Mateu 3:6 - Fanawbuid tagsibaliwas Fakayabian

⁶ Ay kafag ngay taw nafoyung at ngay asalanan, ay Uan nafasurung anya fagayu sis Liskung Urdan.

Mateu 3:6 Referans Kwoze

Fakamulun 19:18

Ay ngayuk tagafanud nafoyung at ngay mauri fag fakamulun.

1 Uan 1:9

Nu gfoyung tua tam tam ngay asalanan sas Dius, kanya gfalyam tam ngay asalanan ay gfasine tam basad taw sas fagayu mauri, aroro Dius kabavn matuyan ay gfafasludan at longan.

Ebreu 9:10

Kafag ngay tagfon fanggalangun at ngay nafakamulun sa way lang baliwas fakonun ay fanginum ay ngay balyawvtan nu gfegus, ay tagste swa daga fag ngay ugali. Takatanya fagayu sik famanya way yakmay andasug Dius nu gfabagu fagayu nusnge wain.

Mateu 3:11

Gfasurung au ayu sasad mamam laman fagayu taw sumaful te, naubun wam ay ngay asalanan. Ay tagguyan ban angku fag taw gtungud yay angku nu mabalyanan. Kwa masine nusdi at fagsuguan laman tagbuba at lapak. Ay kanya namasurung ayu sat Masine fag Falad ay sas afuy.

Kulusas 2:12

Siginan nu kasurung am sasad mamam, kata wan nu nbul am, ay nafoli ayu gfasfuan anya, ay nafadog nafaleleg ayu gfasfuan yangay anya aroro gafanud am sas Dius at fagmabalyananun at nafadog nafaleleg tam Fun Isus siginans fagmabulanan.

1 Kurintu 10:2

Ay kanya fagayu gina galo linyabu ay gina gdife dagat, kata nu nsurung tuga Muisis at ngay tagadal.

Fakamulun 22:16

Ay nataw am fagfanyaun katsi? Alindugi wan ay nangasurung wo, ay uroi sa tam Fun laman gfalyam am ngay asalanan.’

Fakamulun 11:16

Namatang au tam Fun at nalong te, ‘Uan nafasurung taw sasad mamam, dewa katanya, umsurung ban am sat Masine fag Falad.’

Fakamulun 1:5

Uan nafasurung ngay taw sasad mamam, ay wa ban glugo ya, kasurung ban am sat Masine fag Falad.”

Lukas 3:16

Ay Uan nafoyung sas fagayu taw te, “Au, gfasurung au ayu sasad mamam, ay takadasug ban fag taw gtungud yay angku nu mabalyanan. Ay kwa masine nusdi at fagsuguan laman at nanluas at fansalod at lapak. Kanya ban namasurung ayu sat Masine fag Falad ay sas afuy.

Markus 1:5

Ay sik ngay taw andasug sas Uan siginans fagdaul talun Udea ay siginans Erusalem. Ay kafag ngay taw nafoyung at ngay asalanan, ay Uan nafasurung anya fagayu sis Liskung Urdan.

Daniel 9:4

Katatuy ku nalong gina au gdarangin sas Yawi ku Dius ay get au famawakalong sa em ngay asalanan: “Em Fun, o sik mabalyanan ay madulo fag Dius. Gfafasludan o am nasadian, ay kesug o takesug emu ay tagfaning am ngay suguan.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Fangatulun 28:13

Nu dway o naubun am ngay asalanan, wa ban manabayan nu gbanwan o, dewa katanya, nu nafoyung tuo ay naubun am ngay asalanan, Dius gfalyam.

Alubad. 32:5

Yawi, nafoyung au sa emu ku ngay asalanan, ay dakdi nasuksuk. Anud nalong au sa ku sadili te, “Namoyung au sa emu ku ngay asalanan.” Ay nafalyam tuo.

Uswe 7:19

Uswe nalong sas Akan te, “Ku sisian, fauseganani Yawi, Israel at Dius. Longi angku am nafakamulun. Longi at matuyan.”

Tap 5:7

Masine kanya nu gfoyung at nafakamulun mauri ay masine yangay kanya nu gfon at kasakan fag famayad sat nafauri fag taw ay gfamut yay duak kayu at nabul.

Lebitiku 26:40

“Aroro nafamabo am angku, nafawayan au ayu, ay nafataban sa ay ngay fawayan. Dewa katanya, nu gfoyung tua ban am ay ngay asalanan ay ay ngay mangaguyang at ngay asalanan, ay nu ddi ban am kamatungudun ya, ay nu nagwantan tua ban am ngay faurianan aroro sa ay ngay asalanan,

Lebitiku 16:21

Ay kanya gfoli at daluap fagdua sas kambing at tungud alfuyu ay gfoyung fagayu ngay taw Israel at asalanan. Siginan takatanya, ngay taw at asalanan nalin wan sa kafag kambing at tungud alfuyu. Sanya ginan, Arun gfon kafag kambing sat fagfatigwanan laman at namalfas, ay kanya fag taw nafalfas kafag kambing sas talun at yud e taw.

1 Pedru 3:21

Kafag mamam sik fafaskudanan way nu kasurung am, ay at nafon ayu fakalangfeun siginan tam Fun Isus at nadogan naleleg. Fakasurungun bunwa famegus tam bilug at layungun, nu bunway sik fatuyanan way sas Dius te, di tam namakamulun nusnge wain at mauri.

Santiagu 5:16

Nu katanya, fodfoyungani ay asalanan ay darangini, laman Dius gfafia ayu. Aroro sik taw at matuyan, at darangin e fagmabalyananun ay gbia at fanambagun.

Esra 10:1

Kaduge Esra gtudan gdarangin sis salubangan Dius at bale, kanya gwayway ay gfoyung taw Israel at ngay asalanan. Ay ngayuk taw Israel, mangama, mangena ay sisian tagligung anya, gwayway yangay maksvn.

Lukas 1:16

Ay kanya ban namafoli ngayuk taw Israel sat Fun Dius,