Mateu 1:12 - Fanawbuid tagsibaliwas Fakayabian

¹² Ay nu natabanan wan, katatuy at ngay kasugfunanan: Ekunya at baguama, Sealtiel, ay at fufu, Serubabel.

Mateu 1:12 Referans Kwoze

1 Krunika 3:17

Yuyakin, at natabanan sas talun Babilunya, at ngay baguama: Sealtiel,

Esra 3:2

Sanya ginan, kanya fagayu nadog yay nawat sik fagirugan fanggalangun laman sas Israel at Dius kata at marirukan fag Faugali Dius at nafon sat fagsuguan Muisis. At nawat kafag fagirugan, Eswa, Usadak at baguama ay ngay tagfon fanggalangun, ay Serubabel, Sealtiel at baguama ay anggan at ngay kalongan.

Lukas 3:27

Oda at mama, Ukanan. Ukanan at mama, Resa. Resa at mama, Serubabel. Serubabel at mama, Sealtiel. Sealtiel at mama, Neri.

Agay 1:14

Nu katanya, Yawi nafabitsug Serubabel ay Uswe, ay at kinfoli fag ngay taw Israel at ngay amatanganan laman nandog nangawat sik bale laman sas Yawi at Mabalyanan, kafag ngay taw at Dius.

Agay 2:23

Ay nanlong yangay o sa ku fagsuguan Serubabel te, ‘Ginanya ban fag menit, gfon au sa emu ku fagmabalyananun aroro o wan ku nafili.’ Au, Yawi at Mabalyanan, taglong tuy.”

Agay 1:12

Ay Serubabel ay Uswe, ay anggan ngay taw Israel at kinfoli sas talun Israel siginan at fagatabananan fag talun Babilunya, nafaning tua ay nafafasludan Yawi at suguan at nadungug siginan at taglong Agay. Nu katanya, kanya fagayu gfalag te, gsuyu tua Yawi.

Agay 1:1

Gina sis faduak banwa taguna fag menit sis faunumk magdanun fun Daryu nu gfunan sis talun Persya, Yawi e nalong sas Serubabel ay sas Uswe siginans Agay, Yawi at taglong. Serubabel, Sealtiel at baguama, talun Uda at fun sirut, ay Uswe, Eusadak at baguama ay sik fun tagfon fanggalangun.

Eremyas 22:28

Yuyakin, kata o sik tikung at marufan at yud e masuad ya. Nu katanya, nangukas kwan emu ay anggan am ngay sisian say fagyudun toglag fag talun.

Eremyas 22:24

“Au Yawi, gfatuyanan au te, kafanud nu gleleg au, nangaiyan au emu Yuyakin, Uda at fun, Yuyakim at baguama. Dewa o kata sik fanumyu si ku siun fag daluap fakatoglagan ku fagmabalyananun, gbul au emu siginan ku sumyu.

Nemyas 12:1

Kayu tuy ngay tagfon fanggalangun ay ngay taw Lebi at ngay ngayan at kinfoli siginans fagatabananan: Serubabel, Sealtiel at baguama, ay Eswa fag tagfon fanggalangun. Ngay tagfon fanggalangun: Seraya, Eremyas, Esra, Amarya, Maluk, Katus, Sekanyas, Rekum, Meremut, Iddu, Ginetun, Abya, Miamin, Muadya, Bilga, Semaya, Uyarib, Edya, Salu, Amuk, Kilkya, ay Edaya. Kanya fag ngay tagfangguna ngay tagfon fanggalangun at ngay fasfuan gfakamulun gina Eswa at buknga.

Esra 5:2

Ay Serubabel, Sealtiel at baguama, ay Eswa, Usadak at baguama, nadungug Dius at longan, nu katanya, kanya fagayu gfataglayun nu kawat Dius at bale sis Erusalem. Ay kanya fag duak taglong nagubuk anya fagayu.

2 Fun 25:27

Ay gina sis fatuluk safulu e fituk banwa, Yuyakin, Uda at fun, nu maubungan, Ebil-Merudak ansik fun sis Babilunya. Ay kanya nafalfas Yuyakin sis faduak safulu e fituk menit sis falabi duak magdanun ginanya fag banwa.

2 Fun 24:14

Kanya nataban fagayu tagbanwan sis Erusalem, gadgaloan fagayu fun tagfawayan ay at ngay tagfawayan, anggan ngay tagsaful kawat at masine fag ngay fagagbilugun. Nu fagayu wan, safuluk libuk taw. At sawad, at yud way lang e kwa.

Eremyas 22:30

Kanya glong te, “Rarusi wan siginans fun at fafil Yuyakin at ngay baguama at ngay ngayan. Fun Yuyakin nababawan wan, ay nusdi ban at sisian at sadi we nanmalunggung sas fun Dabid at faglunggungan laman gfunan sas talun Uda. Au, Yawi, taglong tuy.”

Eremyas 27:20

Fun Nabukudunusur wa nabuba kanya fag ngay fagagbilugun, gina gtaban fun Yuyakin, Yuyakim at baguama, Uda at fun, gadgaloan ngay tagfakamulun sis Uda ay sis Erusalem.

Mateu 1:11

Usyas at ngay baguama, Ekunya fag duksayan. Ginanya, ngay taw Udyu natabanan sas talun Babilunya.

Mateu 1:13

Serubabel at baguama, Abyud, ay at fufu, Elyakim, ay at fufu tud, Asur.

Mateu 1:17

Kayu nya at mangaguyang siginans Abrayam sitsigons Dabid, labi ufatk kasugfunanan. Ay siginans Dabid sitsigon ngay taw Israel nu gatabanan sas talun Babilunya, labi ufat yangayk kasugfunanan. Ay siginan nu gatabanan sas talun Babilunya sitsigon Dius at nafili fag Fun, labi ufat yangayk kasugfunanan.