Mikas 3:4 - Fanawbuid tagsibaliwas Fakayabian

⁴ Gina ban am gafaurianan fag menit, get ban am gubuk sas Yawi, ay wa ban ggubuk ayu aroro sa ay fagmauriun.”

Mikas 3:4 Referans Kwoze

Isayas 1:15

Dewa ngap am gdarangin gugat, kwa kasalag ayu. Ay dewa malayun nu gdarangin am, kwa gdungugan ayu, aroro ngayu wan ay nafabul taw.

Fangatulun 1:28

Ay gina ban am guro angku, kwa ban gbalus ayu. Grvbvy ban am angku, dewa katanya, wa ban am lumag.

Esekyel 8:18

Nu katanya, ku dotama ban umdasug sa anya fagayu. Kwa ban kafanyu ya anya fagayu. Ay dewa ban guro get gubuk sa angku, kwa ban ggubuk ya.”

Alubad. 18:41

Kanya fagayu naet gubuk, dewa katanya, we nagubuk anya. Ay naet yangay gubuk anggan sa emu, dewa katanya, wo nabalus.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

Mateu 7:22

Ay gina ban Dius ginsaful asalanan fag menit, ngayu bank taw taglong sa angku te, ‘Em Fun, em Fun, o nunda wami nafamoyung am longan siginan am ngayan, ay siginan am ngayan o nunda wa yangay mi naiyan at mauri fag ngay falad, ay anggan nafakamulun ami at ngay madulo siginan yangay am ngayan?’

Isayas 3:11

Dewa katanya, longi sat mauri fag ngay taw te, “Ida! Afanyuan wayam, aroro umdasug ban sa ayu faurianan. Namasud sa ayu kata ay nafakamulun sa ay iba.”

Uan 9:31

Nasaful watam te, Dius wa gdungugan ngay tagasalanan, nusnga sinu way lang tagfakamulun at fakaylatun at fagdunguganun.

Lukas 13:25

“Ay kanya fag tagagbilug bale nu nlindug ay nu nadingding wan at sakbawan, am si way am slod bale, ay katuk am sis sakbawan ay guro te, ‘Em Fun, luangi, fasakboi emi.’ Ay kanya gbalus ayu te, ‘Kwa toglag ayu ay kwa saful te, daginan am.’

Sakaryas 7:13

Aroro kanya fagayu wa gdungugan ku ngay suguan, nu katanya, kwa yangay gdungugan nu guro angku.

Eremyas 33:5

ngay taw Babilunya ban masakbo way. Ngayu ban takabul ste fag furuan, ay aroro maksvn nu kadotama au ayu, nangiklas kwan ay furuan. Gtalyuyan kwa ban tuy fag furuan aroro sat fagmauriun.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Fangatulun 28:9

Sik taw at yud gfaning Yawi at faugali, Dius kauri way takatanya fag taw at darangin.

1 Samwel 8:18

Ay ginanya ban fag menit, get am gubuk sa angku aroro ay nafili fag fun madot, dewa katanya kwa ban gbalus ayu.”

Ub 27:9

Ay o nunda ro Dius gdungug kanya nu get gubuk, nu ndasug sa anya fagidapun.

Ub 35:13

Anud, Dius wa gdungugan at yud e masuad fag darangin ay wa kasalag.

Eremyas 11:11

Nu katanya, au, Yawi, glong au te, ‘Namadasug au sa anya fagayu sik faurianan at yud e malangfe. Ay kanya ban fagayu dewa get gubuk sa angku kwa ggubuk ya.

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Mikas 3:7

Am fag ngay taglong ay fag ngay taginsaful, umkapla ban am. Ay gtaup ban am ay mata at kaksvnan nu kapla am, aroro wa ban am batang ya gdungug famalus siginans Dius.”

Mikas 7:13

Fagayu ban talun sas fagdaul daga umsik mabaluanan aroro sa sangay taw at fagmauriun.”