan?

Alubad. 114:4

Ngay fungsu ay buksul nauigan, kata ngay kambing ay ngay tupa nu gtudtulbuan.

Alubad. 98:7

Fagdaul daga ay fagayu tagsanya, useganani, ay anggan dagat ay fagayu tagsanya, useganani yangay.

Alubad. 46:6

Ay siginan Dius at uro, fagayu talun at ngay taw galakayan, ay at ngay fagfagtainanan kaiklas, ay fagayu taw sas fagdaul daga gtadtaruy kalimu.

Nu Galin 19:18

Ay Buksul Sinay ansuklub anus aroro Yawi ansure sanya kata sik afuy. Ay anus ankabat kata sik fagirugan at anus, ay buksul nauigan daul.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.

Mateu 28:2

Ay gina sanya, maksvn daga nu guigan. Ay tam Fun at tagbarita at sadi andasug siginans banwa, ay nafadaging faningding sakbawan fag gang daul, ay gmalunggung sanya.

Mateu 27:51

Ay ginanya, fantaba fag ramit sad basad Dius at bale an-girat siginan at tungud sitsigon tdaga, ay ankafud dua. Ay daga nauigan ay ngay gang nafangabaltakan way lang,

At Nafasure 6:14

Ay tam banwa nalyam kata nu e nafabilug masakit sik fafil. Ay fagayu buksul ay anggan ngay furu wa si ya at mesa fagtungkudan.

Alubad. 18:7

Siginan Yawi at dotama fagdaul daga nauigan, ay nauigan yangay anggan ngay buksul at fagtungkudan.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 24:1

Fagayu am, dungugani! Yawi rumasras ban fagdaul daga, ay namasaruayan fagayu taw.

Isayas 24:20

ay granranugan kata sik tagalangu, ay muigan kata sik balean tagmara nu nadalan. Fagdaul daga gabyatan at asalanan, ay kanya ban umrasras ay wa ban gdog ya umlindug.

Uel 2:10

Gina kafag ngay liung andasug, daga ay banwa nauigan. Menit ay magdanun andulum, ay ngay galeme wa gdamlag ya.

Sakaryas 4:7

“Am fagsalubangun dewa kabat sik buksul, makatu way o gfadatag. Gdog yay ban kawat Yawi at bale, ay gina ban gfoli taguyan fag gang, ngay taw guro te, ‘Dius fae fagmasineuni tuy fag bale.’ ”

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Ub 9:5

Kanya nauig wa vtv ngay buksul, ay at kaksvnan nu kadotama kanya narufa wan kafag ngay buksul.

Ub 26:11

Ay kanya nu ndotama way, banwa at fagtungkudan guigan.

Alubad. 18:8

Sik anus naduksun siginan at dungus, ay sik afuy tagigang ansure siginan at bibig.

Alubad. 104:32

Nu nadama o fagdaul daga, kae faleleg, ay nu nated o ngay buksul, kae anus.

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Esekyel 38:20

Ay fagayu ban taw ay fagayu mangilafang taglao, taglayug, tagalafang ay anggan tagsisad mamam, gtadtaruyan ban kalimu sa ku daga salubangan. Ay umbaras ban ngay fungsu ay ngay buksul, ay fagayu ban alad gang umrufa.

Amus 9:5

Ay daga guigan, tam Fun, Yawi at Mabalyanan nu nated, ay fagayu tagbanwan sanya gwayway. Ay daga ban umkabat kata Liskung Nilu nu kabia ay nu kalay at familugan sis talun Igiptu.