Naum 1:10 - Fanawbuid tagsibaliwas Fakayabian

¹⁰ Kata am sik tagalangu at mafasafungan madugi fag wat. Namamin au ayu kata nu e nairug ngay nagbiluganan fare.

Naum 1:10 Referans Kwoze

Mikas 7:4

Ngay taw sit furuan takatap te, matuyan, we tungkul, kata way sik wat at madugi. Ay andasug wan at buknga Dius nu namaurianan anya fagayu, kata at ngay taglong at nafararang ebi. Ay andasug wan at buknga nu nangafaplan.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Naum 3:11

Taw Ninibe umkata am sik ngay tagalangu at yud saful at kindasug. Ay ngay fawayan kadasug laman namawayan ayu. Nu katanya, nanrvbvy am ay ngay fagnanuksuanan laman diam gagamatan.

Isayas 9:18

Aroro kafag ngay taw at fagmauriun maksvn wan kata sik afuy tagirug sas wa makmak tagadugiun. Kanya gbia nu gigang kata afuy nu girug sik araw, ay kata sik takabat fag anus at madamvl.

Isayas 5:24

Nu katanya, umkata ban am sik ngay nagutan ay sik makmak at kinyango ay at natubung masakit. Ay kata yangay am sik tanum at kindan at lalid ay at ngay barugwak at kinlangke ay takalayug kata lukbu, aroro natalyuyan am Yawi at Mabalyanan at longan, ngay taw Israel at Dius at yud e Malong, ay nafayud am e masuad at ngay foyungan.

Eremyas 51:57

Namalangu kban at ngay tagfangguna, at ke fagsafulun, ay at ngay fun, ngay fun tagfawayan ay fagayu at ngay tagfawayan. Kanya ban fagayu ngabasad nu gtiug ay wa kafulo ya fagngabak buknga. Au, ay Fun, Yawi at Mabalyanan, taglong tuy.”

Eremyas 51:39

Ay aroro kanya fagayu kalunus, namalganan au sik fagmafulun laman sa anya fagayu. Namalangu au anya fagayu laman guseganan, ay kanya ban fagayu ngabasad nu gtiug ay wa kafulo ya fagngabak buknga.

Isayas 27:4

Kdi kauri kafag tanuman wat ubas. Ay dewa katanya, nu e lagan au at madugi fag makmak, ggulad kwan ay girug.

Alubad. 68:2

Dius nangus gaiyan wan kanya fag ngay taw, kata tagmara nu gfalayug anus. Ay at mauri nangus fag ngay taw kabul wan sis Dius at daga salubangan, kata way sik lune fag salung takalanang sas afuy.

2 Samwel 13:28

Ay kanya fagayu nu maful wan laman guseganan, Absalum nalong sat ngay fagsuguan te, “Fanyai Amnun nu galangu ay dewa gina ro nu naligbat au ayu, fabuli wan anya. Lag am kalimu; au wan tagsugu ayu. Faksvni ay amatanganan ay lag am gaduanun.”

1 Samwel 25:36

Abigail nu nfoli wan sat bale, Nabal anke fagmafulun kata nu sik fun. Nabal guseganan ay galangu. Nu katanya, balabag di ya Abigail nu glong sat mangama sabaliwa Dabid nu namablang anya.

Alubad. 118:12

Kanya fagayu gina namawayan angku, ngayu kata ngay gabe kakin. Dewa katanya, kanya fagayu masakit kalyam, kata nagbiluganan fare nu kairug. Siginan Yawi at fagmabalyananun, nababo ktua anya fagayu.

Isayas 47:14

At matuyan, kanya kata way sik ngay nagbiluganan at masakit kairug, ay wa mafalangfe at sadili siginan sad afuy. Kafag afuy di kata at maugali fag afuy nu bunway amasugba yap tua.

Isayas 56:12

Kanya fagayu glong te, “Gewan! Namul tam fanlangu laman galangu tam! Aroro nu setain nu yud tam e fagayudanun katsi fag menit, katanya yangay ban anggan balabag.”

Nu Galin 5:12

Nu katanya, ngay taw Israel nasaruayan laman nanrvbvy nagbiluganan fare sas fagdaul talun Igiptu.

Nu Galin 15:7

Siginan am fagmabalyananun, nababo o fagayu tagfawayan emu. Nafalag o sa anya fagayu am dotama ay nafamin o anya fagayu kata sik nagruyusan fare at kinkirug.