Mikas 2:1 - Fanawbuid tagsibaliwas Fakayabian

¹ Ida am, tagintiugunan gugat gamatangan sat mauri. Ay balabag di gfafasludan am kata ay algan aroro e fagmabalyananun am gfakamulun takatanya.

Mikas 2:1 Referans Kwoze

Alubad. 36:4

Ay kanya dewa gtaygilidan, at ngay algan sa way gugat sfagmauriun. Ay at nafili fag ugali at yud way masine. Ay wa kaylat gubun fagmauriun.

Isayas 32:7

Ngay tagfandaya at ngay balyawvtan wa masine. Kanya fagayu gfalganan gugat at mauri sat yud e kwa fag ngay taw siginan at fakamuaganun, dewa at yud e kwa at fagetun matuyan.

Naum 1:11

At sadi ay tagfangguna anke algan mauri sas Yawi at ngay taw, ay kanya nu gfangatulun, mauri.

Ruma 1:30

ay nu glong at mauri sabaliwa at usama, ay takauri Dius, ay at yud masuyu, ay takamatungudun, ay takamaseganamaun, ay nu gfamut at fagmauriun, ay takamabo at fagtainan,

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Isayas 59:3

Gfabul am ngay taw, ay gfakamulun nusnga setaw fag ngay fagmauriun. Kamuag am ay glong at mauri.

Fangatulun 4:16

Aroro at yud matuyan fag taw wa gatiugun nu dyakmay nafakamulun at mauri, ay wa kabayan nu dyakmay e nafamauri.

Fangatulun 3:27

Kaksvn am fagmakatuun, gubuki ngay taget gubuk.

Fakasigadan 31:29

Siginan takatanya, e fanlonganan au laman gfakamulun sa emu at mauri. Dewa katanya, Dius nafararang sa angku aro sad yabi te, lag au gfakamulun sa emu at mauri.

Fakamulun 23:12

Balabag di ngay taw Udyu maful ay masadi gfatuyanan te, “Ya ban tam nanfangon ay nanginum yakmay tam nafabul Pablu.”

Uan 19:11

Ay Isus nabalus anya te, “Wo e fagmabalyananun sa angku nu dway nafon emu siginans banwa. Nu katanya, at nataban angku sa emu at ngay asalanan amaksvn yap am asalanan.”

Deuterunumyu 28:32

Kaduge ban am gdama, ngay taw ban tagsiginan tibak talun gtaban wan ay ngay sisian, kayu menit ban gfanya am nu kafoli, dewa katanya, wam e fagmafakamulunun ya.

Fakamulun 23:15

Ay katsi am ay anggan tam ngay funan eti sa tagfawayan at tagfangguna te, dogi yap falfasi Pablu sa ay salubangan kata nu nanginsaful am matuyan sabaliwa anya, ay mafalganan ami gfabul anya gina yud andasug ste.”

Fangatulun 12:2

Yawi guseganan sik taw nu matuyan tua, ay gfaurianan fagayu at ke algan mauri.

Lukas 20:19

Ay arodi ngay tagfoyung Muisis at Faugali ay ngay fun tagfon fanggalangun gananggamatun Isus, aroro kanya fagayu nasaful te, Isus at faydayuanan at fagfatungulan sa wa anya fagayu. Ay dewa katanya, kanya fagayu kalimu ngay taw.

Markus 15:1

Balabag di, ngay fun tagfon fanggalangun ay sik ngay fagtainan ay ngay tagfoyung Muisis at Faugali ay anggan taw Udyu at ngay tagfangguna fagayu maful laman gkamatoan. Ay nasiuk Isus ay nataban sas Pilatu.

Esekyel 11:2

Yawi nalong sa angku te, “Taw at baguama, kanya fag duak safulu e limak taw tagfoyung ay tagfalu sanya fag furuan at ngay taw laman gfakamulun at mauri.

Ester 9:25

Ay fun nu nasaful kafag algan siginan at mangena Ester, kanya nafariruk sik suguan te, “Fakamuluni sas Aman talamean kata at algan mauri sa sangay taw Udyu.” Ay katanya wa fia at kinfasludan.

Ester 5:14

At mangena ay at ngay fagadgalangan nalong anya te, “Fawati sik fagrabingan duak safulu e tuluk sangbada at kabatan. Ay balabag ban sbalabag, nanget o sas fun te, rabingi Mardukyu laman mabayan tuo fia gfadgaloan tam fun sat nafalganan fag yafun.” Nu katanya, Aman nafawat sik fagrabingan.

Ester 3:8

Aman nalong sas fun Akasuerus te, “Mesug fag fun, e sik gaban taw tagbanwan sa tibak afud talun sim fagfagtainanan at faugali tagsaman fagayu gaban at faugali, ay kanya fagayu wa galo am ngay suguan. Nu katanya, wa masine sa emu nu gfabayan way o takatanya fagayu.

Ub 24:14

Takamabul fag taw, mayabas nu kafulo, ay namabul tagidapan ay tagayudan fag ngay taw, ay nu nyabi wan, kanya nanfangkamul.

Fangatulun 14:22

At ke algan gfakamulun at mauri sat iba, asalanan way, dewa katanya, sik taw nu e algan tua at masine sa ngay iba, kanya mafangafanyu tua ay matuyan.

Isayas 29:20

Aroro umkalyam wan at madot fag ngay taw ay at ngay takamalingun. Ay umbul ban fagayu takaylat gfakamulun asalanan,

Esekyel 33:26

Ay dewa am gafanud sa ay fiso, ay gfakamulun fagayu nusnge wain at masuya, ay gfanugtug, o nu glong am magbilug ban am ste fag talun?’

Esekyel 38:10

Fun Dius Yawi nalong yay fia te, “Ginanya ban fag buknga umke algan ban o at mauri.

Esekyel 46:18

Kafag tagfangguna wa masine gagbilug at ngay taw at daga. At dagai wan at fagnamonun sat ngay baguama, laman ban ku ngay taw e daga tua gugat.’ ”

Mikas 6:12

Ay am fag ngay taw at maramraman, madot am, ay kamuag.

Sakaryas 7:10

Lag am gfaidapan ngay fagbubayun, ngay taw tagsiginan tibak talun, ngay tagidapan ay at yud e fagtainan ya. Lag am gamatangan at mauri sas galay at sadi.’

1 Fun 21:7

Ay Esebel nalong yangay te, “O nunda bunwa o Israel at fun? Malunggungi ay fangoni. Useganani aroro namon au sa emu Nabut at tanuman.”

Ub 15:35

Ay kabavn kanya fagayu at amatanganan sa way at namauri, ay gfalganan way laman nanfandaya.”

Alubad. 36:5

Yawi, nu mafangesug o kadaul skiwang, ay am fagmatuyanun gdasug tua sas banwa.

Alubad. 58:3

At mauri fag ngay taw anyayu siginans Dius, ay siginan nu kasalug kamuag wan.

Isayas 3:14

Kanya andasug laman namoyung te, sinu fag ngay tagfangguna at ke asalanan. Katatuy at longan sa kafag ngay tagfangguna, “Nafauri am ku tanuman wat ubas, at masuad te, ku ngay taw. Ay nafapnu am sa ay ngay bale nusnge wain ay nabul siginan at yud e kwa fag ngay taw.

Isayas 5:8

Ida, afanyuan am! Am takaylat gfayu ay bale ay takaylat gfabia ay daga, yakmay am naiyan fagayu taw tagbanwan sanya, ay am way lang tagbanwan sanya fag talun.