Mateu 8:12 - Fanawbuid tagsibaliwas Fakayabian

¹² Satu ro ngay taw Udyu wan Dius at fagfagtainanun, ay at matuyan, kanya ban fagayu gaukasan way sat dayu, at maksvn nu madulum, ay gwayway ban gugat ay gfaringgit at ngay bagang.”

Mateu 8:12 Referans Kwoze

Mateu 25:30

Ay ukasi wan sat dayu sasad madulum aro fag fagsuguan at yud masine. Sanya gwayway ban gugat ay gfaringgit at bagang.’

Lukas 13:28

“Nu nalag ban am Dius nu gfagtainan Abrayam ay Isak ay Akub, ay anggan Dius at taglong fagayu, ay am ban naiyanan way am, gwayway ban am gugat ay gfaringgit ay ngay bagang.

Mateu 21:43

Nu katanya, glong au ayu te, Wa ban am umful sas Dius at fagfagtainanan. At kumful ban, tagfaning tua at fakaylatun.

Mateu 13:50

Ay ngay tagbarita ban mukas kafag ngay taw sa tagigang fag afuy, ay sanya ban gwayway gugat ay gfaringgit at ngay bagang.”

Mateu 13:42

Ay ngay tagbarita ban mukas kafag ngay taw sa tagigang fag afuy, ay sanya ban gwayway gugat ay gfaringgit at ngay bagang.

Mateu 24:51

ay namaurianan anya maksvn, ay namalo sa sangay takamaningan. Ay kanya ban gwayway gugat sanya ay gfaringgit at bagang.

Udas 1:13

Kanya fagayu kata at kinramsaw fag burak siginans dagat nu glugwak, ay kata way sik galeme at malyaman, ay at mafalganan wan sat yud e fakatabuan fag fagmadulumun.

2 Pedru 2:17

Kanya fag ngay taw kata way at malanggangan fag bulbug, ay kata linyabu nu nauyupan fulug. Dius nafalganan wan sik fagmadulumun laman sa kafag ngay taw.

2 Pedru 2:4

Dius wa nfanyu ya takamabo fag ngay tagbarita. Abat ngate, kanya naubung kafag ngay tagbarita sasad lusung tangabasad ay at maksvn nu madulum. Kanya ban fagayu sanya way gugat nu dyakmay ban andasug nu ginsaful asalanan fag menit.

Ruma 9:4

Aroro kanya fagayu sik ngay taw Israel, Dius nafangayan anya fagayu te, at sisian, ay nafon sa anya fagayu sik fagmasineun, ay nawat sik nasadian, ay nafon yangay Muisis at Faugali, ay nafoyung at matuyan fia at fagnansegan, ay e ngay fatuyanan.

Fakamulun 3:25

Dius at nafatuyanan sat ngay taglong, ay at nawat fag nasadian sa tam ngay mangaguyang, sa yangay antam. Ay kanya nalong sas Abrayam te, ‘Aroro sam kasugfunanan, gfon kban fagmasineun sas fagdaul daga at ngay taw.’

Mateu 13:38

Ay kafag gamasun, fagdaul daga. Ay at masine fag bvtang, Dius at fagfagtainanun fag ngay taw. Ay kafag ngay makmak, ngay tagfakamulun mauri.

1 Samwel 2:9

Kanya gdiri tua at matuyan fag ngay taw tagbanwan si anya. Dewa katanya, kanya gfabul at mauri fag ngay taw ay gfasas fagmadulumun. Nusnga sinu wa mababo nu siginan way at sadili fagmabitsugun.

Alubad. 112:10

Ay at mauri ban fag ngay taw lumag takatanya, ay gfaringgit ban at ngay bagang at kaksvnan nu kadotama, ay kata ban nu katinas at kaksvnan nu kapla. Ay at ngay algan ban wa kafasludan.

Isayas 65:14

Ku ngay fagsuguan ban galubad tua guseganan, dewa katanya am ban gwayway wayam kabalu ay gidapan ay ngay amatanganan.

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.