Mikas 2:2 - Fanawbuid tagsibaliwas Fakayabian

² Ay gago am ay fagalabianun fag ngay daga ay fag ngay bale. Ay kamuag am sa sangay taw laman magbilug am at ngay bale ay at ngay ramraman.

Mikas 2:2 Referans Kwoze

Isayas 5:8

Ida, afanyuan am! Am takaylat gfayu ay bale ay takaylat gfabia ay daga, yakmay am naiyan fagayu taw tagbanwan sanya, ay am way lang tagbanwan sanya fag talun.

Amus 8:4

Am fag ngay taw tagfaidapan at ngay yud e kwa, ay tagyafabulun anya fagayu, dungugani.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Esekyel 18:12

Ay gfaidapan at yud e kwa, ay gfangkamul, ay wa gfafoli ya at naulbus sa anya at ngay famanya fag ngay famayad, ay kanya gseg tibak fagsegan, ay gfakamulun at mauri,

1 Timuteu 6:10

Aroro fakesugun salapi, kanya wan fagsigadan fagayu fagmauriun. Tibak taw naubun wan at fagafanudun aroro kesug salapi, nu katanya, ngayu at fakabaluun.

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Mikas 3:9

Am fag ngay tagfangguna sis Israel ay sis Uda, dungugani! Wam gfafasludan fagmatuyanun ay wam gfae masuad at matuyan.

Esekyel 22:12

Ay tibak taw get famayad laman gfabul, ay tiba gfafamut nu get sat fagfabedanan ay tibak taw anramraman aroro gfangalabian salapi. Kanya fag ngay taw wa gamatang ya angku. Au, Fun Dius Yawi, taglong tuy.

2 Fun 9:26

‘Egmenit nalag au Nabut talamean at taguk.’ Yawi nalong te, ‘Gfaurianan au Akab sis Nabut at daga.’ Nu katanya, namul o Akab at bilug ay nangukas o sas Nabut at daga kata Yawi at longan.”

Nu Galin 20:17

Lag am galabian ay iba at bale, ay at mangena, ay at ngay fagsuguan, ay at ngay fagbaugun, ay nusnga setaw at fagagbilugun.”

Ub 31:38

Nu nafauri kway ro ku fagagbilugun fag daga, ay nu ankata sik taw galiasun gwayway,

1 Fun 21:1

E sik taw tagsiginans Esreel at ngayan Nabut. Kanya e tanuman wat ubas sis Esreel sis fun Akab at day bale daul sis Samarya.

Esekyel 8:17

Sanya ginan, Dius nalong angku te, “Taw at baguama, o glag o in? O takatanya at fakamulun ngay taw Uda yay at fangugali? Saman ya takatanya, kanya fagayu gfakamulun yay tiba yak mauri sas fagdaul talun, ay takatanya at fakamulun gfaugat yay nu gfadotama angku. Damai kafag ngay taw nu gfauri angku.

Esekyel 22:13

“ ‘Namablangan kban ku daluap at kaksvnan nu kadotama au, aroro nafauri am ay nafabul ay ngay iba.

Esekyel 33:26

Ay dewa am gafanud sa ay fiso, ay gfakamulun fagayu nusnge wain at masuya, ay gfanugtug, o nu glong am magbilug ban am ste fag talun?’

Esekyel 46:18

Kafag tagfangguna wa masine gagbilug at ngay taw at daga. At dagai wan at fagnamonun sat ngay baguama, laman ban ku ngay taw e daga tua gugat.’ ”

Amus 2:7

Kanya fagayu gfaidapan ay wa ggubuk at yud e kwa, ay sanya sik talame nafataladan sik mangena. Nu katanya, nafauri angku.

Mikas 6:12

Ay am fag ngay taw at maramraman, madot am, ay kamuag.

Isayas 3:14

Kanya andasug laman namoyung te, sinu fag ngay tagfangguna at ke asalanan. Katatuy at longan sa kafag ngay tagfangguna, “Nafauri am ku tanuman wat ubas, at masuad te, ku ngay taw. Ay nafapnu am sa ay ngay bale nusnge wain ay nabul siginan at yud e kwa fag ngay taw.

Esekyel 45:9

“ ‘Au, Fun Dius Yawi, glong au te, am fag ngay tagfangguna sis talun Israel, faragangi wan ay fagmauriun. Faragangi wan nu gfauri am ay gfaidpan, ay fakamuluni tua at matuyan ay at masine. Lag am gago ya ku ngay taw at ngay daga. Au, Fun Dius Yawi taglong tuy.

Amus 4:1

Am fag ngay mangena takadungug sis Samarya, kata am sik ngay baka mataglu sis Basan. Ay fakamulun, gfaidapan am ay gfalingun ngay taw at yud e kwa, ay gsugu am ay ngay mangama te, “Namul am fanlangu ay nanginum watam.” Nu katanya, dungugani