Mikas 7:8 - Fanawbuid tagsibaliwas Fakayabian

⁸ Ngay taw Israel glong te, “Lag tam gafalingunan tam ngay fawayan. Ay dewa tam anlub, abangkadi yap fia. Ay dewa tam sad dulum, Yawi wan tam salung.

Mikas 7:8 Referans Kwoze

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

Isayas 9:2

Ngay taw tagbanwan sisad fagmadulumun lumag ban sik maksvn fag fagmayamagun. Ay fagayu tagbanwan sanya gadamlagan.

Alubad. 112:4

Sik taw tagugali at matuyan, dewa sis fagmadulumun, si tua gugat anya fagmayamagun. Ay kanya kamon, ay mafangafanyu ay matuyan.

Alubad. 27:1

Yawi, o wan ku salung ay ku tagfalangfe. O wan ku taggubuk. Sinu ya ku fakalimuun? Nu katanya, kwe fakalimuun ya.

Ubadyas 1:12

Wam nangus nauseganan ay kaiban fag ngay taw Uda gina gidapan. Ay wam nangus nauseganan gina e giklas at talun, ay wam nangus nafamatungudun gina kanya fagayu gidapan.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Alubad. 38:16

Get au sa emu te, “Salagi ku ngay fawayan nu guseganan gfalingun angku, aroro anbaba au, kata nu yud e tungkul ya.”

At Nafasure 22:5

Ay sanya ban we yabi ya, ay wa ban gayudan ya salung ay menit at yamag, aroro Dius tam Fun, kanya waban kafag ngay fagsuguan at yamag. Ay kanya ban fagayu gfagtainan kabavn.

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Ub 31:29

Kwa naylat ku ngay fawayan nu gafaurianan, ay kwa nauseganan gina e fagidapun.

Alubad. 97:11

Dius at fagmayamagun gyamag sat matuyan fag ngay taw, kata menit nu gdamlag, ay gfon fagusegananun.

Esekyel 35:15

Aroro nauseganan am gina ngay taw Israel at talun ansik mabaluanan. Nu katanya, katanya yangay ban at kumfasludan sa ayu. Namasik mabaluanan kban Seir ay fagdaul talun Edum. Ay ginanya ban sumaful am te, au Yawi.’ ”

Alubad. 35:19

E ngay taw gfawayan angku deyud au e malong. Lag o kaylat kafag ngay taw nu guseganan aroro nababawan au. Ay lag yangay kaylat kanya fagayu nu gfalingun angku deyud au e malong.

Uan 16:20

Matuyan nu glong au sa ayu te, gwayway ban am, ay kabalu ban am, ay ste ban swa daga fag ngay taw guseganan. Ay maksvn ban nu kabalu am. Dewa katanya, ay fakabaluun ban umsik fagusegananun.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Mikas 7:10

Ay tam ngay fawayan ban nu nalag takatanya, umkapla. Aroro ebi kanya fagayu nafalingun antam, glong te, ‘Dada wan ay Dius Yawi?’ Ay kadasug ban sik buknga, lumag tam kanya fagayu nu gafaurianan. Ay kanya ban fagayu umkata ngay lifak sa sangaba dalan ngay taw at fagsiadun.”

Esekyel 25:6

“Au, Fun Dius Yawi, glong au te, nauseganan am gfablangan ay daluap ay gtudtulbuan laman gfalingun am Israel.

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Amus 9:11

Umdasug ban sik menit gdog au namalindug Dabid at fagfagtainanan kata sik bale famoy at kinkiklas. Namasine kban kata ebi nu masine,

Mateu 4:16

At ngay malunggung sisad madulum nalag sik fagmayamagun daul. Ay tiba at malunggung sas fakabulun fag talun ay sis fakabulun at lanbung ansure yangay sa anya sik fagmayamagun.”

Eremyas 50:11

“Ngay taw Babilunya, naago am ku ngay taw at ngay ramraman, ay gfanagsag am ay guseganan kata sik tumad baka tina sis fagfafangonan ay kata sik kabayu tama tagfanagsag guni.

Isayas 49:9

Foyungi ban sat ngay natabanan fag ngay taw Israel, ay sat kinkubung sasad madulum te, ‘Duksuni wan! Nalfas wam!’ Ay kanya ban kata sik ngay tupa tagfangonan sa sangaba dalan, ay sa sangay buksul ebi at yud e gtugbung.

Isayas 2:5

Akub at ngay kasugfunanan, nangugali tam kata Yawi at foyungan, aroro at foyungan kata sik yamag sa antam.

Alubad. 37:24

Yawi gbakvd tua kanya fag taw, ay dewa antaid, di kalub.

Alubad. 37:21

At mauri fag ngay taw mafanbedan ay wa gbayad ya, dewa katanya, at matuyan fag ngay taw e fakafanyun tua, ay kamon tua sat ngay iba.

At Nafasure 21:23

Ay kafag furuan wa gayudan ya menit ay magdanun at yamag, aroro Dius wan at fagmasineun tagyamag sanya, ay at salung Tupa Riangan wan.

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

2 Kurintu. 4:9

Ay ngayu tagfauri emi, ay dewa katanya, Dius di gfabayan emi. Ngayu ginan nu e gfaidapan emi, ay dewa katanya dimi nbul.

Alubad. 20:8

Ay kanya fagayu ummomuy ay gtaglayun karit. Dewa katanya, ami mabitsug tuami gugat.

Eremyas 8:4

Yawi nalong sa angku te, “Nanlong o sa sangay taw te, ‘O sik taw nu nlub, wa nangalunggung ya? Ay sik taw nu nalyam at dalan, o wa kafoli ya?

Eremyas 48:27

Am, ngay taw Muab, o nunda wam nafalingun taw Israel? O nunda nalag am kanya nu gfangkamul? Wain ay fagfalingunun anya siginan nu gligbat am?

Esekyel 36:5

Au, Fun Dius Yawi, glong au te, maksvn nu kadotama au ngay talun, kaugat wan talun Edum! Kafag ngay taw maksvn nu guseganan gina nagbilug ay nafalingun ku talun, aroro kanya fagayu maksvn nu gaagbilugun sanya fag ngay fagfafangonan.’

Sakaryas 12:8

Ginanya ban fag menit, Yawi galaga ngay taw Erusalem, dewa at mamomuy umbitsug kata Dabid. Dabid at ngay kasugfunanan umke fagmabalyananun kata Dius, ay umkata Yawi at tagbarita tagfangguna anya fagayu.

Alubad. 143:3

Ku ngay fawayan nafaurianan angku. Ay kanya fagayu nafataygilid ay nasiad angku, ay naubung angku sat madulum fag fagubungan, kata sik taw taglugo wan nu mabulan.