Naum 1:3 - Fanawbuid tagsibaliwas Fakayabian

³ Yawi di vtv gfangadotama, dewa katanya, mabalyanan tua, ay gfaurianan fagayu tagfakamulun mauri. Ay nu nadalan, kata sik tagridribudan fag tagmara ay at maksvn fag fulug. Ay linyabu kata lukbu nu kanus sit darafa.

Naum 1:3 Referans Kwoze

Alubad. 147:5

Tam Dius mabalyanan, ay at fagsafulun di e fakatabuan.

Nemyas 9:17

Kanya fagayu wa nafaning am ngay longan, ay wa namatang am ngay nafakamulun at madulo. Kanya fagayu nafamaogatun, ay nafamabo siginan nu gfili at ngay tagfangguna laman gdog nangasik fagsuguan sas talun Igiptu. Dewa katanya, o wan Dius at mafalganan gfalyam ngay asalanan, at mafangafanyu, at yud gfangalyam, at yud masakit gfangadotama, ay at mafangesug. Nu katanya, di o nafabayan anya fagayu,

Alubad. 145:8

Yawi, mafangafanyu tuo ay mafanggubuk, ay di o masakit gfangadotama, ay nu mafangesug o, kabavn tua.

Alubad. 104:3

Nawat o am fagbanwanan sis tungud kiwang. Ay nawat o linyabu tagbuba emu kata sik sakayan, ay tagmara kata nu am dalan.

Alubad. 103:8

Yawi mafangafanyu, ay mafanggubuk, ay di masakit gfangadotama, ay nu mafangesug, kabavn tua.

Santiagu 1:19

Ku fakesugun fag ngay faduksay, amatangani. Dungugi masakit, ay lag yap vtv garingang ay kadotama,

Sakaryas 9:14

Yawi namasure at fagmabalyananun sat ngay taw, ay at banyas ban gdamlag kata limbad. Ay kanya ban namawang budyung ay kadasug gadgaloan fulug siginans fasiunan fag alvngvdan.

Isayas 66:15

Dungugani! Yawi kadasug wan, gbuba afuy. Kanya gsakay sit ngay famawayan fag ngay faguyudan ay kata sik fulug tagbaribungan. Kanya namalag at dotama sat ngay fawayan, ay namaurianan anya fagayu siginan sik igang.

Ub 9:4

Dius e fagsafulun ay e fagmabalyananun. Sinu yaro at mafawayan ay siwa anya fagmababoun?

Tap 14:18

mafangesug o ay di o gfangadotama ay gfalyam tuo ngay taw at asalanan. Dewa katanya, gfaurianan o ngay tagasalanan, sitsigons fatulu ay faufatk kasugfunanan.

At Nafasure 1:7

Amatangani, kanya ban kadasug siginan sad linyabu. Fagayu ban taw lumag anya, anggan ban fagayu at naurus at tigyangan. Ay fagayu ban taw ste swa daga gwayway aroro kalimu te, gafaurianan way ban manga. Anud, umfasludan wa nangus fia takatanya.

Mateu 26:64

Ay Isus nabalus te, “Kin, kata wa am longan. Ay glong au ayu fagayu te, siginan katsi lumag ban am angku, Taw at Baguama, nu malunggung au sit Mabalyanan at siun, ay nu kadasug au siginan sad linyabu sis kiwang.”

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Daniel 7:13

“Sanya ginan, nalag au takata sik taw sis wa linyabu. Kanya ankakbang sa tagleleg kabavn fag Dius.

Isayas 19:1

Katatuy at foyungan sabaliwas talun Igiptu: Damai! Yawi gsakay sis linyabu ay masakit nu kadasug sas talun Igiptu.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Alubad. 62:11

Bundi sayginan nu gdungug au Dius nu glong te, “Au way lang ke fagmabalyananun.”

Ub 38:1

Sanya ginan, Yawi nabalus Ub siginan sik maksvn fag tagmara tagbaribungan; kanya glong te,

Ub 10:14

Nu nke asalanan kway ro, gulit ro wo gugat angku, ay wo gtap angku te, sik yud au e asalanan.

Uel 2:13

Ubuni wan ay fagmauriun sas fagdaul ay amatanganan siginan nu ggirat am ay ngay lanbung, laman gfasaful am sa sangay taw te, gubun am ay ngay asalanan. Afolii sa ay Dius Yawi, aroro kanya mafangafanyu ay mafamamatang, ay mafangesug ay di masakit gfangadotama. Ay mafalganan tua gfabali at amatanganan laman di gfadasug ngay faurianan.

Alubad. 50:3

Dius kadasug aroro e fagnanlongun. Gina kadasug, sit fagunan sik afuy at mairug nusnge wain, ay sit ligung maksvn nu gfulug.

2 Samwel 22:10

Ay kanya naluang banwa ay andaga sanya ginan, ay antungkud si sik linyabu madamvl.

Isayas 29:6

Ay au, Yawi at Mabalyanan, namamatang kban furuan Erusalem, ay umdasug kban gasfuan lingsi, ay uig, ay sik awang, ay tagbaribungan fag tagmara, ay fulug, ay tagigang fag afuy.

Eremyas 4:13

Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Usea 8:7

Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.