Mateu 4:2 - Fanawbuid tagsibaliwas Fakayabian

² Ay kaduge ufatk safuluk menit ay ufatk safuluk yabi Isus we naon, ay nu ntabu wan, kalunus.

Mateu 4:2 Referans Kwoze

Deuterunumyu 9:18

Ay namalub au sis Yawi at daga salubangan kaduge ufatk safuluk menit ay ufatk safuluk yabi. Kadugenya kwe naon ay kwe nainum, aroro sa ay nafakamulun fag ngay asalanan. Ay nafakamulun am at mauri sis Yawi at daga salubangan, ay siginan takatanya nafadotama am anya.

1 Fun 19:8

Ay Elyas anfulo, ay nafangon ay nainum. Ay anfoli at fagmabitsugun, ay nalao kaduge ufatk safuluk menit ay ufatk safuluk yabi, ay andasug sas Kureb, Dius at nafili fag buksul.

Nu Galin 34:28

Sanya, Muisis nu gfadgaloan Yawi, at kadugean ufatk safuluk menit ay ufatk safuluk yabi. Kadugenya wa batang gfangon ay ginum. Muisis nariruk sa sangay dalifi at nasadian fag safuluk suguan.

Lukas 4:2

Isus nu sanya ufatk safuluk menit, ay Satanas gfaskud anya. Kadugenya, Isus wa batang gfangon, ay maksvn nu kalunus.

Deuterunumyu 9:9

Gina au gundaud sas buksul laman namul ngay dalifi fagrirukan Yawi at nasadian at nawat sa ayu, sanya kway gugat kaduge ufatk safuluk menit ay ufatk safuluk yabi, ay kadugenya kwa gfangon ay kwa ginum.

Deuterunumyu 9:25

Kanya wan ku fagnamalubun sis Yawi at daga salubangan kaduge ufatk safuluk menit ay ufatk safuluk yabi aroro Yawi nalong te, namamin ayu.

Uan 4:6

Sanya Akub at bubun. Ay Isus malunggung sis tigyangan bubun, aroro kalufuy at nalao. Aroro ginanya, gakawabilugun menit wan.

Markus 11:12

Ay balabag di, Isus ay at ngay tagadal nalo siginans furuan Betanya, ay Isus kalunus.

Deuterunumyu 18:18

Nanfili kban sik taglong kata emu siginan kafag ngay taw at kaiban, ay glong kban sa anya ku fagyalongunun sa anya fagayu.

Mateu 21:18

Ay balabag di, gina Isus ay at ngay tagadal kafoli sas furuan Erusalem, Isus anlunus.

Mateu 25:35

Aroro gina au kalunus, nafafangon tuam angku, ay gina au kadanum, nafainum tuam angku, ay gina au sik betaw, nafasakbo tuam angku,

Mateu 25:42

Aroro gina au kalunus, wam nafafangon angku, ay gina au kadanum, wam nafainum angku, ay gina au sik betaw, wam nafasakbo angku,