Mateu 8:3 - Fanawbuid tagsibaliwas Fakayabian

³ Ay Isus nafalugde at take ay nated kafag taw at ke fakasaitun ay nalong te, “Sabv, kaylat au nu kafia o.” Ay arodi vtv kafag taw at bangbang anfia wan.

Mateu 8:3 Referans Kwoze

Lukas 5:13

Ay Isus nafalugde at take ay nated kafag taw at ke fakasaitun ay nalong te, “Sabv, kaylat au nu kafia o.” Ay arodi vtv, kafag taw at bangbang anfia wan.

Alubad. 33:9

Yawi naringang ay fagdaul daga ankawat. Ay kata at suguan fagayu nusnge wain ankawat.

2 Fun 5:14

Nu katanya, Naaman nalao sasad Liskung Urdan ay antalgub fitu ginan kata Dius at fagsuguan at longan. Ay at bangbang anfia wan, ay at balat andalusan kata sik ngenge at balat.

Markus 1:41

Isus anfanyu kafag taw ay nafalugde at take ay nated kafag taw at ke fakasaitun, ay nalong te, “Sabv, kaylat au nu kafia o.”

Uan 5:21

Nusnga setaw ku Mama nu gfaleleg ngay kinbul, katanya yangay au, at Baguama, gfaleleg kyangay ban nusnga sinu ku fakaylatun gfaleleg.

Markus 4:39

Isus anfulo ay nasalag tagmara, ay glong sas lugwak te, “Aragangi wan!” Ay anragang wan ay anke fagmanabayanun wan.

2 Fun 5:11

Dewa katanya, Naaman andotama ay nalao wan, ay glong te, “Nu glong kro kafag taglong gduksun laman nansalubang angku, ay nandarangin sas Yawi, ay sanya ginan ro gfoli at daluap sa ku bangbang laman gfafia.

Fakasigadan 1:3

Ay Dius nalong te, “E yamagi!” Ay ansure wa fia.

Uan 11:43

Isus nu nalong wa katanya, nauro daul te, “Lasaru, duksuni!”

Lukas 7:14

Ay Isus nanangakbang ay nated fagsuadan at mabulan, ay tagbuba anragang. Ay Isus nalong sa kafag baguama at mabulan te, “Fagbaguama glong au emu te, abangkadi.”

Markus 9:25

Ay Isus nu nalag sik ngay taw masakit nu kaful, nagras kafag mauri fag falad te, “O fag falad tagfayud maringang ay tagfayud gdungug, glong au emu te, ubuni wa anya ay lag gdog ya katayuk sa anya kabavn.”

Markus 7:34

Ay Isus natangda sas banwa ay naengasan ngabasad ay glong anya te, “Efata,” at masuad te, “Aluangi.”

Markus 5:41

Ay Isus nated kafag baguina at daluap ay nalong sa anya te, “Talita kumi.” At masuad te, “Fagbaguina, alindugi.”

Uan 15:24

Nu dyaman au nafakamulun at yud e mafafakamulun fag ngay madulo si sangay taw at daga salubangan, kanya ro fagayu we asalanan. Dewa katanya, kanya fagayu nalag oma ku nafakamulun ay kauri way angku ay ku Mama.

Nu Galin 4:7

Sanya ginan, Yawi nalong sas Muisis te, “Dogi yap fasai am basad lanbung am daluap.” Ay Muisis nafaning, ay nu nafasure at daluap, masine wan kata at afud bilug tiba.

Mateu 12:13

Ay sanya ginan Isus nalong sa kafag taw at yud mafalelegan at daluap te, “Falugdei am daluap.” Ay kafag taw nafalugde. Ay at daluap anfia wan ay kata wan at sadi.

Lukas 4:27

Ay kaduge Elisyu gleleg, ngayuk tagabangbang sis talun Israel, ay we nfia, sangay Naaman tagsiginans talun Sirya.”