Mateu 10:1 - Fanawbuid tagsibaliwas Fakayabian

¹ Ay Isus nafaful at tagadal fag labi dua, ay nafae fagmabalyananun anya fagayu laman mafaiyan mauri fag ngay falad ay laman mafafia fagayu taw nusnge wain at fakasaitun.

Mateu 10:1 Referans Kwoze

Lukas 10:19

Amatangani, nafon kwan sa ayu fagmabalyananun nansiad ule ay agipan, ay gbabo tam fawayan at fagmabalyananun fagayu. Ay wa ban e mafaidapan ayu.

Lukas 24:49

Dungugani, sumugu kban ku Mama at nafatuyanan sa ayu. Fanyai yap ste fag furuan, yakmay am nabul fagmabalyananun siginans banwa.”

Fakamulun 1:8

Ay baliwan, gina ban at Masine fag Falad andasug, gfon ban sa ayu fagmabalyananun. Ay namoyung ban am ay ngay nalag sa baliwa angku sas Erusalem ay sas fagdaul talun Udea ay sas talun Samarya ay anggan sas fagdaul daga.”

Uan 3:27

Ay Uan gbalus te, “We taw mafakamulun takatanya nu dway e nafon anya fagmabalyananun siginans banwa.

Lukas 6:13

Ay nu nmenit wan, Isus nafaful at ngay tagadal, ay nafili labi dua. Ay Isus nafangayan anya fagayu te, at ngay nasugu.

Lukas 21:15

Aroro gfoyung kban sa ayu at mamatanganan fag longan laman at nansalag ayu wa mababo ay we fagmafamayudun ya ay longan.

Fakamulun 19:15

Ay kafag mauri fag falad nabalus te, “Toglag kway Isus ay saful kway Pablu, ay am, sinu am?”

Uan 17:2

Ay nafon wo sa angku fagmabalyananun sas fagayu taw, laman gfon au leleg at yud e fakatabuan sam nafon angku fag ngay taw.

Uan 6:70

Ay Isus nalong te, “Nafili au ayu labi dua, dewa katanya, at sadi si ayu sik mauri way fag falad.”

Uan 3:35

Dius kesug at Baguama, ay nafon wan sa anya fagdaul at fagmabalyananun.

At Nafasure 12:1

Ay nu nlangfe takatanya fagayu, ansure sik fakatoglagan sis banwa at maksvn nu madulo, sik mangena galanbungan menit ay malindug sis magdanun, ay at alfuyu e sangbo labi duak galeme.

Mateu 26:47

Ay kaduge Isus garingang, Udas, Isus at labi duak nasugu at sadi, andasug e ufud sik ngay taw ngayu gafisoan ay e famalang. Kanya fagayu, ngay fun tagfon fanggalangun ay taw Udyu at ngay fagtainan at nasugu.

Mateu 26:20

Ay nu nyabi wan, Isus malunggung gfangon gfasfuan at tagadal fag labi dua.

Mateu 19:28

Ay Isus nabalus anya te, “Matuyan nu glong au ayu te, Dius ban gfabagu nusnge wain, ay au, Taw at Baguama, gmalunggung au sa ku fagmalunggungan ke fagmasineun, laman namagtainan. Ginanya ban, am tagalo angku, malunggung yangay ban am sas labi duak faglunggungan kata sik ngay fun. Ay nanginsaful ban am at masine ay at mauri sas labi duak kasugfunanan Israel.

Mateu 6:13

Ay dirii emi laman dimi gafaskudan sas asalanan, nu bunway falangfei emi siginan at mauri.’

Mateu 4:23

Ay Isus nalo sas fagdaul talun Galilea laman namoyung sanya fag ngay bale fakafulan at masine fag barita sabaliwa Dius nu gfagtainan. Ay Isus nafafia fagayu taw, nusnge wain kafag ngay taw at fakasaitun.

Mateu 9:35

Ay Isus nalo sa sangay furuan ayu daul ay sa sangay furuan ayu sirut, laman namoyung sanya fag ngay bale fakafulan at masine fag barita sabaliwas Dius nu gfagtainan. Ay Isus nafafia fagayu taw nusnge wain at fakasaitun.

Mateu 9:38

Darangini sas faggutluun at Fun, laman kanya gsugu ngay taggutlu sat faggutluan.”