Mikas 7:2 - Fanawbuid tagsibaliwas Fakayabian

² Ku longan at masuad, sis talun Israel, kwe nalag nusdi sadi at matuyan sas Dius. We taw ya matuyan, ay galay at sadi grvbvy at buknga laman namabul at iba, kata sik taw nu gfalganan litag at fanggamat mangilafang.

Mikas 7:2 Referans Kwoze

Alubad. 12:1

Yawi, gubuki angku, aroro we gfaning ya emu, ay we matuyan ya.

Isayas 57:1

At matuyan fag taw nu nbul, we ginto ya te, “Wain at faginbulun?” Ay we nasaful te, Dius nabul wan kafag taw laman gfasaman siginans fagmauriun.

Eremyas 5:26

Ku ngay taw at mauri gfanya at fagnamauriun. Kanya fagayu kata sik takawat sangdaw fanggamat ngay manuk tungud, ay nafoli sangdaw laman sa sangay taw.

Isayas 59:7

Gabanganan am namakamulun at mauri ay gfabul am at yud e asalanan. Kabavn ay amatanganan mauri way, ay nusnga nday am, wam e nafakamulun masine nu bunway fagmauriun way lang.

Fangatulun 1:11

Lag o nangalo kanya fagayu dewa glong te, “Gewan, aloi emi! Namanya watam ay namabul tam nusnga sinu fag taw tam nalag deyud e nafakamulun at mauri.

Eremyas 16:16

“Dewa katanya katsi, namadasug kwan sa anya fagayu ngayuk fawayan kata sik ngay tagfangalbon at nanggamat anya fagayu. Ay namadasug kyangay ngay taglafat laman nanrvbvy anya fagayu sa sangay buksul, sasad araw ay sa sangay luib.

1 Samwel 24:11

Ku mama, damai! Tuy wan sik girat am lanbung. Gina au gfilas am lanbung, kwa nafabul emu. Nu katanya, afanudi te, kwe algan at mauri sa emu, dewa katanya, gfafalo o angku laman namabul.

Mikas 3:10

Mawat wayam furuan Siun siginan ay balyawvtan at mauri. Ay gfabul am taw laman mafatabu am kawat.

Takabalu 4:18

Em ngay fawayan glag way em ngay leleganan, ay wami maduksun ya sa em ngay dalan. Matapan way lang em ngay menit, ay munakbang wan em fakatabuan.

Eremyas 5:16

Ay kanya fag talun at ngay tagfawayan fagayu madot ay maseganama, ay at ngay banyas kamabul.

Fangatulun 12:6

Sik taw at mauri, at ngay longan kamabul way, dewa katanya, at matuyan fag taw at longan, mafalangfe tua.

Alubad. 57:6

Nafanawa au aroro ku ngay fawayan nafasangdawan si ku dalan, ay kanya yay mangaro fagayu at kinkiktan.

1 Samwel 26:20

Yawi ban nangus wa kaylat nu kabul au sa tibak talun nud kyay matuyan sa anya. Wain Israel at fun fagfafaloun gugat angku ay kadaul kway sik emad? Ay wain am fakaylatun nanggamat angku kata sik manuk tungud?”

Alubad. 10:9

Ay kata sik liun, gsuksuan ay gfanya at fagnangagatun, laman gyukfu at mamomuy, ay nu nayukfu, gguyudan wan.

Isayas 9:19

Ay aroro Yawi at Mabalyanan maksvn nu kadotama anya fagayu, anggan at daga umkirug wan, ay kafag ngay taw umkata famaygang takayungu. Ay kanya ban fagayu wa kadkafanyuan ya.

Eremyas 8:6

Nadungug kwan fagayu ay ngay nalong, dewa katanya, wa matuyan. Nusdi sadi si ayu we natalyuyan ay fagmauriun. Ay we ginto sat sadili te, “Wain ku fagnafakamulunun takatatuy?” Abat ngate, galay am at sadi gfataglayun wayam sas fagmauriun kasakit sik kabayu nu glagyu sas awayan.

Esekyel 22:12

Ay tibak taw get famayad laman gfabul, ay tiba gfafamut nu get sat fagfabedanan ay tibak taw anramraman aroro gfangalabian salapi. Kanya fag ngay taw wa gamatang ya angku. Au, Fun Dius Yawi, taglong tuy.

Esekyel 24:6

Aroro au, Fun Dius Yawi, glong au te, takamabul fag ngay taw Erusalem afanyuan wan. Kafag furuan wa kafasine ya kata sik bisu taganenay wan. Nu katanya, fasadsadiani buli am sineud fag yamas. Ay lag o gfili ya.

Usea 5:1

Yawi nalong yangay te, “Ngay taw Israel, dungugani, anggan am fag ngay tagfon fanggalangun, ay am tagbanwan sis fun at bale daul, aroro kadasug sa ayu sik faurianan: fagayu am kata am sik sangdaw, aroro nasangdaw am ngay taw tagbanwan sis Mispa ay sis Tabur.

Mikas 2:8

Dewa katanya, gfawayan wayam ku ngay taw at yud e kwa kata sik ngay fawayan. Kanya fagayu nu glong, nu noli tua ro sat furuan siginans fagawayanan, anlangfe wan. Aroro mangaro nangagbilug wayam kafag ngay taw at ngay lanbung.

Mikas 3:2

Dewa katanya, wam gfakamulun at matuyan, ay fakaylatun, at mauri way. Nafaidapan am ku ngay kaiban kata nu nabul am at balat, ay nabul am at ngay faknul siginan at bini ay naramyuk, ay nafatama am ay naon.

Sakaryas 11:6

“Au, Yawi, glong au te, kwa ban kafanyu ya ngay taw tagste fag talun. Namafagtainan kban anya fagayu sat ngay iba ay sat fun. Ay at ngay iba ban namaurianan kafag talun, ay kwa ban gfalangfe ya anya fagayu.”

Alubad. 12:2

Kanya fagayu kamuagan way sat ngay faduksay, ay gfantabugan way laman gdaya at iba.

Isayas 3:5

Kanya ban fagayu gfauri at iba: at fasabale, ay at fagtainan. Ay at yud ban e fanambagun gfawayan wan at ke fanambagun fag ngay taw.

Usea 6:9

Ay ngay tagfon fanggalangun kata sik ngay tagfangkamul tagfanya at fagnamauriun. Kanya fagayu gfabul wan ngay taw taglao sas Sekem, ay gfakamulun nusnga setaw fag mauri.

Fakamulun 24:9

Ay ngay taw Udyu nafadiuganan Tertulu at ngay nalong, ay kanya fagayu nafatuyan yangay te, “Matuyan, katanya wa fia.”