Mateu 1:21 - Fanawbuid tagsibaliwas Fakayabian

²¹ Ay kanya gfasalug ban sik munama. Fangayani ban anya te, Isus, aroro kanya at namalangfe ban at ngay taw siginan at ngay asalanan.”

Mateu 1:21 Referans Kwoze

Fakamulun 13:23

Ay Pablu gfataglayun gfoyung te, “Kata Dius at fatuyanan sa sangay taw Israel, kanya nafili Isus siginans Dabid at kasugfunanan laman ban Tagfalangfe.

Fakamulun 4:12

Ste sfagdaul daga we mafalangfe antam nu bunway Isus.”

Uan 1:29

Balabag di, Uan nalag Isus nu kakbang, ay nalong anya te, “In Dius at Tupa Riangan, at namalyam ngay taw at asalanan sas fagdaul daga.

1 Uan 3:5

Nasaful am te, Isus at fagindasugun, laman namalyam tam asalanan. Ay kanya di e asalanan.

Lukas 2:21

Nu nlangfe waluk menit, nu nafae fakatoglagan wan kafag sisian gfaning taw Udyu at faugali, at fagtainan nafangayan anya te, Isus, kata tagbarita at nalong gina kafag sisian yay yud ansalug.

Fakamulun 5:31

Sanya ginan Dius nafabat anya ay nafalunggung sit siun baliwa laman sik fun ay tagfalangfe, ay gfon buknga sas fagayu taw Israel laman gubun at ngay asalanan.

Lukas 1:31

Dungugani. Gfafion ban o, ay gfasalug ban o sik munama, ay gfangayan ban o anya te, Isus.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Lukas 2:11

Aroro katsi ay Tagfalangfe ansalug wan sis fun Dabid at furuan, ay kanya tam Fun, Dius at nafili.

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”

At Nafasure 7:14

Ay nabalus au te, “Ku fun, kwa nasaful. O wan at nasaful.” Ay kanya nalong sa angku te, “Kanya fag ngay taw at nainkidapan sat maksvn fag ngay faurianan. Ay kanya fagayu nafafasine ay nafalaksi at ngay lanbung sas Tupa Riangan at taguk.

Ebreu 7:25

Nu katanya, kanya mafalangfe fagayu taw takakbang sas Dius siginan anya, aroro kanya gleleg tua kabavn laman tagwabilug kafag ngay taw sas Dius.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Fakasigadan 18:10

At sadi at betaw nalong te, “Matuyan, kafoli kyay ban sat fadogan fag banwa kata katsi fag buknga, ay am mangena Sara gfasalug ban sik munama.” Ay Sara mangaro gdungugan way sisad bale.

Lukas 1:13

Ay kafag tagbarita nalong te, “Sakaryas, lag o kalimu, aroro Dius nadungug am darangin. Am bubay Elisabet gfasalug ban sik munama, ay gfangayan ban o anya te, Uan.

Eremyas 33:16

Ay ginanya ban, ngay taw Uda umlangfe ay ngay taw Erusalem gbanwan manabayan. Ay gfangayan ban furuan Erusalem te, ‘Yawi wan Tam Fagmatuyanun.’ ”

Fakasigadan 17:19

Dius nabalus te, “Katatuy tua at matuyan: am bubay Sara gfasalug ban sik munama ay fangayani ban anya te, Isak. Namataglayun kban ku nasadian sa emu anggan sa am ngay kasugfunanan kabavn ban.

Fakasigadan 17:21

Dewa katanya, namafasludan kban ku nasadian sas Isak. Ay Sara gfasalug ban Isak kata katsi fag buknga, fadogan ban fag banwa.”

Tagfangguna 13:3

Sik menit, Yawi at tagbarita ansure sas Manwa at mangena ay glong te, “Dasug katsi yo e sisian. Dewa katanya, wa ban glugo ay gfafion o ay gfasalug sik munama.

1 Samwel 1:20

Ay andasug sik buknga, Ana nafafion ay nafasalug sik munama. Ay kanya nafangayan at munama te, Samwel, aroro kanya nalong te, “Naet au ku sisian sas Yawi.”

Mateu 1:25

Ay Use ya gfataladan Maria yakmay ansalug at fagfafionun fag munama. Ay nu nsalug wan, Use nafangayan anya te, Isus.

Uan 4:42

Kanya fag ngay taw glong sanya fag mangena te, “Katsi gafanud ami bundi lang am foyungan emi, nu bunway aroro nadungug ami anya. Ay nasaful wami te, kanya wa ngaro fia tagfalangfe fagdaul daga at taw.”