Malakyas 1:8 - Fanawbuid tagsibaliwas Fakayabian

⁸ “Ay fanggalangun sa angku ngay fagbaugun way at yud glag, ay tagalbi ay at ke fakasaitun. Takatanya fagayu masuya way! Ay agvd, namon am takatanya fag ngay fanggalangun sa ay fun, o guseganan ro?”

Malakyas 1:8 Referans Kwoze

Deuterunumyu 15:21

Dewa katanya, kanya fag ngay fagbaugun nu e malong way kata tagalbi ay wa glag, ay tiba yak malong, lag am gfon laman ay fanggalangun sa ay Dius Yawi.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Eremyas 14:10

Ay Yawi nabalus te, “Matuyan, anyayu am siginan angku. Nafaning am ay sadili fakaylatun. Nu katanya, kwa kaylat ya ayu. Ay kwa ban kalyam ya ay ngay fagmauriun, ay namaurianan au ayu.”

Alubad. 20:3

Kanya nangus kaylat tua fia fagayu am fanggalangun, ay anggan yangay am fagnangirugun fag ngay fanggalangun.

Ub 42:8

Nu katanya, katsi namul am fituk baka tama ay fituk tupa tama, ay namuba am sas Ub, ay namon am sa angku sik fagirugun fag fanggalangun laman famalyam ay fagmauriun. Ay Ub ro gdarangin ayu, ay gbalus kro at darangin, ay kwa ro gfaurianan ayu sat kasakan sa ay nasalan. Wam nalong at matuyan sabaliwa angku kata ku fagsuguan Ub.”

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Agay 1:1

Gina sis faduak banwa taguna fag menit sis faunumk magdanun fun Daryu nu gfunan sis talun Persya, Yawi e nalong sas Serubabel ay sas Uswe siginans Agay, Yawi at taglong. Serubabel, Sealtiel at baguama, talun Uda at fun sirut, ay Uswe, Eusadak at baguama ay sik fun tagfon fanggalangun.

Malakyas 1:7

“Nafauri am angku siginan nu girug am at masuya fag ngay fanggalangun sas fagirugan. “Ay ginto yayam te, ‘Tain em fanggalangun nu kasik masuya?’ “Ay ngay fanggalangun masuya aroro nalong am te, ‘We masuad ya fagirugan fanggalangun.’