Mikas 1:8 - Fanawbuid tagsibaliwas Fakayabian

⁸ Nu katanya, Mikas nalong yay fia te, Aroro Samarya ban kaiklas wan, maksvn nu gwayway au ay kabalu, ay kwa galapakan ya, ay kwa galanbungan ya laman gfalag te, kabalu au. Maksvn nu gwayway au kata sik idu talun nu gsubang ay kata sik liaw nu guni.

Mikas 1:8 Referans Kwoze

Isayas 22:4

Fabayani wan nu gwayway au, aroro kabalu au ku ngay kaiban at kinbul. Lag am gfasun ya angku.

Eremyas 9:19

Dungugani sis Erusalem fag ngay taw nu gwayway. Kanya fagayu glong te, Nababawan watam! Ay anke fakaplaun tam! Ay gubun watam tam talun aroro anggan tam ngay bale ankiklas wan!”

Eremyas 9:10

Eremyas nalong te, Nanwayway au maksvn laman sa sangay buksul ay sa sangay fagnamafangonan, aroro at makmak an-gong wan ay we gdalan ya sanya. Ay kwe dungganan ya ngay baka nu guni, ay anggan ngay manuk tungud ay tiba yak mela anyayu wan.

Eremyas 9:1

Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Isayas 21:3

Katanya ku nalag si ku taginfan, ay anlimu au maksvn ay sik fansait bilug andasug sa angku, kaksvn sik mangena nu gidapan gina gfasalug.

Isayas 16:9

Nu katanya, gwayway au kata ngay taw Aser, aroro e narasras wan ngay tanum wat ubas sis Sibma. Kabalu au ngay taw Kesbun ay taw Elyale aroro we kadungug ya tagfanguroan guseganan aroro wa nke gutluan.

Isayas 13:21

Tagbanwan ban sanya ngay mela way lang. Kata ngay ebo ay tiba yak madot fag ngay mela. Sanya ban ngay kambing talun nu gfanulbuan.

Alubad. 102:6

Kata au sik mela fag manuk tungud tagsis talun at yud e taw, ay kata kyangay sik liaw si sik bale dan.

Ub 30:29

Ay nu garingang au, kata idu talun nu gsubang ay kata sliaw nu guni.

1 Samwel 19:24

Ay nu ndasug sanya, kanya nabul at lanbung ay gfoyung yangay Dius at longan sis Samwel at daga salubangan. Kanya malulasan way lang gtaygilidan fagngabak menit ay yabi. Kanya wan ngay taw at fagnaintoun te, “O nunda Saul sik taglong yangay?”

Isayas 13:22

Ay ngay idu talun gsubang ay gbanwan sa sangay mogat fag ngay bale ay sa sangay bale daul. Munakbang wan talun Babilunya nu karasras; wa glugo ya.

Isayas 32:11

Glugo wan nung am lang gbayan, ay wam gugatan gfakamulun. Katsi tadtaruyani alimui. Buli wan ay lanbung ay futusi si ay fagwan sik saku,

Esekyel 32:18

“Taw at baguama, abalui laman sa sangay taw Igiptu ay sa sangay taw tagbanwan sa tibak talun at mabalyanan. Aroro namatong kban kanya fagayu sas daga daga nangagamut at ngay kinbul.

Mikas 2:4

Ginanya ban, ngay taw gfalingun ayu siginan nu galubad at mabalu te, ‘Katsi afanyuan wami! Yawi nagbilug wan em ngay daga ay nafon sa sangay tagfandaya.’ ”

2 Fun 18:13

Gina sis falabi ufatk banwa Esekyas nu gfunan, Senakerib, Asirya at fun, nafawayan ay nagbilug fagayu at maaladan fag furuan sis Uda.

Ester 4:1

Mardukyu nu nasaful fagayu at kinfasludan, kanya nagirat at lanbung laman gfalag te, kabalu. Ay kanya nasulun saku ay nafasat alfuyu dafug, ay nasakbo sas furuan daul ay gwayway.