Mikas 4:2 - Fanawbuid tagsibaliwas Fakayabian

² Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun tagsis furuan Erusalem.

Mikas 4:2 Referans Kwoze

Isayas 2:3

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Eremyas 31:6

Ay sik menit ban, ngay taw tagalaga furuan guro si sangay buksul tagsis Efraim te, ‘Gewan, glo watam sas furuan Erusalem laman nanseg tam Yawi tam Dius.’ ”

Fakamulun 1:8

Ay baliwan, gina ban at Masine fag Falad andasug, gfon ban sa ayu fagmabalyananun. Ay namoyung ban am ay ngay nalag sa baliwa angku sas Erusalem ay sas fagdaul talun Udea ay sas talun Samarya ay anggan sas fagdaul daga.”

Isayas 54:13

Namoyung kban sa am ngay taw laman gbanwan tua manabayan.

Alubad. 25:12

Yawi, foyungi at matuyan fag dalan sas fagayu tagfaning emu.

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Ruma 15:19

Siginan at ngay madulo ay at mabalyanan fag ngay fakamulun tagsiginan at Masine fag Falad at fagmabalyananun, nafamoyung kwan at Masine fag Barita sabaliwa tam Fun Isus sas fagayu talun siginans Erusalem sitsigons talun Iliriku.

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Markus 16:20

Ay at ngay tagadal nalo wan ay namoyung sas fagayu talun. Ay tam Fun nagubuk anya fagayu, siginan nu gfon at fagmabalyananun gfakamulun at ngay madulo, laman famafanud te, matuyan at longan.

Sakaryas 14:16

Sanya ginan, at kinsawad ban fag ngay taw sas fagayu talun at nanamawayan Erusalem nangadasug sanya fag furuan laman nanseg Yawi ay nangasadi nangaful sabaliwa nu Kawat ngay Fayag.

Fakamulun 13:42

Ay Pablu ay Bernabe nu galoun wan siginans taw Udyu at bale fakafulan, ngay taw at maful sanya nalong sas duama te, “Dogi yap ban foyungi sa emi takatanya fag ngay foyungan sat fadogan fag Famiangalay fag Menit.”

Uan 6:45

Katatuy Dius at ngay taglong at rirukan: ‘Dius namoyung ban sa anya fagayu.’ Ay nusnga sinu ban tagdungugan ay at kinfoyung sa baliwa ku Mama, kanya kakbang tua sa angku.

Deuterunumyu 6:1

Takatanya ay Dius Yawi at nalong sa angku fag ngay suguan, ngay foyungan, ay faugali ku fagnamoyungun sa ayu. Namaning ban am tuy sa ay fagnangagbilugun fag daga sas dife Liskung Urdan,

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Alubad. 110:2

Am fagfagtainanan furuan daul Siun, ay Yawi ban gfamut yay, ay nangagbilug ban o am ngay fawayan.

Alubad. 119:1

Mauseganan sik taw nu masine tua at ugali, ay nu gfaning Yawi at faugali.

Alubad. 119:171

Kabavn guseganan au sa emu, aroro nafoyung tuo sa angku am ngay foyungan.

Alubad. 122:1

Guseganan au, nu nadungug au ngay taw nu glong te, “Bastam wan sas Yawi at bale.”

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Eremyas 42:3

Darangini sas Yawi am Dius, laman kanya gfoyung emi nu dada ban nu glao ami ay nu setain ban em fakamulun at masine.”

Sakaryas 9:10

Ay namalyam kwan awayan. Ay nangiklas kyangay Israel ay Uda at ngay faguyudan ay namul kwan at ngay kabayu at fagagbilugun gina gfawayan, ay nanlifung kyangay at famawayan fag ngay godun. Takadasug fag fun namae fagmanabayanun sa sangay furuan ayu daul. Kanya namagtainan sas dua fungfung dagat at wabilug, ay siginans Liskung Eufrates sitsigons fungfung daga.”