Mateu 26:10 - Fanawbuid tagsibaliwas Fakayabian

¹⁰ Ay Isus nu nasaful at ngay tagadal at longan, kanya nalong te, “Wain ay fakauriun tuy fag mangena? Masine tua at nafakamulun sa angku.

Mateu 26:10 Referans Kwoze

Titu 3:8

Matuyan kanya fag foyungan. Kaylat au nu gugatan o gfoyung takatanya sas fagayu tagafanud sas Dius, laman kanya fagayu maseganama nu gfakamulun at masine. Kata kanya at masine ay at ke tungkul sas fagayu taw.

Ebreu 13:21

Dius nangus gfon antam nusnge wain at masine laman namakamulun tam at fakaylatun, ay namakamulun sa antam nusnga setaw tagfauseganan anya siginan tam Fun Isus. Kabavn fauseganani anya. Anud.

Titu 3:14

Ay foyungi sa tam ngay faduksay te, fakamuluni tua at masine laman fagayu di e gayudan, ay laman ban di nfangulan ay leleg.

Titu 3:1

Famatangani sanya fag ngay taw te, faningi tam fun ste swa daga ay at ke ngay fagmabalyananun. Faningi anya fagayu, ay mafalganani fia fakamuluni at masine.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Titu 1:16

ay glong te, “Toglag wami Dius.” Dewa katanya, we famatuyan sit fakamulun, ay maksvn nu mauri ay kamabo ay fagayu at fakamulun we masine.

2 Timuteu 2:21

Nusnga sinu takayayu tua siginans fagmauriun, kanya kata tua at mafanud fag ngay fagagbilugun. Ay kanya fagayu mafalganan sa tam Fun laman e fanambagun sa anya, ay mafalganan tua gugat gfakamulun nusnga setaw at masine.

1 Timuteu 5:10

ay at nafakamulun tua fia at masine, kata nu gfagurang at sisian, ay nu guseganan gfasakbo sat bale at fagyudun toglag fag ngay taw, ay nu ggubuk Dius at ngay nafili ay ngay tagayudan, ay nu gfon at sadili sas nusnge wain fag fakamulun at masine.

1 Timuteu 3:1

Matuyan tuy fag longan te, nusnga sinu takaylat nanga sik fagtainan sas bale fakafulan, at algan at masine tua fag fakamulun.

2 Tesalunika 2:17

kanya nangus tagfasun ay tagfaksvn ay amatanganan laman fagayu ay fakamulun ay ay longan masine tua.

Kulusas 1:10

Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

Galasya 6:17

Ay siginan ban nangus katsi, nusnga sinu fag taw lag gfamut ya ku fagidapun. Aroro ku ngay fangtat wan tagfatuyan te, au wan Isus at fagsuguan.

Galasya 5:12

Ngay taw tagfamomuy ay ngay amatanganan, kanya fagayu dangay lang gfae fakatoglagan nu bunway gatvngi wa daul.

Galasya 1:7

At matuyan, we tibak masine fag barita. Ku fagnalongun katanya, e gfasagsagan ay amatanganan ay gugatan namabali at Masine fag Barita sabaliwa tam Fun Isus.

2 Kurintu. 9:8

Aroro Dius makatu gfon sa ayu fagayu nusnge wain, laman kabavn diam e fagayudanun, ay magubuk tuam ay ngay iba.

Markus 14:6

Ay Isus nalong te, “Lag am gsalag anya. Wain ay fakauriun anya? Masine tua at nafakamulun sa angku.

Ub 13:7

O nanggubuk ro am Dius siginan ay fakamuaganun?

Nemyas 2:18

Ay nalong kyangay sa anya fagayu nu setain Dius nu matuyan sa angku, ay nu setain fun at nalong sa angku, ay kanya fagayu nabalus te, “Kin, nangawat watam dog furuan at alad.” Nu katanya, kanya fagayu nafalganan laman namakamulun.

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.

Mateu 26:9

Nu nafaebayad di, ngayu ro at nagbulan ay mafon yay ro at nagbulan fag salapi sa sangay taw at yud e kwa.”

Mateu 26:11

Aroro at yud e kwa ste way gugat, ay dewa katanya nu magamut au si ayu, bunwa kabavn.

Lukas 8:49

Ay gina Isus garingang, sik taw andasug siginan Ayru at bale, ay nalong te, “Anbul wan am baguina. Lag gfasalag ya tam takamoyung.”