Mikas 5:5 - Fanawbuid tagsibaliwas Fakayabian

⁵ Ay kanya ban namae fagmanabayanun at fagfanggunaun fag ngay taw. Ngay taw ban Asirya nu namawayan way antam, am ngay tagfangguna ban at maseganama namangguna antam laman namabo anya fagayu.

Mikas 5:5 Referans Kwoze

Lukas 2:14

“Segi Dius tagsi tiba tungud fag banwa. Kanya nafae fagmanabayanun sas fagdaul daga, sat fakesugun fag ngay taw.”

Sakaryas 10:3

Yawi nalong te, “Maksvn nu kadotama au ngay tagfangguna ku ngay taw. Matuyan wan, namaurianan kwan anya fagayu. Aroro au wan tagalaga ku ngay taw Uda kata nu galaga tupa. Kanya fagayu namakata au sik kabayu tagfanagsag sis fagawayanan.

Uan 14:27

Lag am gafanawa ay lag kalimu, aroro gfamato au sa ayu fagmanabayanun. Ku fon sa ayu fag fagmanabayanun, di kata tagste sfagdaul daga at fon fag fagmanabayanun.

Sakaryas 9:10

Ay namalyam kwan awayan. Ay nangiklas kyangay Israel ay Uda at ngay faguyudan ay namul kwan at ngay kabayu at fagagbilugun gina gfawayan, ay nanlifung kyangay at famawayan fag ngay godun. Takadasug fag fun namae fagmanabayanun sa sangay furuan ayu daul. Kanya namagtainan sas dua fungfung dagat at wabilug, ay siginans Liskung Eufrates sitsigons fungfung daga.”

Takamoyung 11:2

Am salapi fasai tua tagsaman saman fag famaloun, aroro wo saful nusnga setaw takadasug fag ngay mauri stes fagdaul daga.

Ub 5:19

Kanya gfalangfe tua gugat emu galay o anke faurianan ay anke fakalimuun.

At Nafasure 19:14

Ay at ngay tagfawayan tagsis banwa galo anya, gsakay sa sik malaksi fag ngay kabayu, ay galanbungan at masine fag lanbung, at masulo ay at mabakbakan.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

Uan 16:33

Nafoyung au ayu takatanya laman e fagmanabayanun tuam siginan ay fagmasadiun sa angku. Dumalan ban am fagidapun ste swa daga, ay dewa katanya, faksvni ay amatanganan, aroro nababo kwan at mauri ste swa daga.”

Sakaryas 12:6

“Ginanya ban fag menit, taw Uda at ngay tagfangguna namakata au singsing afuy tagigang sis tungud famaygang ay mannga kata sik tagigang fag sarab at nafasalung mafutusan fag fare. Ay namaurianan ngay furuan sit ligung, dewa katanya, ngay taw Erusalem di gafaurianan.

Sakaryas 9:13

Nangagbilug au Uda kata sik godun ay Israel kata sik fangurus. Ay Siun kata sik tagfawayan at fiso tagsumbalian at uyup laman namawayan ngay taw Gresya.”

Amus 1:6

Katatuy Yawi at longan sabaliwas Filistia fag ngay taw: “Ngay taw Gasa gfataglayun way gugat nu gasalanan, nu katanya, namaurianan kban anya fagayu. Kanya fagayu nagamat ku ngay taw ay we nafasawad ya, ay nafaebayad sa sangay taw Edum laman at ngay fagsuguan.

Amus 1:3

Katatuy Yawi at longan sabaliwas Sirya: “Ngay taw Damasku gfataglayun way gugat nu gasalanan, nu katanya, namaurianan kban anya fagayu. Kanya fagayu nafaidapan taw Gilyad, kata nu gruyus gagbilug at fanruyus balse ke bagang sanbung.

Eremyas 33:15

Ay ginanya ban, namae funan kban at ke fagmatuyanun tagsiginans Dabid at kasugfunanan. Kanya ban namafagdaul fagmasineun ay fagmatuyanun stie fag daga.

Isayas 65:8

Yawi nalong yay fia te, “Lag yap gfangulan sik raug ubas dewa tibak rawvg andan wan, aroro at masine fag rawvg e fanambagun yay. Katanya yangay ban ku fakamulun sa ku ngay taw, kya ban gfamin anya fagayu. Gfalangfe kyay ban fagayu tagfaning angku.

Isayas 59:19

Ay nusnga nday ban gfababaun ay sumeg anya, aroro kanya kadasug kata mamam nu gfawas kaduge sik maksvn fag tagmara nu gtulud.

Isayas 44:28

Nalong au sas Sirus te, ‘O ban tagulit ku ngay taw, ay at namakamulun fagayu ku fakaylatun. Sugui te, Dogi yap awati furuan Erusalem, ay anggan ku bale.’ ”

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Fangatulun 30:29

Ay e tuluk awatan tagleleg tagsaman tiba nu glao, ay e faufat ya taglao kata sik fun:

Fangatulun 30:18

E tuluk madulo ku fagyudun anyamag, ay e faufat ya ku fagyudun gtogdungug:

Alubad. 72:7

Kaduge ban nangus kanya gfunan, at matuyan fag ngay taw umke fagmanabayanun. Ay umke ramraman ban nangus kaduge e magdanun.

Fangatulun 6:16

Yawi at fakauriun fituk ugali:

Isayas 14:25

Namamin kban fagayu taw Asirya tagsi ku talun Israel, ay nansiad kban tagsanya fag ngay buksul. Namalfas kban ku ngay taw siginan at fagafagsuguananun.

Sakaryas 10:11

Ay at fagidapun ban dewa kadaul sdagat malangfe tua, ay dewa dagat maksvn nu glugwak ummanabayan yay, ay umlanggang Liskung Nilu at fagngabasadan. Asirya ban we fakamanagsagun ya, ay Igiptu ban we fagmabalyananun ya.