Mikas 7:9 - Fanawbuid tagsibaliwas Fakayabian

⁹ Aroro nafamabo way tam Yawi, agwantani wan at faurianan, yakmay nagubuk ay nafae fagmatuyanun antam. Nu katanya, Yawi gfalangfe wa fia antam, ay namae fagmanabayanun.

Mikas 7:9 Referans Kwoze

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

Alubad. 37:6

Ay kanya namasaful fia sas fagayu taw te, matuyan o. Ay am balyawvtan kata menit nu masulo, gina swabilug menit.

1 Samwel 24:15

Yawi nangus tagfatuyan nu sinu ta at ke asalanan. Kanya namafasludan takatanya, ay gfalangfe angku siginan emu.”

2 Timuteu 4:8

Tam Fun tagtuyan sabaliwas fagayu taw te, sinu takalangfe. Ay katsi kanya nafalganan sa angku sik famauseganan at fagnamonun ban sa angku gina ban taguyan fag menit, sik famasaful te, gtap angku kata nu yud au e asalanan. Nu gfon ban takatanya, bundi lang sa angku nu bunway anggan tua sas fagayu taw tagfanya anya nu kafoli.

Malakyas 3:18

Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”

Isayas 46:13

Wa ban glugo, namae fagmatuyanun au furuan Erusalem. Munakbang wan nu gfalangfe au, ay namae fagusegananun kban taw Israel.

Alubad. 43:1

Dius, foyungi sa sangay taw te, kdi e asalanan. Balabagi angku siginan at mauri fag ngay taw, ay falangfei angku siginans ngay tagfandaya.

Alubad. 7:6

Yawi, falagi wan am dotama sa ku ngay fawayan takauri angku. Ay fasurei am fagmatuyanun.

Ub 23:10

Aroro kanya saful way ku fakamulun, kanya nu ntabu nu gfaskud angku, nu glag angku masine ktua, kata sik gintu at masine fia.

2 Samwel 24:17

Ay Dabid nu nalag kafag tagbarita, kanya nalong sas Yawi te, “Au way lang at ke asalanan. Ay tuy fag ngay taw wa kataip, kata way sik ngay tupa at yud e asalanan. Ami yakman lang fag talanan am fagfauriananun.”

1 Samwel 26:10

Gfatuyanan au sas Yawi, tagleleg fag Dius te, Yawi ban tagfabul anya. Tibaginan ban kanya umbul sit nafalganan fag menit, ay tibaginan ban umbul sas awayan.

1 Samwel 25:39

Dabid nu nadungug te, Nabal anbul wan, kanya nalong te, “Segi Yawi! Kanya nafabul Nabal aroro nafalingun angku. Yawi nafasaruyan tuo angku laman kdi nafasud ay nafabul. Ay Yawi nafaurianan Nabal aroro nafakamulun sa angku at mauri.” Sanya ginan, Dabid nasugu sik ngay fagsuguan sas Abigail laman namasaful te, kanya kaylat laman ban at mangena.

1 Samwel 3:18

Ay Samwel nafoyung sas Eli Yawi at ngay nalong, ay we nasuksuk. Ay Eli nalong te, “Kanya wan Yawi; at namakamulun ban fia nusnga setaw at masine sit amatanganan.”

Takabalu 1:18

Erusalem nalong te, “Yawi matuyan, dewa katanya, kwa nafaning at ngay suguan. Nu katanya, fagayu am, dungugani ay damai ku fagidapun. E nataban wan ku ngay baguama ay ku ngay baguina.

Alubad. 94:15

Ay ginanya ban, ngay taginsaful, matuyan wan nu ginsaful, ay at matuyan ban fag ngay taw gfaning tua.

Alubad. 119:154

Gubuki ay falangfei angku, ay fabitsugi angku kata am fatuyanan.

Isayas 42:7

laman at yud glag, glag tua, ay namalfas at ngay maubungan siginans fagmadulumun.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 56:1

Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Eremyas 10:19

Ngay taw Erusalem glong te, “Maksvn wan nu gafaurianan tam! Tam ngay bangbang wa kafia ya. Dewa katanya, ginkidapan watam.

Eremyas 51:10

Yawi nafasud sa kafag ngay taw laman sa antam. Gewan, glo watam sas furuan Erusalem ay namoyung watam sa sangay taw Yawi tam Dius at nafakamulun fagayu.”

Ub 35:14

Ub, kaugat waban Dius nu yud gdungugan emu, nu glong way o te, yo nalag anya, ay nafoyung wo sa anya am mamalong, ay gfanya way o lang at famalus.

Isayas 51:22

Katatuy ay Fun Yawi at longan: “Dungugani! Nafalyam kwan nu kadotama au ayu, takata sik fanlangu at nafaranug ayu. Kwa ban gdog ya gfainum ayu.

Eremyas 14:7

Ngay taw nalong te, “Yawi, nafamabo ami gugat emu ay nasalan. Dewa ami sak gafaurianan aroro sa em ngay asalanan, kin, fakamuluni wan laman ngay taw gfauseganan tua emu.