Naum 1:4 - Fanawbuid tagsibaliwas Fakayabian

⁴ Ay nu naringang, dagat ay ngay liskung katat, ay kagong ngay tanum sa sangay gamasun sis Basan ay sis buksul Karmel ay Lebanun.

Naum 1:4 Referans Kwoze

Isayas 33:9

Afanyuan talun Israel. Anlangke wan Lebanun at ngay kayu, ay kapla wan. Datag Sarun kata way sik talun at yud e taw. Nafangatongan wan ngay kayu at don sas Basan ay sas Karmel.

Alubad. 106:9

Dius nalong sas Dagat Maraska te, “Fae dalani.” Ay kanya nafalao anya fagayu sanya fag dalan, dewa sas bangsi dagat, kata nu glao sis talun at yud e taw.

Isayas 51:10

O nunda bunwa o at nafatat dagat ay at nafae dalan sis wabilug, laman am nafalangfe fag ngay taw umdife?

Isayas 44:27

Ay nu nalong kban te, ‘Ngay liskung, alanggangi,’ matuyan, kalanggang.

Alubad. 114:5

Wain Dagat Maraska faginkafudun? Ay wain Liskung Urdan faginragangun nu gfamilugan?

Alubad. 114:3

Ay gina kanya fagayu andasug sas Dagat Maraska, ankafud. Ay Liskung Urdan nragang nu gfamilugan kata sik taw takalimu.

Alubad. 104:7

Nu naringang o kata sik lingsi laman gsalag, kafag mamam nalyam wa vtv.

Alubad. 74:15

Gfae ngay bulbug o ay gfae ngay liskung, ay gfalanggang o at yud kalanggang fag ngay liskung.

Mateu 8:26

Ay Isus nabalus anya te, “Wain ay fakalimuun? Wa maksvn nu gafanud am.” Ay Isus anlindug ay nasalag tagmara ay lugwak. Ay sanya ginan anke fagmanabayanun wan.

Amus 5:8

Ay Dius nawat ngay galeme tagfulan at ngayan te, Pleyades ay Uryun. Dius yangay tagfae yamag ay dulum, ay tagfae menit ay yabi. Kanya nafatulbu dagat at mamam sas linyabu, laman gfae arak. At ngayan, Yawi.

Amus 1:2

Amus nalong te, “Yawi at aringang gbia kata lingsi siginans Buksul Siun. Nu katanya, fagfafangonan ngay tupa an-gong wan, ay anggan sis buksul Karmel at ngay tanum anlangke wan.”

Esekyel 30:12

Namalanggang kban Liskung Nilu ay namagbilug kban talun Igiptu sat mauri fag ngay taw. Gagbilug kban ngay taw tagsiginan tangayayu laman nanrasras fagdaul talun Igiptu ay fagayu tagsanya. Au, Yawi, taglong tuy.”

Ub 38:11

Nalong au sas dagat te, ‘Ste way o tsigon, lag o glangfe; ste way tsigon am tagbia fag ngay lugwak.’

Fakasigadan 8:1

Dius di nalyam Nui fag talanan ay anggan ngay mangilafang sisad sakayan lino. Ay kanya nafadasug sik tagmara, ay lino sas fagdaul daga kalay wan.

Uswe 3:16

mamam anragang wa vtv nu gfamilugan ay anful sa sik fungsu sis Adam fag furuan munakbang sis furuan Saretan. We gfamilugan ya tagsas Dagat at Mabulan, nu katanya, ngay taw nadife munakbang sis furuan Eriku.

2 Samwel 22:16

Siginan nu guro kadotama, kanya nafalanggang dagat. Ay fagdaul daga anggan at fagtungkudan ansure.

Isayas 42:15

Nanrufa kwan ngay buksul ay anggan ngay fungsu, ay namagong au ngay tanum. Namalanggang au ngay liskung ay anggan ngay bunaw.

Esekyel 38:20

Ay fagayu ban taw ay fagayu mangilafang taglao, taglayug, tagalafang ay anggan tagsisad mamam, gtadtaruyan ban kalimu sa ku daga salubangan. Ay umbaras ban ngay fungsu ay ngay buksul, ay fagayu ban alad gang umrufa.

Alubad. 18:16

Ay siginans banwa kanya nadasug tua angku. Ay nalakwi tua angku siginans fagngabasadan lino.