Mikas 7:6 - Fanawbuid tagsibaliwas Fakayabian

⁶ Aroro ginanya ban, ngay baguama wa gsuyu ya at mama, ay at ngay baguina wa gfaning ya at mina, ay at ngay nugang mangena wa yangay gfaning ya at nugangina. Ay sik taw ban at fawayan, siginan wa at sadili talanan.

Mikas 7:6 Referans Kwoze

Lukas 12:53

Ay sik mama gfawayan at baguama, ay sik baguama namawayan at mama. Ay sik mina namawayan at baguina, ay sik baguina namawayan at mina. Ay sik nugangina namawayan at nugang, ay sik nugang namawayan at nugangina.”

Mateu 10:21

“Ay sik taw ban nantaban at faduksay sa tibak taw laman namabul. Ay katanya yangay ban sik mama at fakamulun sat sisian. Ay sik sisian ban kamabo at fagtainan laman namabul.

Alubad. 41:9

Ay dewa ku fagadgalangan fia ay tagfasfuan angku gfangon ay ku fagananadun gugat, ankuri ay natalyuyan wa angku.

Esekyel 22:7

Tagbanwan si emu fag ngay taw wa gsuyu ya at ngay fagtainan. Ay tiba gfaidapan ngay taw tagsiginan tibak talun tagbanwan si emu, ay we kafanyu ya ngay fagbubayun ay at yud e ngay fagtainan ya.

Uan 13:18

Kwa glong te, fagayu am mauseganan wam. Aroro toglag kway ku ngay nafili. Dewa katanya, laman gfafasludan kata Dius at Longan te, ‘At nafasfuan angku gfangon, kanya ban at namauri angku.’

Fangatulun 30:11

Tibak sisian wa gdarangin ya sas Dius te, “Gubuki em ngay fagtainan,” abat ngate, glong way at mauri.

Lukas 21:16

“Anggan ay ngay fagtainan, ay ay ngay faduksay, ay ay ngay kalongan ay anggan ay ngay fagadgalangan gfon ban ayu sat mauri fag ngay taw. Ay kanya ban fag ngay taw mauri gfabul wan ayu tiba.

Mateu 26:23

Ay Isus nabalus te, “Tagfasfuan angku gfasurung at fakonun sasad taya, kanya wan at namoyung angku sat mauri fag ngay taw.

Ubadyas 1:7

Tagfadiugan ayu fag ngay talun nangaiyan ban ayu. Ay fagadgalangan fag ngay talun namabo ban ay nangaiyan ayu siginan ay furuan, ay fagayu ban at nafasfuan ayu gfangon nanrvbvy at balyawvtan laman namauri ayu.

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 12:6

Dewa am ngay faduksay ay am kalongan at nafamabo emu. Ay kanya fagayu anke algan mauri sa emu. Nu katanya, lag o gafanud kanya fagayu dewa mafalukmeanan fia nu garingang.”

Fangatulun 30:17

Nusnga sinu fag sisian tagfalingun ay takamabo at fagtainan, ugak suminduk at ngay mata, ay nu nbul ban, ngay bio nangon at bilug.

2 Samwel 16:11

Ay Dabid nalong sas Abisay ay sat ngay fagsuguan te, “Ku baguama nu nke algan way namabul angku, kaugat wa ro kanya fag taw Benamin. Fabayani wan kanya nu gfauri angku, aroro Yawi wan at nasugu anya.

Fakasigadan 49:4

Ay kata yangay o sik mamam takuluk aroro wo mafafaragang am ngay fakaylatun. Aroro nafataladan wayo ku mangena fag fagsuguan, wa ban o gtungud am ngay arian.

Isayas 9:19

Ay aroro Yawi at Mabalyanan maksvn nu kadotama anya fagayu, anggan at daga umkirug wan, ay kafag ngay taw umkata famaygang takayungu. Ay kanya ban fagayu wa kadkafanyuan ya.

Eremyas 9:4

Lag am gfasudsunan ya ay ngay iba, ay lag gfadiuganan ya ay ngay kalongan, aroro kamuag ay gfauri at ngay iba.

Isayas 3:5

Kanya ban fagayu gfauri at iba: at fasabale, ay at fagtainan. Ay at yud ban e fanambagun gfawayan wan at ke fanambagun fag ngay taw.