Naum 1:12 - Fanawbuid tagsibaliwas Fakayabian

¹² Katatuy Yawi at longan sa sangay taw Uda: Ay ngay fawayan Asirya dewa ngayu ay mabitsug, namamin kban anya fagayu. Ay kwa ban gdog ya gfaurianan ayu.

Naum 1:12 Referans Kwoze

Uel 2:19

Ay kanya nabalus at ngay taw at darangin, ay nalong te, “Namon kban sa ayu ngay rawvg, fanlangu, ay langis, laman umkapsug am. Kwa kaylat tibak talun at taw nu gfalingun ayu.

At Nafasure 7:16

Kanya fag ngay taw wa ban kalunus ya ay wa ban kadanum ya, ay menit ban at sugba ay nusnga setaw fag masugba wa ban mafaidapan ya anya fagayu,

Naum 1:15

Ngay taw Uda, banawani sa sangay buksul! Kadasug wan sik tagfoyung at masine fag barita tagfae fagmanabayanun ayu. Nu katanya, afuli useganani, ay fafasludani ay ngay fatuyanan sas Yawi, aroro at mauri fag ngay taw wa ban namawayan ya ayu, abat ngate, umkamin wan.

Daniel 11:10

“Ay tagsi bans fawalan fag alvngvdan fag fun at ngay baguama namaful ngayuk tagfawayan laman namalganan nu namawayan. At sadi si anya nu namawayan kata sik lugwak at yud e mafaragang. Kanya namawayan yakmay andasug sat maaladan fag furuan.

Isayas 51:22

Katatuy ay Fun Yawi at longan: “Dungugani! Nafalyam kwan nu kadotama au ayu, takata sik fanlangu at nafaranug ayu. Kwa ban gdog ya gfainum ayu.

Isayas 37:36

Ay Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Isayas 31:8

Fagayu taw Asirya umbul wan, dewa katanya, bunwa siginans fiso. Kanya ban fagayu lumagyu siginans awayan, ay fagayu at ngay baguama nangafagsuguanan.

Isayas 30:19

Ngay taw Siun tagbanwan sis furuan Erusalem, wa ban am gdog ya gwayway! Yawi kafanyu tua ban ayu nu get tuam gubuk sa anya. Ay gina nadungug ay darangin gbalus wa fia.

Isayas 17:14

Katatuy ban at kumfasludan sa sangay taw at namawayan ay at namangkamul tam ngay ramraman: sisad yabi kamalimuanan, ay balabag di wa sanya ya.

Isayas 8:8

Ay kanya ban fagayu nu kadasug sas Uda, kata sik liskung nu gfamilugan at kabasadan sitsigons liug, ay gfalugde ban at ngay fakfak sa am talun.” Dewa katanya, Dius gufud tua emi!

Isayas 7:20

“Ginanya ban fag buknga, Fun Dius gagbilug Asirya at fun tagsiginans dife Liskung Eufrates laman nanrasras ay talun. Kanya namaurianan ayu kata at nabayad fag tagufo laman nangufo ay buk, ay ay umi, ay ay sigyu.

2 Fun 19:37

Sik menit, kaduge Senakerib gseg at fagsegan Nisruk sit bale fagnansegan, at baguama fagdua Adramelek ay Sareser nafabul anya siginans fiso. Ay duksay nalagyu sas talun Ararat. Ay at baguama Esarkadun at natubus anya laman sik fun.

2 Fun 19:35

Balabag di fag yabi, Yawi at tagbarita nalao sas Asirya at fagmafulan ay nafabul sadik sandan waluk safulu e limak libuk tagfawayan. Gina sis balabag sirut, at ngay tagleleg nu nfulo, nalag kafag ngay mabulan.

Nu Galin 12:12

“Ay ginanya yangay fag yabi nandalan au sas fagdaul talun Igiptu at ngay bale, ay namabul au fagayu taw Igiptu at ngay baguama tiba kaka, anggan at ngay fagbaugun at riangan taguna fag tama. Ay namaurianan au taw Igiptu at ngay fagsegan fagayu. Au Yawi.

Isayas 10:16

Nu katanya, tam Fun, Yawi at Mabalyanan, namae fakasaitun ban ngay taw Asirya at ngay tagfawayan at mabitsug, ay namadasug ban sik afuy daul tagigang laman nangirug kafag fun at fagmabitsugun ay at ramraman fagayu.