Mikas 5:1 - Fanawbuid tagsibaliwas Fakayabian

¹ Ngay taw Erusalem, falganani ay ngay tagfawayan aroro ay ngay fawayan maligung ayu. Ay kanya ban fagayu namalang siginan sik tulag ngay tagfangguna sis Israel at fingi.

Mikas 5:1 Referans Kwoze

Takabalu 3:30

Nu e nafalang at sadi am fingi fasalubangi yap at sadi am fingi. Ay aylati way am ngay fawayan dewa gfalingun emu.

Ub 16:10

Fagayu taw gfalingun angku, ay gfalang ku fingi laman gfapla angku, ay kanya fagayu masadi gfawayan angku.

2 Kurintu. 11:20

Aroro naylat am nusnga sinu fag taw dewa gfagsuguan ayu, ay dewa gdaya ayu, ay dewa gtaban ayu, ay dewa kamaseganamaun sa ayu, ay dewa gfalingun ayu.

Fakamulun 23:2

Ay Ananias, tiba tungud fag tagfon fanggalangun, nasugu sat ngay malindug at munakbang sis Pablu te, “Falangi at bibig.”

Uan 19:3

Ay kanya fag ngay tagfawayan gsadsadian nangakbang sa anya ay glong te, “Tubus, taw Udyu at Fun!” Ay sanya ginan nafalang Isus at fingi.

Uan 18:22

Isus nu nalong takatanya, at sadi tagulit at munakbang si anya nafalang at fingi, ay kanya nalong te, “Wain fakatanyaun nu gbalus o sa tiba tungud fag tagfon fanggalangun?”

Mateu 26:67

Ay kanya fagayu natufe Isus at kamatan. Ay tiba nasuntuk anya ay nafalang.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Deuterunumyu 28:49

Yawi ban namafawayan ayu sa sik gaban taw tagsaman ayu at fangaringang, tagsiginan sik fungfung daga. Kanya ban fagayu namawayan ayu kata sik bio nu gyukfu at ngay fagnanggamatun.

Mateu 27:30

Ay kanya natufe Isus, ay nabul siginan anya kafag anyamu ay nafalang at alfuyu.

Mateu 5:39

“Ay katsi glong au ayu te, lag gfasud ya dewa e nafauri ayu. Sik taw nu nafalang am siun fag fingi, fasalubangi am wala fag fingi.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Abakuk 1:6

Ngay taw Babilunya gfangadotama ay kamabul, ay gsugu au anya fagayu laman namawayan. Kanya fagayu masakit nu gfawayan ngay talun sas fagdaul daga, laman nangagbilug ngay taw at fagbanwanan.

Amus 2:3

Ay anggan ban at fun umbul gasfuan at ngay fagsuguan. Au, Yawi, taglong tuy.”

Uel 3:9

Fasafuli sa sangay talun at ngay taw te, “Falganani ay ngay sadili. Uroi ay ngay tagfawayan laman namawayan.

Esekyel 24:2

“Taw at baguama, amatangi katsi fag menit ay riruki sam fagrirukan aroro katsi Babilunya at fun gfasigad nu nanligung furuan Erusalem.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 8:9

Am fag ngay taw tagsiginan tibak talun, dewa ban am ansadi, gababawan way ban am. Ay am fag ngay taw tagbanwan sa tangayayu fag ngay talun, dungugani! Dewa am nafalganan namawayan emi, gababawan way ban am.

2 Fun 24:2

Yawi nafadasug sa anya ngay taw Babilunya, taw Aram, taw Muab, ay taw Amun fag ngay tagakabayuan laman namarasras Uda, kata Yawi at nalong sat ngay fagsuguan fag ngay taglong.

1 Fun 22:24

Ay Sedekya, Kenaana at baguama, ankakbang sas Mikaya ay nafalang sit fingi ay nalong te, “Setain nu malong o te, Yawi at falad nalao siginan angku, ay nanamakamatoan emu?”

Fakasigadan 35:19

Rakel anbul wan, ay Akub nanamoli wan anya sas tigyangan dalan tagsas Efrata (at ngayan katsi, Betleem.)

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Deuterunumyu 33:27

At yud e fakatabuan fag Dius ay fagsarirungan. Kanya ban gfabitsug ayu siginan at fagmabalyananun at yud e fakatabuan. Ay gfayayu ban ay ngay fawayan siginan ay daga salubangan. Ay gsugu ayu laman gbabo am anya fagayu.

Tagfangguna 17:7

E sik baguama siginans Lebi at kasugfunanan gbanwan sis Betleem sis Uda.

Fangatulun 8:23

Siginan yay ebi, kanya nawat wa angku. Sanya kwan gina yud e fagdaul daga, ay e dagat, ay e ngay bulbug, ay e ngay buksul, ay e ngay fungsu, ay e ngay gamasun, ay anggan ngay lukbu.

Isayas 9:5

Ay at ngay tagfawayan at ngay lanbung tagatagukun ay anggan at ngay lapak umsik ngay famaygang wan.

Esekyel 21:32

Kata way lang ban am famaygang, ay ay ngay taguk ban kaugwag si ay talun, ay wa ban am kamatang ya. Matuyan umfasludan ban sa ayu takatanya, aroro au Yawi taglong tuy.’ ”

Daniel 9:25

“Asafuli ay atogdungugi te, kalangfe yay ban ufatk safulu e siamk banwa siginan nu e nalong te, awati Erusalem ay yakmay ban andasug Dius at nafili fag tagfangguna. Ay kawat ban furuan Erusalem, ay at ngay fagaweanan, ay sik alian sit ligung furuan ke mamam, kaduge ufatk sandan tuluk safulu e ufatk banwa. Ay ginanya ban, wa mabayan.