Mikas 2:6 - Fanawbuid tagsibaliwas Fakayabian

⁶ Glong am te, “Lag am kamoyung ya sa emi sabaliwa takadasug ban fag faurianan, aroro wa ban mi gafaplan.”

Mikas 2:6 Referans Kwoze

Amus 2:12

Nafainumun am fanlangu sa sangay taw at nafatigwanan sas Dius, ay nalong am sa sangay taglong te, lag gfoyung ku longan.

Isayas 30:10

Kafag ngay taw nalong sat ngay taglong te, ‘Lag gfoyung ya emi sabaliwas Dius at nalong sa ayu. Lag gfoyung sa emi at matuyan fag ugali. Am fagfoyungun sa emi nusnge wain yakman tagfauseganan emi, ay sik ngay taginfan yakman at yud kafasludan.

Fakamulun 5:40

Ay kafag ngay taw nafaning Gamaliel at fangatulun. Dewa katanya, gdog yay nafasakbo kafag ngay nasugu, ay nafalang. Sanya ginan, kanya fagayu maksvn nu gsalag ngay nasugu te, “Lag am kamoyung ya sabaliwas Isus,” ay sanya ginan nafalfas wan.

Fakamulun 7:51

Sanya ginan, Esteban nalong te, “Kamaogatun am ay amatanganan! Ay wam kaylat gdungugan ay gfaning Dius at foyungan. Nu setain ay mangaguyang at fakamulun, katanya yangay ay fakamulun. Ay gfauri am gugat at Masine fag Falad.

Fakamulun 5:28

“O nunda ya mi nasalag ayu te, ‘Lag gfoyung ya sabaliwas Isus’? Abat ngate am nafaning, ay foyungan anfagdaul wan sas Erusalem ay glong yayam te, ami at nafabul anya.”

Fakamulun 4:17

Ay nu katanya, laman wa gfataglayun ya nu karapyag takatanya, nansalag tam duama te, ‘Lag gfoyung ya sas nusnga sinu sabaliwa kafag taw.’ ”

Mikas 6:16

Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Amus 7:13

Lag o kamoyung ya Dius at longan ste sis Betel, aroro ste wan fun ay anggan at fagfagtainanan at fagnansegan.”

Esekyel 21:2

“Taw at baguama, salubangi sas furuan Erusalem ay nanlong o at mauri sa sangay taw Israel ay sat ngay fagnansegan.

Esekyel 20:46

“Taw at baguama, salubangi sabaliwas fasiunan ay nanlong o at mauri sanya fag ngay furuan at ke ngay araw.

Esekyel 3:26

Ay gfasik yud kban maringang emu laman wo manamararang sanya fag ngay taw takamabo.

Alubad. 74:9

Wami e fagtoglagan ya tagfasaful te, gufud yay o emi. Ay we ngay taglong ya. Ay wami saful ya te, seduge ya ban nu katatuy ami gugat.

Isayas 29:10

Aroro Yawi kata nu nafatiug ayu ngabasad. Ay ay ngay taglong kata ay ngay alfuyu ay ay ngay mata, ay dewa katanya, Yawi natabun way.

Amus 7:16

Dungugani Yawi at longan, o tagsalag angku te, ‘Lag gfoyung at longan sa sangay taw Israel, Isak at ngay kasugfunanan.’

Mikas 3:6

“Aroro nafamuag am sa ku ngay taw, wa ban am e taginfan ya, ay wa ban am mainsaful ya. Kata nu yud am glag sasad madulum.