Mateu 4:5 - Fanawbuid tagsibaliwas Fakayabian

⁵ Sanya ginan, Satanas nataban Isus sas Erusalem, at yud e malong fag furuan, ay nafalindug anya sas Dius at bale sat tiba tungud fag afud.

Mateu 4:5 Referans Kwoze

Lukas 4:9

Ay Satanas nataban Isus sas Erusalem, ay nafalindug anya sas Dius at bale sat tiba tungud fag afud. Ay Satanas glong yangay fia sas Isus te, “Nu Dius tuo at Baguama, tosi ste ginan,

At Nafasure 11:2

Ay lag o namasud ya sas Dius at ligung bale, aroro sanya nafon wan sa sangay taw at yud natoglag Dius. Ay kanya ban fag ngay taw nangiklas furuan Erusalem, kaduge ufatk safulu e duak magdanun.

Mateu 27:53

Ay kanya fagayu naduksun siginans fagfolian, ay abandi, gina Isus nadog naleleg, anggan kanya fagayu andasug sas Erusalem ay ngayuk taw at nalag anya fagayu.

Isayas 48:2

Ay glong am te, am wan tagbanwan sit yud e malong fag furuan, ay gafanud am sas Yawi at Mabalyanan, Israel at Dius.”

Uan 19:11

Ay Isus nabalus anya te, “Wo e fagmabalyananun sa angku nu dway nafon emu siginans banwa. Nu katanya, at nataban angku sa emu at ngay asalanan amaksvn yap am asalanan.”

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Daniel 9:16

Em Fun, matuyan tuo, nu katanya gfainfanyuan au te, falyami wan nu kadotama o Erusalem, am nafili fag furuan ay fag buksul at yud e malong. Aroro siginan em ngay asalanan ay anggan em ngay mangaguyang at asalanan, ngay taw si em ngay ligung gfalingun Erusalem ay emi am ngay taw.

Isayas 52:1

Furuan Siun, afuloi, alunggungi ay maksvni tua! Ay fasurei am fagmabalyananun, o at yud e malong fag furuan Erusalem, aroro at yud taw Israel, am natuyan te, masuya, wa ban gdog ya gsakbo sa emu.

Nemyas 11:18

Nu fagayu wan taw Lebi tagbanwan sis Erusalem, duak sandan ufatk safulu e walu.

Nemyas 11:1

Ginanya fag buknga, taw Israel at ngay tagfangguna gbanwan sis furuan Erusalem. Ngay taw nafafidfilian laman siginan galay safuluk talanan mesa sadik talanan, at namanwan sas Erusalem, ay at siam banwani way sit mesa furuan.

2 Krunika 3:4

At tangbi sis sakbawan sis salubangan falangganan, at kabaan duak safuluk siu, kata sbale at kadaulan, ay at kabatan dua yangayk safuluk siu. Ay Sulumun nafasine Dius at bale sad basad, at famasine gintu.